Job vacancy in dubai; ദുബായില്‍ വരാനിരിക്കുന്നത് വമ്പന്‍ തൊഴിലവസരങ്ങള്‍… ഇനി ജോലിക്കായി അലയേണ്ടി വരില്ല..!
Job vacancy in dubai; ദുബായ്: ആര്‍ട്ടിഫിഷ്യല്‍ ഇന്റിലിജന്‍സിന്റെ (എഐ) സാങ്കേതിക മുന്നേറ്റം മൂലം യുഎഇക്ക് നിരവധി തൊഴിലവസരങ്ങള്‍ സൃഷ്ടിക്കാന്‍ കഴിയുമെന്ന് ഉന്നത സര്‍ക്കാര്‍ ഉദ്യോഗസ്ഥര്‍. ചൊവ്വാഴ്ച നടന്ന എഐ റിട്രീറ്റില്‍ ആണ് ഉദ്യോഗസ്ഥരുടെ നിരീക്ഷണം. ആര്‍ട്ടിഫിഷ്യല്‍ ഇന്റലിജന്‍സിന്റെ ഫലമായുണ്ടാകുന്ന തൊഴില്‍ നഷ്ടങ്ങളെക്കുറിച്ചുള്ള ഭയവും വിദഗ്ധര്‍ ദുരീകരിച്ചു.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
രാജ്യത്തെ സാങ്കേതിക വ്യവസായത്തിന്റെ ദ്രുതഗതിയിലുള്ള പരിണാമം കണക്കിലെടുക്കുമ്പോള്‍ പല കമ്പനികളും ഇതിനകം തന്നെ യുഎഇയില്‍ റിക്രൂട്ട്മെന്റ് തുടങ്ങിയെന്നും വിദഗ്ധര്‍ വ്യക്തമാക്കി. യുഎഇയിലെ ആര്‍ട്ടിഫിഷ്യല്‍ ഇന്റലിജന്‍സ് വിപണി 28.54 ശതമാനം വാര്‍ഷിക വളര്‍ച്ചാ നിരക്ക് കാണിക്കുമെന്നാണ് പ്രതീക്ഷിക്കുന്നത്. അതിന്റെ ഫലമായി 2030-ഓടെ വിപണി നിരക്ക് 4,285.00 ദശലക്ഷം ഡോളറില്‍ എത്തും.
ഇന്ന്, നിങ്ങള്‍ എഐയെ സ്വീകരിക്കാന്‍ തുടങ്ങിയിരിക്കുന്നു. അതുവഴി ഉല്‍പ്പന്നങ്ങള്‍ ഉണ്ടാക്കുന്നു. അതിന് ശേഷം എന്താണ് വേണ്ടത് എന്ന് എഐയുടെ മേധാവി ആലോചിക്കാന്‍ തുടങ്ങും. അദ്ദേഹത്തിന് ഒരു ടീം ഉണ്ടായിരിക്കണം. അതിനായി നിരവധി പ്രോഗ്രാമര്‍മാര്‍ വേണ്ടി വരും, ദുബായ് സെന്റര്‍ ഫോര്‍ ആര്‍ട്ടിഫിഷ്യല്‍ ഇന്റലിജന്‍സിന്റെ ഡയറക്ടര്‍ സയീദ് അല്‍ ഫലാസി ഖലീജ് ടൈംസിനോട് പറഞ്ഞു.
തുടര്‍ച്ചയായ നവീകരണവും വിപുലീകരണവും കൊണ്ട് എഐ കൂടുതലായി ബിസിനസ് പ്രവര്‍ത്തനങ്ങളുടെയും ഉപഭോക്തൃ അഭിമുഖീകരണ ആപ്ലിക്കേഷനുകളുടെയും അവിഭാജ്യ ഘടകമായി മാറുകയാണെന്നും ഉദ്യോഗസ്ഥര്‍ ചൂണ്ടിക്കാട്ടി. ഒരു വാഹനത്തിന്റെ വിവിധ ഭാഗങ്ങള്‍ നിര്‍മിക്കാന്‍ വ്യത്യസ്ത മേഖലയില്‍ ഉള്ളവര്‍ വേണം എന്നത് പോലെ ആര്‍ട്ടിഫിഷ്യല്‍ ഇന്റലിജന്‍സ് കൈകാര്യം ചെയ്യാനും നിരവധിയാളുകള്‍ വേണ്ടി വരും എന്നും വിദഗ്ധര്‍ ചൂണ്ടിക്കാട്ടി.
