യുഎഇയിൽ ചില സ്കൂളുകൾ വിദ്യാർത്ഥികളുടെ ബാഗുകൾക്ക് ഭാരപരിധി നിശ്ചയിക്കുന്നു. അബുദാബി വിദ്യാഭ്യാസ വിജ്ഞാന വകുപ്പിൻ്റെ (ADEK) നിർദ്ദേശങ്ങൾക്കനുസൃതമായാണ് തീരുമാനം. കുട്ടിയുടെ ശരീര ഭാരത്തിന്റെ 20 ശതമാനത്തിലധികം വരുന്ന ബാക്ക്‌പാക്കുകൾ കൊണ്ടുപോകുന്നത് ഒഴിവാക്കാനാണ് സ്കൂളുകളുടെ നിർദേശം.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുകhttps://chat.whatsapp.com/D2yiPJ8YvjU0YMGnwAz0wR
ചിലപ്പോൾ വിദ്യാർത്ഥികളുടെ ഗ്രേഡ് ലെവലുകൾക്കനുസരിച്ച് പരമാവധി ഭാരം പരിധി നിശ്ചയിക്കും. അതേ സമയം കുട്ടികളുടെ ബാക്ക്‌പാക്കുകളിൽ പുസ്തകങ്ങൾക്കും മറ്റ് ഇനങ്ങൾക്കുമായി വ്യക്തിഗത കമ്പാർട്ട്‌മെൻ്റുകൾ ഉണ്ടായിരിക്കണമെന്നും ട്രോളി ബാഗുകൾ നിരോധിച്ചിട്ടുണ്ടെന്നും ചില സ്കൂളുകൾ നിർദേശിക്കുന്നുണ്ട്. ട്രോളി ബാഗുകൾ നട്ടെല്ലിന് ബുദ്ധിമുട്ട് സൃഷ്ടിക്കുമെന്നും ആവശ്യത്തിലധികം സാധനങ്ങൾ കൊണ്ടുപോകാൻ വിദ്യാർത്ഥികളെ പ്രേരിപ്പിക്കുമെന്നും പഠനങ്ങൾ തെളിയിക്കുന്നുണ്ട്.
അതിനാൽ നന്നായി ഫിറ്റിംഗ് ആകുന്ന, ഭാരം കുറഞ്ഞ തോൾ ബാഗ് അഭികാമ്യമാണെന്ന് മെഡിക്കൽ വിദഗ്ധർ അഭിപ്രായപ്പെടുന്നു. വിദ്യാർത്ഥികൾ അവരുടെ ബാക്ക്‌പാക്കുകളുടെ രണ്ട് സ്‌ട്രാപ്പുകളും ഒരു തോളിൽ തൂങ്ങിക്കിടക്കുന്നതിനുപകരം ധരിക്കണം. ഈ സ്‌ട്രാപ്പുകൾ വീതിയുള്ളതും പാഡുള്ളതും ആയിരിക്കണം. ക്ലാസ് റൂം അധ്യാപകർ പതിവായി ബാക്ക്‌പാക്ക് ഭാരം നിരീക്ഷിക്കേണ്ടതുണ്ട്.
ഭാരം കൂടുന്നെന്ന് മാതാപിതാക്കൾക്ക് തോന്നിയാൽ അവർക്ക് നേരിട്ട് അറിയിക്കാമെന്നും അധികൃതർ പറയുന്നു. അബുദാബിയിലെ ഷൈനിംഗ് സ്റ്റാർ ഇൻ്റർനാഷണൽ സ്കൂളിൽ ഗ്രേഡ് കെജി 1 മുതൽ 7.3 കിലോഗ്രാം വരെ ഗ്രേഡ് 10 ന് 2.2 കിലോഗ്രാം പരിധി നിർദ്ദേശിക്കപ്പെടുന്നു. മുതിർന്ന വിദ്യാർത്ഥികൾക്ക്, ഭാരം 8 കിലോയിൽ താഴെയായിരിക്കുമെന്ന് പ്രിൻസിപ്പൽ അഭിലാഷ സിംഗ് പറഞ്ഞു.
അമിത ഭാരത്തിലുള്ള ബാഗിന്റെ ദിവസേനയുള്ള ഉപയോഗം മൂലം കുട്ടികളിൽ വിട്ടുമാറാത്ത നടുവേദനയ്ക്കും മറ്റ് ശാരീരിക പ്രശ്നങ്ങൾക്കും ഇടയാക്കിയ സാഹചര്യം ഉരുത്തിരിഞ്ഞതും ഈ നടപടി സ്വീകരിക്കാൻ ഒരു കാരണമാണ്. തുംബെ യൂണിവേഴ്‌സിറ്റി ഹോസ്പിറ്റലിലെ ഓർത്തോപീഡിക് സർജറിയിലെ ക്ലിനിക്കൽ അസിസ്റ്റൻ്റ് പ്രൊഫസറും കൺസൾട്ടൻ്റുമായ ഡോ മുജീബ് മുഹമ്മദ് ഷെയ്ക്ക് തന്റെയടുത്ത് ചികിത്സയ്ക്കായെത്തിയ 13കാരനായ ആൺകുട്ടിയുടെ രോഗവസ്ഥയെ പറ്റി ഇപ്രകാരമാണ് പറയുന്നത്.
ആൺകുട്ടിക്ക് ‘ലോഡോസിസ്’ എന്ന ഒരു അവസ്ഥ കണ്ടെത്തി. അവൻ്റെ നട്ടെല്ല് വളഞ്ഞ വിധത്തിൽ അവൻ്റെ നെഞ്ച് മുന്നോട്ട് പോകുന്നതിനേക്കാൾ പിന്നോട്ട് ആണെന്ന് തോന്നുന്നു. നടുവിലും താഴത്തെ പുറകിലും ശക്തമായ വേദനയായിരുന്നു കുട്ടി അനുഭവിച്ചിരുന്നത്. സന്ധിവാതം പോലുള്ള മെഡിക്കൽ അവസ്ഥകളൊന്നും ഇല്ലെങ്കിലും അതിതീവ്രമായ വേദനയാണ് കുട്ടി അനുഭവിച്ചിരുന്നത്. രണ്ട് കാരണങ്ങളാണ് കുട്ടിക്ക് വേദനയുണ്ടാക്കിയത്.
ഒന്ന് സ്കൂൾ ബാഗിന്റെ ഭാരവും വീട്ടിൽ പഠിക്കാനിരിക്കുമ്പോഴുള്ള മോശം ഇരിപ്പുരീതിയും. അതിനാൽ ബാക്ക്പാക്കിന്റെ ഭാരം നിയന്ത്രിക്കുന്നതിലും അവ ധരിക്കേണ്ട രീതിയും സ്കൂളിലും വീട്ടിലുമായി പഠിക്കാൻ ഇരിക്കേണ്ട രീതിയുമെല്ലാം കുട്ടികൾക്കും മാതാപിതാക്കൾക്കും ബോധവത്കരണത്തിലൂടെ മനസിലാക്കി കൊടുക്കണമെന്ന് അദ്ദേഹം കൂട്ടിച്ചേർത്തു.