dubai duty free lucky draw; ദുബായ്: ദുബായ് ഡ്യൂട്ടി ഫ്രീ നറുക്കെടുപ്പില്‍ ഡച്ച് പ്രവാസിയ്ക്കും ഇന്ത്യൻ പൗരനും കോടികള്‍ സമ്മാനം. ഒരു മില്യണ്‍ ഡോളര്‍ വീതമാണ് ഇരുവരും സമ്മാനം നേടിയത്. ഡച്ച് പൗരനായ റോബര്‍ട്ട് കോര്‍ബ്ജിന്‍ (43), അരുള്‍രാജ് തവസിമണി എന്നിവരാണ് സമ്മാനാര്‍ഹരായത്. 1999 മുതൽ മില്ലേനിയം മില്യണയർ പ്രമോഷൻ നേടിയ നാലാമത്തെ ഡച്ച് പൗരനാണ് റോബര്‍ട്ട്. ഡ്യൂട്ടി ഫ്രീ നറുക്കെടുപ്പില്‍ വിജയിക്കുന്ന 244-ാമത്തെ ഇന്ത്യൻ പൗരനാണ് അരുള്‍രാജ്.
മില്ലേനിയം മില്യണയർ നറുക്കെടുപ്പിനെ തുടർന്ന് മൂന്ന് ആഡംബര കാറുകളുടെയും മോട്ടോർ ബൈക്കുകളുടെയും മികച്ച സർപ്രൈസ് നറുക്കെടുപ്പ് നടത്തി. 34 കാരനായ കനേഡിയൻ പൗരനായ ഡൊമിനിക് ചഫ്താരി ബിഎംഡബ്ല്യു എക്സ്6 എം കോംപറ്റീഷൻ വാഹനം സ്വന്തമാക്കി. നാല് വർഷമായി ദുബായിൽ താമസിക്കുന്ന ചഫ്താരി ദുബായിലെ ഒരു കരാർ കമ്പനിയിൽ ഫയൽ ക്ലാർക്കായി ജോലി ചെയ്യുകയാണ്. “ഇത് എൻ്റെ ജീവിതത്തിലെ ഏറ്റവും മികച്ച ദിവസങ്ങളിലൊന്നാണ്,” അദ്ദേഹം പറഞ്ഞു. ജർമ്മൻ പൗരനായ മാർട്ടിൻപ വാസിലേവ്‌സ്‌കി മെഴ്‌സിഡസ് ബെൻസ് ജി 500 കാർ സ്വന്തമാക്കി. ഫിലിപ്പിനോ പൗരയായ 43 കാരിയായ എയ്‌ലീൻ ഡൊറോത്തി ഉമാലി ബിഎംഡബ്ല്യു എക്സ്6 എം കോംപറ്റീഷൻ വാഹനത്തിൽ വിജയിച്ചു. ആദ്യമായി ടിക്കറ്റ് വാങ്ങുന്ന ഉമാലി ദുബായിലെ ഒരു റീട്ടെയിൽ കമ്പനിയിലാണ് ജോലി ചെയ്യുന്നത്