jaywan’ Now In Credit Too;ജയ്‌വാൻ’ കൂടുതൽ പേരിലേക്ക്; ഡെബിറ്റ് കാർഡിന് പിന്നാലെ ക്രെഡിറ്റ് കാർഡും എത്തുന്നു;കൂടുതൽ സൗകര്യങ്ങൾ ഇങ്ങനെ
jaywan’ Now In Credit Too:യുഎഇ: യുഎഇ സെന്‍ട്രല്‍ ബാങ്കിൻ്റെ അനുബന്ധ സ്ഥാപനമായ അല്‍ ഇത്തിഹാദ് പേയ്മെൻ്റ്സ് രാജ്യത്തെ ആദ്യത്തെ ആഭ്യന്തര കാര്‍ഡ് സ്‌കീമായ ജയ്‌വാൻ ഡെബിറ്റ് പുറത്തിറക്കിയത് ഇക്കഴിഞ്ഞ ഫെബ്രുവരിയിലാണ്. ഇപ്പോഴിതാ ‘ജയ്‌വാൻ’, ഡെബിറ്റ് കാർഡിന് പിന്നാലെ ക്രെഡിറ്റ് കാർഡ് സൗകര്യവും ഉടൻ ലഭ്യമാക്കാനൊരുങ്ങുകയാണ് അധികൃതർ.
ഇത് യാഥാർഥ്യമാകുന്നതോടെ രാജ്യത്തെ പണമിടപാട് രംഗത്ത് വലിയ മുന്നേറ്റം ഉണ്ടാകുമെന്ന കാര്യം ഉറപ്പാണ്. ഡെബിറ്റ് കാർഡിന്റെ വിജയത്തിന് പിന്നാലെ ക്രെഡിറ്റ് കാർഡും എത്തുന്നതോടെ ഉപഭോക്താക്കൾക്കും വ്യാപാരികൾക്കും ഒരുപോലെ ഇത് പ്രയോജനകരമാകും.രാജ്യത്തിന്റെ സ്വന്തം പേയ്‌മെന്റ് സംവിധാനം ശക്തിപ്പെടുത്തുന്നതിന്റെ ഭാഗമായാണ് അൽ ഇത്തിഹാദ് പേയ്മെന്റ്സ് ഇങ്ങനെനോരു സംവിധാനം കൂടി പുതുതായി അവതരിപ്പിക്കുന്നത്. ജയ്‌വാൻ ക്രെഡിറ്റ് കാർഡ് സംവിധാനത്തിന്റെ അന്തിമ രൂപരേഖ തയ്യാറാക്കുന്ന ഘട്ടത്തിലാണ് ഇപ്പോൾ അധികൃതർ. അതേസമയം ജയ്‌വാൻ ഡെബിറ്റ് കാർഡുകൾ വിപണിയിൽ എത്തിച്ചതുകൊണ്ട് മാത്രം ഒരു തദ്ദേശീയ ക്രെഡിറ്റ് കാർഡ് സംവിധാനം എളുപ്പത്തിൽ ആരംഭിക്കാൻ സാധിക്കില്ലെന്നും, അതിന് അതിന്റെതായ വിവിധ ഘട്ടങ്ങൾ പൂർത്തിയാകേണ്ടത് ഉണ്ട് എന്നും അൽ ഇത്തിഹാദ് പേയ്മെന്റ്സ് സിഇഒ ജാൻ പിൽബൗർ വിവരിക്കുകയുണ്ടായി.
ഒരു തദ്ദേശീയ പേയ്‌മെന്റ് കാർഡ് സംവിധാനത്തിൽ പ്രധാനമായും രണ്ടു കാര്യങ്ങളാണ് ശ്രദ്ധിക്കേണ്ടതായി ഉള്ളത്. ഒന്ന്, കാർഡിന്റെ സാങ്കേതികപരമായ രൂപരേഖ തയ്യാറാക്കുക എന്നതാണ്. രണ്ട്, ചിപ്പിലെ സാങ്കേതികവിദ്യ, ടാപ്പ് പേയ്‌മെന്റ് സാധ്യമാക്കുന്ന ആന്റിന തുടങ്ങിയവ തുടങ്ങിയവയും പ്രത്യേകം ശ്രദ്ധിക്കേണ്ടതുണ്ട്. മറ്റൊന്ന്, ഈ കാർഡുകൾക്കുള്ള സ്വീകാര്യത ഉറപ്പാക്കുക എന്നതാണ്. കാർഡുകൾ വിപണിയിൽ എത്തിക്കഴിഞ്ഞാൽ, ഉപഭോക്താക്കൾക്ക് എല്ലാ എടിഎമ്മുകളിലും, വ്യാപാരി ടെർമിനലുകളിലും, ഇ-കൊമേഴ്‌സ് ഗേറ്റ്‌വേകളിലും ഈ കാർഡ് ഉപയോഗിച്ച് പണമിടപാട് നടത്താൻ സാധിക്കണം.