എഐ അനുബന്ധ മേഖലകളില്‍ നിരവധി അവസരങ്ങള്‍ ഇതുവഴി തുറക്കപ്പെടും. ഇന്ന് ആര്‍ട്ടിഫിഷ്യല്‍ ഇന്റലിജന്‍സ് പ്രോഗ്രാമിംഗിന്റെ അവിഭാജ്യ ഘടകമാണ്. സൈബര്‍ സുരക്ഷയിലും ഇത് ഒരു പ്രധാന പങ്ക് വഹിക്കുന്നു. അതിനാല്‍, എല്ലാം ഒരുമിച്ച് സമന്വയിപ്പിക്കാന്‍ പോകുകയാണ് എന്നും ഫലാസി കൂട്ടിച്ചേര്‍ത്തു.
വ്യവസായങ്ങളിലുടനീളമുള്ള എഐ സാങ്കേതികവിദ്യകളുടെ വര്‍ധിച്ച സ്വീകാര്യത, എഐ അല്‍ഗോരിതം, ഇന്‍ഫ്രാസ്ട്രക്ചര്‍ എന്നിവയിലെ പുരോഗതി, എഐ ഗവേഷണത്തിലും വികസനത്തിലും വര്‍ദ്ധിച്ചുവരുന്ന നിക്ഷേപം എന്നിവയാല്‍ നയിക്കപ്പെടുന്ന യുഎഇയിലെ എഐ വിപണി 2030 വരെ കാര്യമായ വളര്‍ച്ചയും വികസനവും കൈവരിക്കും എന്നാണ് പ്രതീക്ഷിക്കുന്നത്.
എങ്കിലും ഈ മേഖലയില്‍ മികവ് പുലര്‍ത്തുന്നതിന് അപേക്ഷകര്‍ക്ക് കമ്പ്യൂട്ടര്‍ വിഷന്‍, മെഷീന്‍ ലേണിംഗ്, സ്വാഭാവിക ഭാഷാ കഴിവുകള്‍ എന്നിവയില്‍ വൈദഗ്ദ്ധ്യം ആവശ്യമാണ്. നമ്മള്‍ എങ്ങനെ ജീവിക്കുകയും പ്രവര്‍ത്തിക്കുകയും ചിന്തിക്കുകയും ചെയ്യുന്നുവെന്നതിനെ മാത്രമേ എഐ പരിവര്‍ത്തനം ചെയ്യുകയുള്ളൂവെന്നും ഉദ്യോഗസ്ഥര്‍ വിശദീകരിച്ചു. 2018 മുതല്‍ എഐയ്ക്ക് വേണ്ട തന്ത്രങ്ങള്‍ ആരംഭിച്ചിട്ടുണ്ട് എന്ന് ദുബായ് പൊലീസിലെ ആര്‍ട്ടിഫിഷ്യല്‍ ഇന്റലിജന്‍സ് ജനറല്‍ ഡിപ്പാര്‍ട്ട്മെന്റ് ഡയറക്ടര്‍ മേജര്‍ ജനറല്‍ ഖാലിദ് നാസര്‍ അല്‍ റസൂഖി പറഞ്ഞു.
നിലവില്‍ ഞങ്ങള്‍ ഉപയോഗിക്കുന്ന എഐ ഉപകരണങ്ങളുടെ എണ്ണം വര്‍ധിപ്പിക്കുകയാണ്. വ്യത്യസ്ത സേവനങ്ങളിലുടനീളം എഐ നിയന്ത്രിക്കുന്ന 25 പ്രവര്‍ത്തനങ്ങള്‍ ഞങ്ങള്‍ ഇതുവരെ നടത്തി. ഒരു പ്രധാന സംരംഭം സ്മാര്‍ട്ട് പൊലീസ് സ്റ്റേഷനുകളാണ്. പൊലീസ് ഓഫീസര്‍മാരാല്‍ നിയന്ത്രിക്കപ്പെടാത്ത 25-ലധികം സ്മാര്‍ട്ട് പൊലീസ് സ്റ്റേഷനുകള്‍ ഞങ്ങള്‍ക്കുണ്ട്” അദ്ദേഹം കൂട്ടിച്ചേര്‍ത്തു.
എഐ അല്‍ഗോരിതങ്ങള്‍ ഉപയോഗിച്ച് ദുബായ് പൊലീസ് ക്രിമിനല്‍ കേസുകളുടെ പരിഹാരം വേഗത്തിലാക്കുക മാത്രമല്ല, വിപുലമായ പോസ്റ്റ്മോര്‍ട്ടം നടപടിക്രമങ്ങളുടെ ആവശ്യകത അടുത്തിടെ കുറയ്ക്കുകയും ചെയ്തു. വിവിധ ജോലികള്‍ എളുപ്പമാക്കാന്‍ രൂപകല്‍പ്പന ചെയ്തിരിക്കുന്ന സംവിധാനമാണ് എഐ എന്നും ചില റോളുകള്‍ ഒഴികെ മനുഷ്യരെ മാറ്റിസ്ഥാപിക്കാന്‍ ഇതിന് കഴിയില്ല എന്നും റസൂഖി പറഞ്ഞു.
Comments (0)