New job offers in uae:യുഎഇയിൽ പുതിയ തൊഴിലവസരങ്ങൾ ഈ വർഷം കുറയുമെന്ന് റിപ്പോർട്ട്;കാരണം ഇതാണ്
new job offers in uae;മികച്ച ശമ്പളം, യൂറോപ്യൻ രാജ്യങ്ങളെ അപേക്ഷിച്ച് നികുതി കുറവ്, ആധുനിക ജീവിത സൗകര്യങ്ങൾ എന്നിവയാണ് ലോകത്തിന്റെ വിവിധ രാജ്യങ്ങളിൽ നിന്നും ആളുകളെ ദുബായിലേക്ക് ആകർഷിക്കാനുള്ള പ്രധാനപ്പെട്ട കാരണം. പലരും കുടംബത്തോടൊപ്പം ആണ് ദുബായിൽ താമസിക്കാൻ എത്തുന്നത്. കുട്ടികൾക്ക് അന്താരാഷ്ട്ര നിലവാരത്തിലുള്ള വിദ്യാഭ്യാസം ലഭിക്കുന്നതിനാൽ അവരുടെ ഭാവി സുരക്ഷിതമാക്കാൻ ഇവിടെ താമസിച്ചാൽ സഹായിക്കും എന്ന് രക്ഷിതാക്കൾക്ക് തോന്നുന്നു.കൺസ്ട്രക്ഷൻ, ഹോസ്പിറ്റാലിറ്റി, ആരോഗ്യ പരിചരണം, ഐടി, എഞ്ചിനീയറിംഗ്, റീട്ടെയിൽ, അക്കൗണ്ടിങ്, അഡ്മിൻ, ഡിജിറ്റൽ മാർക്കറ്റിംഗ് തുടങ്ങിയ മേഖലകളിൽ വലിയ തൊഴിൽ സാധ്യതകൾ ആണ് ദുബായിൽ ഉള്ളത്. എന്നാൽ ഈ സാമ്പത്തിക വർഷത്തിൽ തൊഴിൽ കുറയും എന്നാണ് പുറത്തു വരുന്ന റിപ്പോർട്ട്.
ഈ മാർച്ചിൽ കണക്കുകൾ പരിശോധിക്കുമ്പോൾ തൊഴിൽ സാധ്യത കഴിഞ്ഞ മൂന്ന് വർഷത്തെ അപേക്ഷിച്ച് വളരെ കുറവാണെന്ന് എസ് & പി ഗ്ലോബൽ മാർക്കറ്റ് ഇന്റലിജൻസിലെ സീനിയർ ഇക്കണോമിസ്റ്റ് ഡേവിഡ് ഓവൻ പറഞ്ഞതായി ഗൾഫ് ന്യൂസ് റിപ്പോർട്ട് ചെയ്യുന്നു. പല തൊഴിലാളികളും ഉയർന്ന ശമ്പളം ആവശ്യപ്പെടുന്നതിനാൽ അനുയോജ്യരായവരെ കണ്ടെത്താൻ കമ്പനികൾ പാടുപെടുകയാണ്. ചില കമ്പനികളിൽ ഇനിയും തൊഴിലാളികളെ ജോലിക്കായി നിയമിച്ചാൽ ഈ വർഷം ലാഭത്തിൽ എത്താതെ പോകും.
