Ministry of Health;യുഎഇയിൽ വേനൽ ശക്തം;ദിവസവും ധാരാളം വെള്ളം കുടിക്കാറുണ്ടോ? സൂക്ഷിച്ചില്ലെങ്കിൽ പണി കിട്ടും; വെള്ളം കുടിക്കേണ്ടതിന്റെ അളവുകൾ അറിയാം
Ministry of Health ; യുഎഇയിൽ വേനൽ ശക്തമാകുമ്പോൾ ജലാംശം നിലനിർത്തുന്നത് നല്ല ആരോഗ്യത്തിന് അത്യന്താപേക്ഷിതമാണ്. വെള്ളം കുടിക്കുന്നത് ശരീര താപനില നിയന്ത്രിക്കാനും ചൂടുമായി ബന്ധപ്പെട്ട അസുഖങ്ങൾ തടയാനും സഹായിക്കുന്നു. എന്നാൽ വിദഗ്ധരുടെ അഭിപ്രായത്തിൽ അമിതമായ വെള്ളത്തിന്റെ ഉപഭോഗം ഒഴിവാക്കേണ്ടത് പ്രധാനമാണ്.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
അമിതമായി വെള്ളം കുടിക്കുന്നത് വാട്ടർ ഇൻക്‌ടോക്‌സിക്കേഷൻ അല്ലെങ്കിൽ ഹൈപ്പോനാട്രീമിയ എന്ന അവസ്ഥയിലേക്ക് നയിച്ചേക്കാം. ഇത് ഒരാളുടെ രക്തത്തിൽ സോഡിയത്തിൻ്റെ അളവ് അസാധാരണമായി കുറയുമ്പോൾ സംഭവിക്കുന്ന അസുഖമാണ്.
രക്തത്തിലെ സോഡിയത്തിൻ്റെ കുറഞ്ഞ സാന്ദ്രത തലച്ചോറിലേതുൾപ്പെടെയുള്ള കോശങ്ങൾക്ക് ദോഷകരമായി ബാധിക്കുന്നതിന് കാരണമാകുന്നു. ഇത് ആരോഗ്യപരമായ സങ്കീർണതകൾ ഉണ്ടാക്കിയേക്കും. തലവേദനയും ഓക്കാനം മുതൽ അപസ്മാരം വരെയുള്ള സാഹചര്യത്തിലേക്ക് അമിതമായ വെള്ളം കുടി എത്തിച്ചേക്കാം. ചില സമയങ്ങളിൽ, അപൂർവമായി, നിങ്ങളെ കോമയിലേക്ക് വരെ ഇത് എത്തിച്ചേക്കാം.
ആരോഗ്യമുള്ള വൃക്കകൾക്ക് മണിക്കൂറിൽ 0.8 മുതൽ 1.0 ലിറ്റർ വരെ വെള്ളം പ്രോസസ്സ് ചെയ്യാൻ കഴിയും. ഈ അളവിൽ കൂടുതൽ വെള്ളം കുടിക്കുന്നത്, പ്രത്യേകിച്ച് ചുരുങ്ങിയ സമയത്തിനുള്ളിൽ, വൃക്കകളെ കീഴടക്കുകയും അസുഖങ്ങളിലേക്ക് നയിക്കുകയും ചെയ്യും.
അതേസമയം, ‘വിദഗ്‌ദ്ധർ’ എന്ന വ്യാജേന, ചില കണ്ടന്റ് ക്രിയേറ്റേഴ്സ് കഴിയുന്നത്ര വെള്ളം കുടിക്കാൻ ആളുകളോട് ‘ഉപദേശിക്കുന്നു’. എന്നാൽ അൽ ഫുർജാൻ വെസ്റ്റിലെ മെഡ്‌കെയർ മെഡിക്കൽ സെൻ്ററിലെ ജനറൽ പ്രാക്ടീഷണറായ ഡോ ഹെയ്‌ഡി വാഗ്ഡി പറയുന്നു.
ഈ കൊടും ചൂടിൽ ജലാംശം നിലനിർത്തേണ്ടത് സുപ്രധാനമാണെങ്കിലും, യുഎഇ നിവാസികൾ അമിതമായ വെള്ളം കുടിക്കുന്നത് ഒഴിവാക്കണം. ചുരുങ്ങിയ സമയത്തിനുള്ളിൽ മൂന്നോ നാലോ ലിറ്ററിൽ കൂടുതൽ വെള്ളം കുടിക്കുന്നതിനെതിരെ ആരോഗ്യ വിദഗ്ദർ മുന്നറിയിപ്പ് നൽകുന്നു. കഠിനമായ പുറം ജോലികൾ ചെയ്യുന്ന വ്യക്തികൾക്ക് വെള്ളത്തിന്റെ അളവ് വർദ്ധിപ്പിക്കാം. എന്നിരുന്നാലും, മണിക്കൂറിൽ 1.5 ലിറ്ററിൽ കൂടുതൽ വെള്ളം കുടിക്കരുത്. കാരണം ഇത് രക്തത്തിലെ ഇലക്ട്രോലൈറ്റിൻ്റെ അളവ് നേർപ്പിക്കുകയും ആരോഗ്യത്തിന് അപകടമുണ്ടാക്കുകയും ചെയ്യും.
വെള്ളത്തിന്റെ അളവ് നിലനിർത്താൻ ഈ രീതികൾ ഉപയോഗിക്കുക
പതിവായി കുടിക്കുക: വെള്ളം കുടിക്കാൻ ദാഹിക്കുന്നത് വരെ കാത്തിരിക്കരുത്. ഒരേസമയം വലിയ അളവിൽ കഴിക്കുന്നതിനേക്കാൾ ചെറിയ അളവിൽ ദിവസം മുഴുവൻ സിപ്പ് ചെയ്യുന്നത് കൂടുതൽ ഫലപ്രദമാണ്.
ഇലക്‌ട്രോലൈറ്റുകൾ ബാലൻസ് ചെയ്യുക: ഇലക്‌ട്രോലൈറ്റുകളുള്ള പാനീയങ്ങളോ ഭക്ഷണങ്ങളോ ഉൾപ്പെടുത്തുക. പ്രത്യേകിച്ചും തീവ്രമായ ശാരീരിക പ്രവർത്തനങ്ങളിൽ ഏർപ്പെടുന്നവർ. പക്ഷേ അവയുടെ പഞ്ചസാരയുടെ അളവ് ശ്രദ്ധിക്കണം.
ജലസമൃദ്ധമായ ഭക്ഷണങ്ങൾ കഴിക്കുക: ജലാംശം വർധിപ്പിക്കുന്നതിന് തണ്ണിമത്തൻ, വെള്ളരി, ഓറഞ്ച് തുടങ്ങിയ പഴങ്ങളും പച്ചക്കറികളും ഭക്ഷണത്തിൽ ഉൾപ്പെടുത്തുക.
മൂത്രത്തിൻ്റെ നിറം നിരീക്ഷിക്കുക: ഇളം നിറത്തിലുള്ള മൂത്രം ശരിയായ ജലാംശത്തിൻ്റെ അടയാളമാണ്. നിറം മാറ്റം ഉണ്ടെങ്കിൽ ശ്രദ്ധിക്കണം
Comments (0)