Eid holiday in the UAE;യുഎഇയില്‍ വലിയ പെരുന്നാള്‍ അവധി നാലില്‍ നിന്നും പതിനഞ്ചാക്കി മാറ്റാന്‍ വഴിയുണ്ട്, എങ്ങനെയെന്നല്ലേ?
Eid holiday in the UAE;ദുബൈ: 2025ലെ വലിയ പെരുന്നാളിന് ഏതാനും മാസങ്ങള്‍ മാത്രമേ ബാക്കിയുള്ളൂ. ജൂണ്‍ 5ന് അറഫ ദിനമാണെങ്കില്‍, അന്നു തൊട്ട് യുഎഇയിലെ പൊതു അവധി ആരംഭിക്കുമെന്നാണ് കരുതുന്നത്.
യുഎഇയിലെ പൊതു അവധി വ്യാഴാഴ്ച മുതല്‍ ഞായറാഴ്ച വരെ നാല് ദിവസമാണെങ്കിലും അവധി കൂടുതല്‍ നീട്ടാന്‍ നിങ്ങളുടെ മുന്നില്‍ അവസരമുണ്ട്.
പൊതു അവധിക്ക് മുമ്പോ ശേഷമോ അവധി നീട്ടാന്‍ നിങ്ങള്‍ ആഗ്രഹിക്കുന്നുവെങ്കില്‍, മികച്ച ആസൂത്രണവും തന്ത്രപരമായി അവധി അഭ്യര്‍ത്ഥിക്കാനും നിങ്ങള്‍ക്ക് കഴിഞ്ഞാല്‍ വലിയ പെരുന്നാള്‍ അവധി നീണ്ട രണ്ടാഴ്ചത്തെ അവധിക്കാലമാക്കി മാറ്റാന്‍ നിങ്ങള്‍ക്കാകും. യുഎഇയിലെ ഈ അവധിക്കാലം് എങ്ങനെ പരമാവധി പ്രയോജനപ്പെടുത്താമെന്ന് നോക്കാം.
എമിറേറ്റ്‌സ് ജ്യോതിശാസ്ത്ര സൊസൈറ്റിയുടെ ജ്യോതിശാസ്ത്ര പ്രവചനങ്ങള്‍ പ്രകാരം, ഹിജ്‌റ കലണ്ടറിലെ ഏറ്റവും പ്രധാനപ്പെട്ട ആഘോഷങ്ങളിലൊന്നായ വലിയ പെരുന്നാള്‍ 2025 ജൂണ്‍ 6 വെള്ളിയാഴ്ചയാകുമെന്നാണ് പ്രതീക്ഷിക്കുന്നത്.
അറഫ ദിനം ജൂണ്‍ 5 വ്യാഴാഴ്ചയാകുമെന്നാണ് പ്രതീക്ഷിക്കുന്നത്. ഇതിനാല്‍ ജൂണ്‍ 6 വെള്ളിയാഴ്ച വെള്ളിയാഴ്ച വലിയ പെരുന്നാള്‍ ആകാന്‍ സാധ്യതയുണ്ട്. യുഎഇയുടെ ഔദ്യോഗിക പൊതു അവധി കലണ്ടര്‍ അനുസരിച്ച്, ദുല്‍ ഹിജ്ജ 9 മുതല്‍ 12 വരെയാകും പെരുന്നാള്‍ അവധി. അതായത് നാല് ദിവസത്തെ അവധി.
ജ്യോതിശാസ്ത്ര സൊസൈറ്റി പ്രതീക്ഷിക്കുന്നതുപോലെ വെള്ളിയാഴ്ചയാണ് പെരുന്നാള്‍ വരുന്നതെങ്കില്‍, യുഎഇയിലുടനീളമുള്ള താമസക്കാര്‍ക്ക് നാല് ദിവസത്തെ നീണ്ട വാരാന്ത്യത്തിന്റെ പ്രയോജനം ലഭിക്കും. വ്യാഴം, വെള്ളി ദിവസങ്ങള്‍ ഔദ്യോഗിക അവധി ദിനങ്ങളായി പ്രഖ്യാപിക്കുകയും ശനിയും ഞായറും പതിവ് വാരാന്ത്യത്തിന്റെ ഭാഗമാവുകയും ചെയ്യും.
