സംഘർഷങ്ങളും യുദ്ധഭീതിയും; വിമാനങ്ങൾ റദ്ദാക്കി യുഎഇയിലെ എയർലൈനുകൾ
മിഡിൽ ഈസ്റ്റിൻ്റെ പല ഭാഗങ്ങളിലും വ്യോമപാതകൾ അടച്ചതിനാൽ യുഎഇ ആസ്ഥാനമായുള്ള എയർലൈനുകൾ നിരവധി വിമാനങ്ങൾ റദ്ദാക്കുകയും വഴിതിരിച്ചുവിടുകയും ചെയ്തു. അബുദാബി ആസ്ഥാനമായുള്ള ഇത്തിഹാദ് എയർവേയ്‌സ് ചൊവ്വാഴ്ചയും (ഒക്‌ടോബർ 1) ബുധനാഴ്ചയും (ഒക്‌ടോബർ 2) വിമാനങ്ങളുടെ വഴിമാറ്റി വിടുന്നതായി അറിയിച്ചു.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുകhttps://chat.whatsapp.com/GP5QFVhrFYr80EmJZFoXFe
ഇസ്രായേലിനെതിരായ ഇറാൻ മിസൈൽ ആക്രമണത്തെ തുടർന്ന് ഇസ്രായേൽ, ജോർദാൻ, ഇറാഖ്, ലെബനൻ എന്നിവിടങ്ങളിലെ വ്യോമപാതകൾ ചൊവ്വാഴ്ച അടച്ചുപൂട്ടി. “വരും ദിവസങ്ങളിൽ നിരവധി വിമാനങ്ങൾക്ക് ചില തടസ്സങ്ങളും കാലതാമസവും ഉണ്ടാക്കാൻ സാധ്യതയുണ്ട്” എന്നും ഇത്തിഹാദ് മുന്നറിയിപ്പ് നൽകി.
ഇത്തിഹാദ് എയർവേയ്‌സ് ഫ്ലൈറ്റുകൾ അംഗീകൃത വ്യോമാതിർത്തിയിലൂടെ മാത്രമേ സർവ്വീസ് നടത്തൂ, സുരക്ഷയാണ് ഞങ്ങളുടെ ഏറ്റവും ഉയർന്ന മുൻഗണന, അത് സുരക്ഷിതമല്ലെങ്കിൽ ഞങ്ങൾ ഒരിക്കലും ഒരു ഫ്ലൈറ്റ് പ്രവർത്തിപ്പിക്കില്ല,” അബുദാബി ആസ്ഥാനമായുള്ള കാരിയർ കൂട്ടിച്ചേർത്തു: “എയർലൈൻ സുരക്ഷയും എയർസ്‌പേസ് അപ്‌ഡേറ്റുകളും തുടർച്ചയായി നിരീക്ഷികകുകയാണ്.
etihad.com-ൽ തങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കാൻ ഇത്തിഹാദ് ഉപഭോക്താക്കളെ ഉപദേശിച്ചു. യാത്രാ ക്രമീകരണം മാറ്റാൻ ആഗ്രഹിക്കുന്ന യാത്രക്കാർ ഇത്തിഹാദ് എയർവേയ്‌സ് കോൺടാക്റ്റ് സെൻ്ററുമായോ (+971) 600 555 666 എന്ന നമ്പറിലോ അവരുടെ ട്രാവൽ ഏജൻ്റുമാരുമായോ ബന്ധപ്പെടാൻ നിർദ്ദേശം നൽകി.
Comments (0)