PRAVASI NEWS DAILY

Free Health Checkup Workers Dubai ദുബായ്: ദുബായിലെ ബ്ലൂ കോളർ തൊഴിലാളികൾക്ക് ഏപ്രിൽ 13 ഞായറാഴ്ച അൽ ഖൂസിൽ നടക്കുന്ന പരിപാടിയിൽ സൗജന്യ ആരോഗ്യ പരിശോധനയും യാത്രാ ടിക്കറ്റുകൾ, ഇ-സ്കൂട്ടറുകൾ, സ്മാർട്ട്‌ഫോണുകൾ എന്നിവയും അതിലേറെയും നേടാനുള്ള അവസരം ലഭിക്കും. ജനറൽ ഡയറക്ടറേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്‌സ് അഫയേഴ്‌സ് (ജിഡിആർഎഫ്എ) സംഘടിപ്പിക്കുന്ന ‘ദി ഹെൽത്ത് കാർണിവൽ ഫോർ ദി വർക്ക്‌ഫോഴ്‌സ്’ ദുബായിലെ പാകിസ്ഥാൻ അസോസിയേഷനുമായി സഹകരിച്ചാണ് നടക്കുന്നത്. 

 സൗജന്യ ആരോഗ്യ പരിശോധനകൾ, സ്തനാർബുദ പരിശോധനകൾ, സ്മാർട്ട് ലൈഫുമായി സഹകരിച്ച് നേത്ര പരിശോധനകൾ, ബോധവത്കരണ സെഷനുകൾ, കായിക സാംസ്കാരിക പ്രവർത്തനങ്ങൾ, മാജിക് ഷോകൾ, പൊതുജനാരോഗ്യ നടത്തം എന്നിവ ചെയ്യാന്‍ അവസരം ലഭിക്കും. കൂടാതെ, യാത്രാ ടിക്കറ്റുകൾ, ഇലക്ട്രിക് സ്കൂട്ടറുകൾ, സ്മാർട്ട്ഫോണുകൾ തുടങ്ങിയ വിലയേറിയ സമ്മാനങ്ങളും ലഭിക്കും. സമൂഹത്തിലെ വിവിധ മേഖലകളിൽ നിന്നുള്ള 10,000ത്തിലധികം പേർ പങ്കെടുക്കുന്ന വിപുലവും വൈവിധ്യപൂർണവുമായ പ്രേക്ഷകരെ ഈ പരിപാടി ആകർഷിക്കുമെന്ന് പ്രതീക്ഷിക്കുന്നു. ‘സമൂഹത്തിന്റെ വർഷം’ (ഇയര്‍ ഓഫ് കമ്യൂണിറ്റി) എന്ന സംരംഭത്തിന്റെ ഭാഗമാണ് ഈ പരിപാടി. 25,000 കൈയ്യടയാളങ്ങൾ ഉപയോഗിച്ച് യുഎഇ പതാക രൂപപ്പെടുത്തി ഗിന്നസ് വേൾഡ് റെക്കോർഡ് തകർക്കാനുള്ള ‘ഹാൻഡ്സ് ഓഫ് യൂണിറ്റി’ സംരംഭം പരിപാടിയുടെ ശ്രദ്ധേയമായ ഒന്നാണ്.

Indian passport;ഇന്ത്യന്‍ പാസ്‌പോര്‍ട്ടില്‍ പങ്കാളിയുടെ പേര് ചേര്‍ക്കാന്‍ ഇനി വിവാഹ സര്‍ട്ടിഫിക്കറ്റ് വേണ്ട;പുതിയ മാറ്റങ്ങൾ പ്രഖ്യാപിച്ചു