അതുപോലെ, ഡിജിറ്റൽ വാലറ്റുകളിൽ ജയ്‌വാൻ കാർഡ് ലോഡ് ചെയ്യുമ്പോൾ തടസ്സങ്ങളില്ലാതെ പ്രവർത്തിപ്പിക്കാനും സാധിക്കണം. ഇതിനെല്ലാം ശേഷം രാജ്യത്തെ എല്ലാ എടിഎമ്മുകളിലും, വ്യാപാര സ്ഥാപനങ്ങളിലും, ഓൺലൈൻ പ്ലാറ്റ്‌ഫോമുകളിലും ജയ്‌വാൻ ക്രെഡിറ്റ് കാർഡ് ഉപയോഗിക്കാൻ സാധിക്കുന്ന ഒരു Ecosystem കെട്ടിപ്പടുക്കുകയാണ് അല്‍ ഇത്തിഹാദ് പേയ്മെൻ്റ്സ് ലക്ഷ്യമിടുന്നത്. ഇതിനായി മറ്റ് ബാങ്കുകളും സ്ഥാപനങ്ങളും അവരുടെ സംവിധാനങ്ങളിൽ ആവശ്യമായ മാറ്റങ്ങൾ വരുത്തേണ്ടി വരുമെന്നും അധികൃതർ അറിയിച്ചിട്ടുണ്ട്.
നിലവിൽ ജയ്‌വാൻ ഡെബിറ്റ് കാർഡുകൾക്ക് യുഎഇയിൽ മികച്ച പ്രതികരണമാണ് ലഭിക്കുന്നത്. വിസ, മാസ്റ്റർകാർഡ് തുടങ്ങിയ അന്താരാഷ്ട്ര പേയ്‌മെന്റ് നെറ്റ്‌വർക്കുകളുമായി സഹകരിക്കുന്നതിനാൽ ഈ കാർഡുകൾ വിദേശത്തും ഉപയോഗിക്കാൻ സാധിക്കുമെന്നതാണ് ഏറ്റവും വലിയ പ്രിത്യേകത. ഇവയ്ക്ക് പുറമെ , ഗൂഗിൾ പേ, സാംസങ് പേ തുടങ്ങിയ ഡിജിറ്റൽ വാലറ്റുകളിലും ജയ്‌വാൻ ഡെബിറ്റ് കാർഡുകളുടെ സേവനം അതികം വൈകാതെ തന്നെ ലഭ്യമായി തുടങ്ങും. ആപ്പിൾ പേ-ലും സേവനം ലഭിക്കാൻ വലിയ കാലതാമസമുണ്ടാകില്ല.
‘ജയ്‌വാൻ’ കൂടുതൽ പേരിലേക്ക്; ഡെബിറ്റ് കാർഡിന് പിന്നാലെ ക്രെഡിറ്റ് കാർഡും എത്തുന്നു
ഇ-കൊമേഴ്‌സ് പേയ്‌മെന്റുകളുടെ കാര്യത്തിൽ, രണ്ട് പ്രാദേശിക ഇ-കൊമേഴ്‌സ് ഗേറ്റ്‌വേകളുമായി പൈലറ്റ് ടെസ്റ്റിംഗ് നടന്നു വാരിയാണ്. ഇതോടെ കൂടുതൽ പേരെ ഇതിലേക്കും ചേർക്കാനാകും. നിലവിൽ യുഎഇയിലെ ഇഷ്യൂവർ ബാങ്കുകൾ ജയ്‌വാൻ ഡെബിറ്റ് കാർഡുകൾ വലിയ തോതിൽ വിതരണം ചെയ്യാനും നിലവിലുള്ള കാർഡുകൾ മാറ്റി പുതിയ ജയ്‌വാൻ കാർഡുകൾ നൽകാനുമുള്ള തയ്യാറെടുപ്പിലാണ്. യുഎഇയുടെ ഈ തദ്ദേശീയ പേയ്‌മെന്റ് പ്ലാറ്റ്‌ഫോം രാജ്യത്തെ ഡിജിറ്റൽ സമ്പദ്‌വ്യവസ്ഥയ്ക്ക് കൂടുതൽ കരുത്ത് പകരുമെന്ന് പ്രതീക്ഷ. വരും മാസങ്ങളിൽ ജയ്‌വാൻ ക്രെഡിറ്റ് കാർഡുകൾ വിപണിയിൽ എത്തുമെന്നാണ് നിലവിലെ റിപ്പോർട്ടുകൾ പ്രകാരം ലഭിക്കുന്ന സൂചന.
Comments (0)