പ്രവാസികളെ നിങ്ങൾക്ക് ഇമിഗ്രേഷനിൽ നിന്ന് ഫോൺ കോൾ വന്നിരുന്നോ? എങ്കിൽ സൂക്ഷിക്കണം
യുഎഇയിലെ പ്രവാസികൾക്ക് മുന്നറിയിപ്പുമായി അധികൃതർ. ദുബായിലെ ഇന്ത്യൻ കോൺസുലേറ്റ് പ്രവാസി ഭാരതീയ സഹായതാ കേന്ദ്രത്തിൽ നിന്ന് ഇമിഗ്രേഷൻ കാര്യങ്ങളുമായി ബന്ധപ്പെട്ട് വ്യാജ കോളുകൾ വരുന്നതായി പ്രവാസികൾക്ക് മുന്നറിയിപ്പ് നൽകി.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
പ്രവാസി ഭാരതീയ സഹായതാ കേന്ദ്ര ടെലിഫോൺ നമ്പർ: 80046342 പ്രതിഫലിപ്പിക്കുന്ന വ്യാജ കോളുകൾ സംബന്ധിച്ച് ദുബായിലെയും വടക്കൻ എമിറേറ്റുകളിലെയും പ്രവാസികൾ ജാഗ്രത പാലിക്കണമെന്ന് മിഷൻ ആവശ്യപ്പെട്ടു. സോഷ്യൽ മീഡിയ പ്ലാറ്റ്ഫോമായ എക്സിലൂടെയാണ് ഇക്കാര്യം ആവശ്യപ്പെട്ടത്. നിലവിലില്ലാത്ത ചില ഇമിഗ്രേഷൻ പ്രശ്‌നങ്ങൾ പരിഹരിക്കാനെന്ന വ്യാജേനയാണ് വിളിക്കുന്നയാൾ പണം തട്ടാൻ ശ്രമിക്കുന്നതെന്ന് കോൺസുലേറ്റ് അറിയിച്ചു.
“ഇമിഗ്രേഷൻ സംബന്ധമായ വിഷയങ്ങളിൽ കോൺസുലേറ്റ് ഇന്ത്യൻ ആരെയും വിളിക്കില്ല. ദയവായി അത്തരം കോളുകൾ വരുമ്പോൾ അവരുമായി ഇടപഴകരുത്, പണം നൽകരുത്,” കോൺസുലേറ്റ് പങ്കുവെച്ച കുറിപ്പിൽ പറഞ്ഞു. കൂടാതെ, ”കോൺസുലേറ്റിലെ ഉദ്യോഗസ്ഥർ സ്വകാര്യ വിവരങ്ങളോ ഒടിപിയോ പിൻ നമ്പറുകളോ ബാങ്ക് വിശദാംശങ്ങളോ ആവശ്യപ്പെടുന്നില്ല,” അതിൽ കൂട്ടിച്ചേർത്തു. സെപ്തംബർ ഒന്നിന് ആരംഭിച്ച രണ്ട് മാസത്തെ വിസ പൊതുമാപ്പ് പദ്ധതി യുഎഇ നടപ്പാക്കി വരികയാണ്.
അടുത്തിടെ, യുഎഇയുടെ ഫെഡറൽ ടാക്സ് അതോറിറ്റി സൈബർ കുറ്റവാളികളുടെ ഇമെയിൽ ഫിഷിംഗ് തട്ടിപ്പുകളെ കുറിച്ച് താമസക്കാർക്ക് മുന്നറിയിപ്പ് നൽകിയിരുന്നു.
Comments (0)