flight ticket booking; ഈ വര്‍ഷം യുഎഇ ഉള്‍പ്പെടെയുള്ള വിദേശരാജ്യങ്ങളില്‍ വിമാനടിക്കറ്റ് നിരക്ക് ഉയര്‍ന്ന നിലയില്‍ തന്നെ തുടരുമെന്ന് പ്രതീക്ഷിക്കുന്നു. എണ്ണവില കുറയാന്‍ സാധ്യതയുണ്ടെങ്കിലും യാത്രയ്ക്കുള്ള ആവശ്യകത ശക്തമായി കൂടുകയാണ്. കോർപ്പറേറ്റ്, MICE (മീറ്റിങുകൾ, ഇന്‍സെന്‍റീവുകൾ, കോൺഫറൻസുകൾ, എക്സിബിഷനുകൾ), ബ്ലെഷർ (ബിസിനസും ഒഴിവുസമയവും സംയോജിപ്പിച്ച്) യുഎഇയിലെയും മറ്റ് രാജ്യങ്ങളിലെയും ആളുകൾ ഓരോ വർഷവും നടത്തുന്ന പതിവ് സീസണൽ യാത്രകളും വിമാനയാത്രയ്ക്ക് ഡിമാന്‍ഡ് വര്‍ധിപ്പിക്കും.
യുഎഇയിലേക്ക്, പ്രത്യേകിച്ച് ദുബായിലേക്ക് വരുന്ന പുതിയ ടൂറിസ്റ്റുകളുടെയും താമസക്കാരുടെയും ഗണ്യമായ വർധനവാണ് ഈ തുടർച്ചയായ ഉയർന്ന യാത്രാ ആവശ്യകതയിലേക്ക് സംഭാവന ചെയ്യുന്ന ഒരു പ്രധാന ഘടകം. ജനസംഖ്യയിലും വിനോദസഞ്ചാരത്തിലുമുള്ള ഈ കുതിച്ചുചാട്ടം യാത്രാ ആവശ്യം ഇനിയും വർധിപ്പിക്കുമെന്ന് പ്രതീക്ഷിക്കുന്നു. അതിനാൽ 2025 ൽ വിമാനടിക്കറ്റ് നിരക്ക് ഉയർന്ന നിലയിൽ നിലനിർത്തും.
കൂടാതെ, ആഗോള വ്യോമയാന വ്യവസായം വിമാന വിതരണത്തിലെ കാലതാമസവുമായി മല്ലിടുകയാണ്. ഇത് യുഎഇയുടെയും ആഗോള എയർലൈനുകളുടെയും വിപുലീകരണ പദ്ധതികളെ തടസ്സപ്പെടുത്തുന്നു. ഓണ്‍ലൈന്‍ ട്രാവല്‍ ഏജന്‍സിയായ മുസാഫിര്‍ പറയുന്നത് അനുസരിച്ച്, 2025 ല്‍ വിമാനടിക്കറ്റ് നിരക്ക് രണ്ട് മുതല്‍ 14 ശതമാനം വരെ ഉയരും. ഇതിനു പ്രധാന കാരണമായി ചൂണ്ടിക്കാട്ടുന്നത്, ഉയര്‍ന്ന ഇന്ധനനിരക്കും പണപ്പെരുപ്പ സമ്മർദ്ദങ്ങളുമാണ്.
എന്നിരുന്നാലും, നൂതനമായ യാത്രാ തന്ത്രങ്ങളിലൂടെയും ലോയൽറ്റി പ്രോഗ്രാമുകളിലൂടെയും ബിസിനസുകൾ ഈ ചെലവുകൾ കൈകാര്യം ചെയ്യുന്നു. 2018 സെപ്തംബറിന് ശേഷമുള്ള ഏറ്റവും താഴ്ന്ന നിരക്കിൽ എണ്ണ വില കുറഞ്ഞിട്ടും 2025ൽ ശരാശരി വിമാന നിരക്ക് കുറയാൻ സാധ്യതയില്ലെന്ന് ഗ്ലോബൽ ഏവിയേഷൻ കൺസൾട്ടൻസി ഒഎജി പറഞ്ഞു. 2024ൽ ബാരലിന് 82 ഡോളറായിരുന്ന ബ്രെൻ്റ് ക്രൂഡ് ഓയിൽ വില 2025ൽ ബാരലിന് 79 ഡോളറായിരിക്കുമെന്ന് ഇൻ്റർനാഷണൽ എനർജി ഏജൻസി പ്രതീക്ഷിക്കുന്നു.