Uae labour law;ജീവനക്കാരനെ പിരിച്ചുവിടാന്‍ തൊഴിലുടമയ്ക്ക് അധികാരമുണ്ടോ; വ്യക്തമായ നിര്‍ദ്ദേശങ്ങളുമായി യുഎഇ
Uae labour law;അബുദാബി: തോന്നിയ പോലെ തൊഴിലാളിയെ പിരിച്ചുവിടാന്‍ യുഎഇ തൊഴില്‍ നിയമം തൊഴിലുടമയെ അനുവദിക്കുന്നില്ല. പകരം വ്യക്തമായി നിര്‍വചിക്കപ്പെട്ട ഒരു കൂട്ടം സാഹചര്യങ്ങളില്‍ മാത്രമേ ജോലി ചെയ്യുന്ന ഒരു ജീവനക്കാരന്‍റെ തൊഴില്‍ കരാര്‍ അവസാനിപ്പിക്കാന്‍ തൊഴിലുടമയ്ക്ക് അവകാശമുള്ളൂ എന്ന് യുഎഇ സര്‍ക്കാര്‍ ഇതുമായി ബന്ധപ്പെട്ട ഒരു അപ്ഡേറ്റില്‍ വ്യക്തമാക്കി. ജീവനക്കാരനെ പിരിച്ചുവിടാന്‍ തൊഴിലുടമയ്ക്ക് അനുവാദമുള്ള സാഹചര്യങ്ങള്‍ ഇവയാണ്
യുഎഇയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
- തൊഴിലാളി ആള്‍മാറാട്ടം നടത്തുകയോ വ്യാജ സര്‍ട്ടിഫിക്കറ്റുകളോ രേഖകളോ സമര്‍പ്പിക്കുകയോ ചെയ്താല്‍.
- തൊഴിലുടമയ്ക്ക് കാര്യമായ സാമ്പത്തിക നഷ്ടം വരുത്തുന്ന ഒരു പിശക് തൊഴിലാളി വരുത്തുകയാണെങ്കില്‍.
- തൊഴിലാളി മനപ്പൂർവം തൊഴിലുടമയുടെ വസ്തുവകകള്‍ക്ക് നാശമുണ്ടാക്കുകയും അക്കാര്യം അംഗീകരിക്കുകയും ചെയ്താല്‍. ഇത്തരം സന്ദര്‍ഭങ്ങളില്‍ ഇക്കാര്യം ഏഴ് ദിവസത്തിനകം മാനവ വിഭവശേഷി, സ്വദേശിവല്‍ക്കരണ മന്ത്രാലയത്തെ അറിയിക്കണം.
- ജോലിയുടെയും തൊഴിലാളികളുടെയും ജോലിസ്ഥലത്തിന്‍റെയും സുരക്ഷയുമായി ബന്ധപ്പെട്ട നിര്‍ദ്ദേശങ്ങള്‍ കാണും വിധം എഴുതി പതിക്കുകയും തൊഴിലാളിയെ അറിയിക്കുകയും ചെയ്ത ശേഷം അവ തൊഴിലാളി ലംഘിക്കുകയാണെങ്കില്‍.
- തൊഴില്‍ കരാര്‍ പ്രകാരം തൊഴിലാളി തന്‍റെ അടിസ്ഥാന കര്‍ത്തവ്യങ്ങള്‍ നിർവഹിക്കുന്നില്ലെങ്കില്‍. ഇക്കാര്യത്തില്‍ രേഖാമൂലമുള്ള അറിയിപ്പ് നല്‍കുകയും പിരിച്ചുവിടുമെന്ന് രണ്ടുതവണ മുന്നറിയിപ്പ് നല്‍കുകയും ചെയ്ത ശേഷവും അത് ആവര്‍ത്തിക്കുകയാണെങ്കില്‍.
- ജോലി ചെയ്യുന്ന സ്ഥാപനത്തിന്‍റെ രഹസ്യം വെളിപ്പെടുത്തിയാല്‍. വെളിപ്പെടുത്തല്‍ വ്യാവസായികമോ ബൗദ്ധിക സ്വത്തുമായി ബന്ധപ്പെട്ടതോ, അല്ലെങ്കില്‍ തൊഴിലുടമയ്ക്ക് നഷ്ടം വരുത്തുകയോ, തൊഴിലുടമയുടെ അവസരം നഷ്ടപ്പെടുകയോ, ജീവനക്കാരന് വ്യക്തിപരമായ നേട്ടം കൊണ്ടുവരുന്നതോ ആയ കാര്യമാണെങ്കില്‍.
- സത്യസന്ധതയെയോ പൊതു ധാര്‍മ്മികതയെയോ ബാധിക്കുന്ന ഒരു കുറ്റകൃത്യത്തിന് യോഗ്യതയുള്ള ഒരു കോടതി ജീവനക്കാരനെ ശിക്ഷിച്ചിട്ടുണ്ടെങ്കില്‍.
- ജോലിസമയത്ത് ജീവനക്കാരനെ മദ്യപിച്ചതായോ മയക്കുമരുന്ന് ഉപയോഗിച്ചതായോ കണ്ടെത്തുകയോ ജോലിസ്ഥലത്ത് പൊതു ധാര്‍മികത ലംഘിക്കുന്ന ഒരു പ്രവൃത്തി ചെയ്യുകയോ ചെയ്താല്‍.
- ജോലി സമയത്ത്, അയാള്‍ തൊഴിലുടമയെയോ, ഉത്തരവാദിത്തപ്പെട്ട മാനേജരെയോ, അയാളുടെ മേലുദ്യോഗസ്ഥരില്‍ ഒരാളെയോ സഹപ്രവര്‍ത്തകരെയോ, വാക്ക് കൊണ്ടോ പ്രവൃത്തികൊണ്ടോ രാജ്യത്ത് നിയമപ്രകാരം ശിക്ഷിക്കാവുന്ന ഏതെങ്കിലും തരത്തിലുള്ള ആക്രമണം നടത്തിയാല്‍.
- ഒരു വര്‍ഷത്തിനിടയില്‍ 20 ഇടവിട്ടുള്ള ദിവസങ്ങളില്‍ കൂടുതല്‍ അല്ലെങ്കില്‍ തുടര്‍ച്ചയായി ഏഴ് ദിവസത്തില്‍ കൂടുതല്‍, നിയമാനുസൃതമായ കാരണമോ തൊഴിലുടമ അംഗീകരിച്ച ഒഴികഴിവുകളോ ഇല്ലാതെ തൊഴിലാളി ജോലിക്ക് ഹാജരാകാതിരുന്നാല്‍.
- ഒരു ജീവനക്കാരന് വ്യക്തിപരമായ നേട്ടങ്ങള്‍ക്കായി നിയമവിരുദ്ധമായ രീതിയില്‍ തന്‍റെ ജോലി സ്ഥാനം ചൂഷണം ചെയ്താല്‍.
- നിയമപരമായ നിയന്ത്രണങ്ങളും നടപടിക്രമങ്ങളും പാലിക്കാതെ തൊഴിലാളി മറ്റൊരു സ്ഥാപനത്തില്‍ ചേരുകയാണെങ്കില്‍.
Comments (0)