കൃത്യമായ തീയതികള്‍ മാസപ്പിറവിയെ ആശ്രയിച്ചിരിക്കും. മെയ് 27 ന് മാസപ്പിറവി ദൃശ്യമായില്ലെങ്കില്‍, ദുല്‍ ഹിജ്ജയുടെ ആരംഭം മെയ് 29നായിരിക്കും. ദുല്‍ ഹിജ്ജ ആരംഭിക്കുന്നത് മെയ് 27നാണെങ്കില്‍ ജൂണ്‍ 7നായിരിക്കും വലിയ പെരുന്നാള്‍.
എങ്ങനെ നാല് ദിവസത്തെ ഈദ് അവധിക്കാലം ദൈര്‍ഘ്യമേറിയ അവധിക്കാലമാക്കി മാറ്റാം
പൊതു അവധി ദിവസങ്ങളില്‍ വാര്‍ഷിക അവധി ആസൂത്രണം ചെയ്തുകൊണ്ട് നിങ്ങളുടെ നാല് ദിവസത്തെ പെരുന്നാള്‍ അവധിക്കാലം നീട്ടാന്‍ കഴിയും. ഈ അവധി ദിവസങ്ങളില്‍, നിങ്ങള്‍ക്ക് കൂടുതല്‍ ദൈര്‍ഘ്യമേറിയ ഇടവേള ആസ്വദിക്കാനാകും.
ഓപ്ഷന്‍ 1: ഈദിന് മുമ്പ് അവധിയെടുക്കുക (ഒമ്പത് ദിവസത്തെ ഇടവേള)
ജൂണ്‍ 2 തിങ്കളാഴ്ച മുതല്‍ ജൂണ്‍ 6 ഞായറാഴ്ച വരെ അവധി ലഭിക്കുകയാണെങ്കില്‍ നിങ്ങള്‍ക്ക് ആകെ ഒമ്പത് ദിവസത്തെ അവധി ലഭിക്കും.
ഓപ്ഷന്‍ 2: ഈദിന് ശേഷം അവധി ദീര്‍ഘിപ്പിക്കുക
ജൂണ്‍ 5 മുതല്‍ 8 വരെയുള്ള പൊതു അവധി ദിവസങ്ങള്‍ക്കു ശേഷം ജൂണ്‍ ഒമ്പതു മുതല്‍ ജൂണ്‍ 16 വരെ അവധിക്ക് അപേക്ഷിക്കുക.
അപ്പോള്‍ ജൂണ്‍ 5 വ്യാഴാഴ്ച മുതല്‍ ജൂണ്‍ 16 തിങ്കളാഴ്ച വരെ നിങ്ങള്‍ക്ക് അവധിയായിരിക്കും. അതായത് ആകെ 15 ദിവസം ജോലി ഒഴിവായിരിക്കും.
യുഎഇ സര്‍ക്കാര്‍ അവധി ദിനത്തോട് അടുത്ത് സ്ഥിരീകരിക്കുന്ന ഈദ് തീയതികളുടെ ഔദ്യോഗിക പ്രഖ്യാപനത്തെ ആശ്രയിച്ചിരിക്കും ഈ ആസൂത്രണം. യുഎഇ മാനവ വിഭവശേഷി, സ്വദേശിവല്‍ക്കരണ മന്ത്രാലയം (MOHRE) സാധാരണയായി സ്വകാര്യ മേഖലയ്ക്കുള്ള പൊതു അവധി തീയതികള്‍ ഈദിന് തൊട്ടുമുമ്പാണ് പ്രഖ്യാപിക്കുക. അതിനാല്‍ ക്രമീകരണങ്ങള്‍ നടത്തുന്നതിന് മുമ്പ് കാത്തിരിക്കുന്നതാണ് ഉചിതം.
Comments (0)