Dubai road naming committee: ‘പേരിടാൻ പുലിയാണോ?’ ദുബായ് നഗരത്തിൽ റോഡുകൾക്ക് പേര് നിര്‍ദേശിക്കാൻ പൊതുജനങ്ങൾക്കും അവസരം
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
Dubai road naming committee: ‘ഓരോ നാടിനും പേര് വന്നത് എങ്ങനെയാണെന്ന് നമ്മൾ ആലോചിക്കാറുണ്ട്. നാടുകളുടെ പേര് മാറ്റുന്നതുമായി ബന്ധപ്പെട്ട കാര്യങ്ങളും ചര്‍ച്ചയിൽ വരാറുണ്ട്. എന്നാൽ നാടിന് പേരിടാൻ പൊതുജനങ്ങൾക്കും അവസരം ലഭിച്ചാൽ എങ്ങനെയുണ്ടാകും? ദുബായിൽ പുതിയ റോഡുകൾക്കും തെരുവുകൾക്കും പേരിടാൻ പൊതുജനങ്ങളുടെ സഹായം തേടി രംഗത്ത് വന്നിരിക്കുകയാണ് ദുബായ് റോഡ് നെയിമിങ് കമ്മിറ്റി (DRNC).
ഇതിനായി roadsnaming.ae എന്ന വെബ്സൈറ്റും അധികൃതര്‍ തയ്യാറാക്കിയിട്ടുണ്ട്.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
തെരുവുകൾക്ക് രാജ്യത്തിൻ്റെ ഐഡൻ്റിറ്റിയും സാംസ്കാരിക പൈതൃകവും ഉയര്‍ത്തിപ്പിക്കുന്ന പേരുകൾ നൽകുന്നതിന് വേണ്ടിയുള്ള ശ്രമങ്ങളാണ് ദുബായിൽ നടക്കുന്നത്. പേരിടുന്ന കാര്യത്തിൽ പൊതുജന പങ്കാളിത്തം എങ്ങനെ ഉറപ്പുവരുത്താമെന്ന ആലോചനയിൽ നിന്നാണ് പുതിയ ഡിജിറ്റൽ സിസ്റ്റം അവതരിപ്പിച്ചത്.
ട്രയൽ ഘട്ടമെന്ന നിലയിൽ അൽ ഖവനീജ് മേഖലയിലെ റോഡുകളുടെ പേരിടൽ കമ്മിറ്റി പൂര്‍ത്തിയാക്കിയിട്ടുണ്ട്. പ്രാദേശികമായി നിലനിൽക്കുന്ന മരങ്ങൾ, ചെടികൾ, പൂക്കൾ എന്നിവയുടെ പേരുകളിൽ നിന്ന് പ്രചോദനം ഉൾക്കൊണ്ടു കൊണ്ടാണ് ഈ മേഖലയിൽ പേരിട്ടത്. ഗാഫ് സ്ട്രീറ്റ്, സിദ്ര്‍, റീഹാൻ, ഫാഗി, സമര്‍, ശരീഷ് തുടങ്ങിയ പേരുകളാണ് നൽകിയത്. പൊതുജനങ്ങൾക്ക് ഒരു നാടിൻ്റെ പേര്, അടയാളം, ലൊക്കേഷൻ വിവരങ്ങൾ എന്നിവ കാണുമ്പോൾ ആ നാടിനെ മനസ്സിൽ കാണാൻ പുതിയ പേരിടൽ രീതി സഹായിക്കുമെന്നാണ് അധികൃതര്‍ വ്യക്തമാക്കി.
ഓരോ മേഖലയുടെ പ്രത്യേകതകൾ അനുസരിച്ചുള്ള പേരുകൾ നിര്‍ദേശിക്കാനാണ് ദുബായ് റോഡ് നെയിമിങ് കമ്മിറ്റി ആവശ്യപ്പെടുന്നത്. അറബിക് ഡിസൈൻ, ആര്‍കിടെക്ചര്‍, അറബിക് കവിത, കല തുടങ്ങിയവയെ അടയാളപ്പെടുത്തുന്ന തരത്തിലുള്ള പേരുകളാണ് തെരുവുകൾക്ക് നൽകുക. അതോടൊപ്പം ഓരോ നാടുമായും ബന്ധപ്പെട്ട പക്ഷികൾ, പരിസ്ഥിതി, കപ്പലുകൾ, മറൈൻ ടൂൾസ്, മത്സബന്ധനം, മഴ, കോട്ടകൾ, പുരാതന കൊട്ടാരങ്ങൾ, പുരാവസ്തു കേന്ദ്രങ്ങൾ, പുരാതന ആഭരണങ്ങൾ, കുതിര, ഒട്ടകം, ഈത്തപ്പഴം, കൃഷി, കാ‍ര്‍ഷിക ജോലി തുടങ്ങിയ വിവിധ കാര്യങ്ങൾ പേരിടുന്നതിനായി പരിഗണിക്കും.
Comments (0)