Emirates Astronamy;: യുഎഇയിൽ മാർച്ച് വിഷുവം (എക്യുനോക്‌സ്) ഇന്ന് (മാർച്ച് 11) ആയിരിക്കുമെന്ന് എമിറേറ്റ്‌സ് ആസ്ട്രോണമി സൊസൈറ്റി. പകലിന്റെയും രാത്രിയുടെയും ദൈർഘ്യവും ഋതുക്കളുടെ മാറ്റവും തുല്യമായി അടയാളപ്പെടുത്തുന്ന ദിവസമാണിത്. സൂര്യാസ്തമയം മുതൽ സൂര്യോദയം വരെ പകലും രാത്രിയും കൃത്യമായി 12 മണിക്കൂർ നീണ്ടുനിൽക്കുമെന്ന് സൊസൈറ്റി അറിയിച്ചു.
നാളെയോടെ യുഎഇയിൽ വസന്തകാലത്തിനും തുടക്കമാവും. പകലിന് ദൈർഘ്യമേറുകയും ചൂട് കൂടുകയും ചെയ്യും. സെപ്തംബറിലായിരിക്കും യുഎഇയിൽ ശരത്‌കാലം ആരംഭിക്കുന്നത്. രാത്രിയും പകലും തുല്യമായി സംഭവിക്കുന്ന പ്രതിഭാസത്തിന്റെ പിന്നാലെ പൂർണ്ണ ചന്ദ്രഗ്രഹണവും ഭാഗിക സൂര്യഗ്രഹണവും ഉണ്ടാവുമെന്ന് എമിറേറ്റ്‌സ് ആസ്ട്രോണമി സൊസൈറ്റി ചെയർമാൻ ഇബ്രാഹിം അൽ ജർവാൻ ചൂണ്ടിക്കാട്ടി. അറബ് യൂണിയൻ ഫോർ ആസ്ട്രോണമി ആന്റ് സ്‌പേസ് സയൻസിലെ അംഗം കൂടിയാണദ്ദേഹം.
മാർച്ച് 14ന് വൈകിട്ട് 05:09നും 08:48 നും ഇടയിലാണ് പൂർണ്ണ ചന്ദ്രഗ്രഹണം സംഭവിക്കുന്നത്. ഇത് അമേരിക്കയിലുടനീളം ദൃശ്യമാവുകയും ചെയ്യും. എന്നാൽ, യുഎഇയിലോ അറേബ്യൻ പെനിൻസുലയിലോ ഇത് ദൃശ്യമാകില്ല. അമേരിക്കയിലെ ആകാശ നിരീക്ഷകർക്ക് ഈ ഗ്രഹണം സുപ്രധാന അവസരമൊരുക്കുന്നതായിരിക്കും. ചന്ദ്ര പ്രതിഭാസത്തെ പൂർണ്ണമായും കാണാൻ ഇത് അവസരം നൽകും. റംസാൻ മദ്ധ്യത്തിലാണ് ഇത് സംഭവിക്കുന്നത്. മാർച്ച് 29നാണ് ഭാഗിക സൂര്യഗ്രഹണമുണ്ടാകുന്നത്. എന്നാലിത് യുഎഇയിൽ കാണാൻ സാധിക്കില്ല. വടക്കേ അമേരിക്കയുടെ വടക്കുകിഴക്കൻ ഭാഗത്തും യൂറോപ്പിന്റെ ചില ഭാഗങ്ങളിലും ഇത് ദൃശ്യമാവും.
