Air India: വിമാനനിരക്ക് നയങ്ങള്‍ പുനഃക്രമീകരിക്കാന്‍ എയര്‍ ഇന്ത്യ: വിശദാംശങ്ങൾ ചുവടെ
Air India: എയര്‍ ഇന്ത്യയുടെ എല്ലാ ക്യാബിന്‍ ക്ലാസുകളിലുമുള്ള വിമാനനിരക്ക് നയങ്ങള്‍ പുനഃക്രമീകരിക്കുന്നു. ഈ വര്‍ഷം ഒക്ടോബര്‍ 17 മുതല്‍ പ്രാബല്യത്തില്‍ വരുന്ന നവീകരിച്ച ഫെയര്‍ ഫാമിലികളില്‍ എക്കണോമി, പ്രീമിയം ഇക്കണോമി, ബിസിനസ്, ഫസ്റ്റ് ക്ലാസ് എന്നിങ്ങനെ എട്ട് വിഭാഗങ്ങള്‍ ഉള്‍പ്പെടുന്നു. പുതിയ സംവിധാനത്തിന് കീഴില്‍, യാത്രക്കാര്‍ക്ക് അവരുടെ ആവശ്യങ്ങള്‍ നിറവേറ്റുന്നതിനായി ഇഷ്ടാനുസൃതമാക്കിയ വിവിധ ഉത്പന്നങ്ങളും സേവനങ്ങളും തെരഞ്ഞെടുക്കാമെന്ന് തിങ്കളാഴ്ച പുറത്തിറക്കിയ പ്രസ്താവനയില്‍ എയര്‍ലൈന്‍ വിശദീകരിച്ചു.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക https://chat.whatsapp.com/GP5QFVhrFYr80EmJZFoXFe
പ്രീമിയം, ഇക്കോണമി, ബിസിനസ്, ഫസ്റ്റ് ക്ലാസ് എന്നിവയില്‍ വാല്യു, ക്ലാസിക്, ഫ്‌ളക്‌സ് ഫെയറുകള്‍ എന്നിവയെല്ലാം സമാന ഓപ്ഷനുകളില്‍ ലഭ്യമാണ്. യുഎഇയില്‍ നിന്നുള്ള വിമാനങ്ങള്‍ ഉള്‍പ്പെടെ എല്ലാ ആഭ്യന്തര, അന്തര്‍ദേശീയ ഫ്‌ളൈറ്റുകളിലും എയര്‍ലൈനിന്റെ ഫെയര്‍ ഫാമിലി ഇപ്പോള്‍ ലഭ്യമാണ്. ഓരോ വിലനിലവാരത്തിലും അദ്വിതീയ ഉത്പ്പന്നവും സേവന മൂല്യനിര്‍ണ്ണയവും നല്‍കുന്നതിനായി നിരക്ക് കുടുംബങ്ങളെ പുനര്‍നാമകരണം ചെയ്യുകയും ലളിതമാക്കുകയും ചെയ്തിട്ടുണ്ട്.
എയര്‍ ഇന്ത്യയുടെ എല്ലാ അതിഥികള്‍ക്കും കോംപ്ലിമെന്ററി ഹോട്ട് മീല്‍, ക്യാരി ഓണ്‍ ബാഗ് അലവന്‍സിന് പുറമെ സൗജന്യ ചെക്ക്-ഇന്‍ ബാഗേജ് അലവന്‍സ്, എയര്‍ ഇന്ത്യയുടെ ഫ്‌ളയിങ് റിട്ടേണ്‍സ് ലോയല്‍റ്റി പ്രോഗ്രാമിലെ അംഗങ്ങള്‍ക്ക് റിവാര്‍ഡ് പോയിന്റുകള്‍ എന്നിവ എയര്‍ ഇന്ത്യ വാഗ്ദാനം ചെയ്യുന്നു.
Comments (0)