കഴിഞ്ഞ വർഷത്തെപോലെ അല്ല ബിസിനസ് സാഹചര്യങ്ങൾ, ഈ വർഷം വലിയ മെച്ചപ്പെട്ട രീതിയിൽ അല്ല ബിസുകൾ മുന്നോട്ടു പേകുന്നത്. കഴിഞ്ഞ വർഷം സെപ്റ്റംബറിന് ശേഷം വലിയൊരു വളർച്ച പല കമ്പനികളിലും ഉണ്ടായിട്ടില്ലെന്നതാണ് സത്യം. ഇത് തൊഴിൽ അവസരങ്ങൾ കുറയ്ക്കുന്നതിലേക്ക് കാര്യങ്ങൾ എത്തിക്കുമെന്ന് എസ് ആൻഡ് പി ഗ്ലോബൽ പുറത്തുവിട്ട പുതിയ റിപ്പോർട്ടിൽ പറയുന്നു. ചില മേഖലയിൽ തൊഴിലാളികുടെ എണ്ണത്തിൽ കുറവു വരുത്തിയതിനാൽ ഈ വർഷം പുതിയ നിയമനത്തിന് സാധ്യത കുറവാണ്. ചില കമ്പനികൾ അവരുടെ പ്രവർത്തനങ്ങൾ വിദേശത്തേക്ക് മാറ്റാൻ തീരുമാനിക്കുകയും ചെയ്തിട്ടുണ്ട്
ഈ മാസം മുതൽ പുതിയ യുഎസ് താരിഫുകൾ -ആഗോള വിപണിയെ ഇളക്കി മറിക്കും. ഗൾഫിലെ ബിസുനസുകളെ ഇത് എങ്ങനെ ബാധിക്കും എന്നത് കണ്ടറിയണം. ധാരാളം മാറ്റങ്ങൾ പല മേഖലയിൽ സംഭവിക്കും. മാത്രമല്ല, പല കമ്പനികളും ഉപഭോക്തൃ പേയ്‌മെന്റുകളിലെ വ്യാപകമായ കാലതാമസം കാരണം സാമ്പത്തിക ബുദ്ധിമുട്ടിലാണ്. നിർബന്ധിത ഇ-ഇൻവോയ്‌സിംഗ് സംവിധാനത്തിലേക്കുള്ള യുഎഇയുടെ നീക്കം ഈ പ്രശ്നത്തിന് പരിഹാരം കണ്ടെത്താൻ സഹായിക്കും എന്നാണ് കരുതുന്നത്. മൂന്ന് മാസം കൂടും തോറും കമ്പനികൾ വരവു ചെലവുകൾ കൂട്ടിയും കിഴിച്ചും നോക്കേണ്ട സ്ഥിതിയാണ് ഉള്ളത്.
മാർച്ചിൽ, യുഎഇ പർച്ചേസിംഗ് മാനേജേഴ്‌സ് ഇൻഡക്‌സ് സ്കോർ 55 ൽ നിന്ന് 54 ആയി കുറഞ്ഞു, ഇത് സ്വകാര്യ മേഖലയുടെ പ്രകടനത്തിൽ സാവധാനത്തിലുള്ളതാണെങ്കിലും ശക്തമായ പുരോഗതിയെയാണ് കാണിക്കുന്നത്. കഴിഞ്ഞ വർഷത്തെ അവസാനത്തെ 9 മാസത്തെ ഏറ്റവും ഉയർന്ന നിലയിലെത്തിയ യുഎഇ പർച്ചേസിംഗ് മാനേജേഴ്‌സ് ഇൻഡക്‌സ് കഴിഞ്ഞ സെപ്റ്റംബറിന് ശേഷമുള്ള ഏറ്റവും താഴ്ന്ന നിലയിലാണെന്ന് എസ് & പി ഗ്ലോബൽ റിപ്പോർട്ട് വ്യക്തമാക്കുന്നു.
സ്കോറുകൾ 50 ന് മുകളിൽ ആണ് വരുന്നതെങ്കിൽ ബിസിനസുകൾ വിപുലീകരണമെന്നതാണ് സൂചിപ്പിക്കുന്നത്. കമ്പനികളുടെ ചെലവ്, പുതിയ നിയമനം, ലെവി അടയ്ക്കന്നത് എന്നിവ അടിസ്ഥാനമാക്കിയാണ് യുഎഇ പർച്ചേസിംഗ് മാനേജേഴ്‌സ് ഇൻഡക്‌സ് സ്കോർ തയ്യാറാക്കുന്നത്. ക്ലയന്റ് പേയ്‌മെന്റുകളിലുമുള്ള കാലതാമസം തന്നെയാണ് യൂഎഇയിലെ പല കമ്പനികൾക്കും ലിസ്റ്റിൽ സ്ഥാനം പിടിക്കാതെ പോകാൻ കാരണമായത്. എന്തായാലും അടുത്ത വർ,ം വലിയ തൊഴിൽ സാധ്യതകൾ കമ്പനികളിൽ ഉണ്ടാക്കില്ലെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്
Comments (0)