Dubai bus service; ദുബൈ എമിറേറ്റിൽ മൂന്ന് പുതിയ ബസ് റൂട്ടുകൾ പ്രഖ്യാപിച്ച് ദുബൈ റോഡ് ഗതാഗത അതോറിറ്റി (ആർ.ടി.എ). സത് വ ബസ് സ്റ്റേഷനിൽനിന്ന് ഗ്ലോബൽ വില്ലേജിലേക്കുള്ള പുതിയ സർവിസും ഇതിൽ ഉൾപ്പെടും. ഈമാസം 29 മുതൽ പുതിയ റൂട്ടുകളിൽ സർവിസ് ആരംഭിക്കും.പുതുതായി പ്രഖ്യാപിച്ച റൂട്ട് 108 ആണ് ദുബൈ ഗ്ലോബൽ വില്ലേജിലേക്ക് സർവിസ് നടത്തുക.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുകhttps://chat.whatsapp.com/IXuNyAQ0lGeBzuRcaZal5K
വെള്ളി, ശനി, ഞായർ വാരാന്ത്യ അവധിദിവസങ്ങളിലും പൊതുഅവധി ദിവസങ്ങളിലും പ്രത്യേക പരിപാടികളുള്ള ദിവസങ്ങളിലുമാണ് സത്‍വ സ്റ്റേഷനിൽനിന്ന് ഗ്ലോബൽ വില്ലേജിലേക്ക് ഈ റൂട്ടിൽ സർവിസുണ്ടാവുക. ഉച്ചക്ക് രണ്ടു മുതൽ രാത്രി ഒന്നു വരെ ഓരോ മണിക്കൂറിലും ഇരുദിശയിലേക്കും ബസുണ്ടാകും. റൂട്ട് എഫ്63 എന്ന മെട്രോ ഫീഡർ സർവിസാണ് പുതുതായി പ്രഖ്യാപിച്ച മറ്റൊന്ന്. അൽറാസ് മെട്രോസ്റ്റേഷനിൽനിന്ന് അൽഖലീജ് സ്ട്രീറ്റ് വഴി നായിഫ് സ്ട്രീറ്റിലേക്കാണ് ഈ റൂട്ടിലെ ബസ് സർവിസ് നടത്തുക.