പുതുവർഷത്തെ വരവേൽക്കാൻ യുഎഇ ഒരുങ്ങുമ്പോൾ, 2025ൽ പ്രാബല്യത്തിൽ വരുന്ന പ്രധാന നിയമങ്ങളും നിയന്ത്രണങ്ങളും താമസക്കാർ അറിഞ്ഞിരിക്കേണ്ടതാണ്. 17 വയസ് തികഞ്ഞ താമസക്കാര്‍ക്ക് ഡ്രൈവിങ് ലൈസൻസ് അനുവദിക്കുന്നത് മുതൽ അടുത്ത വർഷം വരാനിരിക്കുന്ന ഏറ്റവും പ്രതീക്ഷിക്കുന്ന മാറ്റങ്ങള്‍ അറിയാം.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുകhttps://chat.whatsapp.com/IXuNyAQ0lGeBzuRcaZal5K
ഫെഡറൽ ട്രാഫിക് നിയമം
മാർച്ച് 29 ന് ട്രാഫിക് നിയന്ത്രണങ്ങൾ സംബന്ധിച്ച പുതിയ ഫെഡറൽ ഡിക്രി നിയമം പ്രാബല്യത്തിൽ വരും. ഡ്രൈവർമാരുടെ കുറഞ്ഞ പ്രായപരിധി ഒരു വർഷം കൊണ്ട് 17 വയസായി കുറച്ചു. ഇതുകൂടാതെ, വലിയ ശബ്ദമുണ്ടാക്കുന്ന വാഹനങ്ങൾ ഓടിക്കുന്നത് രാജ്യം നിരോധിക്കും. അപകടങ്ങള്‍ തടയാനല്ലാതെ നഗരങ്ങളിൽ കാർ ഹോണുകൾ ഉപയോഗിക്കാൻ അനുവദിക്കില്ല.
80 കിലോമീറ്ററിൽ കൂടുതൽ വേഗപരിധിയുള്ള റോഡ് മുറിച്ചുകടക്കുന്നതിൽ നിന്ന് കാൽനടയാത്രക്കാർക്ക് പുതിയ നിയന്ത്രണങ്ങൾ തടയിടുന്നു. ഇത് പാലിക്കാത്തവർ സിവിൽ അല്ലെങ്കിൽ ക്രിമിനൽ ബാധ്യത വഹിക്കേണ്ടി വരുമെന്ന് അധികൃതർ അറിയിച്ചു. മാരകമായ അപകടങ്ങൾക്ക് കാരണമായേക്കാവുന്ന ഗുരുതരമായ ലംഘനങ്ങൾക്ക് “പ്രതിരോധ ശിക്ഷ”യെക്കുറിച്ചും അവർ മുന്നറിയിപ്പ് നൽകിയിട്ടുണ്ട്.
മദ്യപിച്ചോ ഏതെങ്കിലും മയക്കുമരുന്ന് ഉപയോഗിച്ചോ വാഹനമോടിക്കുന്നത് ഇതിൽ ഉൾപ്പെടുന്നു. വാഹനമിടിച്ച് ഓടിക്കളയുക, വാഹനത്തിരക്കുള്ള വഴിയിൽ അന്തമില്ലാതെ നടക്കുക, വെള്ളപ്പൊക്ക സമയത്ത് വാഹനമോടിക്കുക എന്നിവ ഉള്‍പ്പെടുന്നു. അപകടകരമായ വസ്തുക്കളോ അസാധാരണമായ ലോഡുകളോ കൊണ്ടുപോകുന്നതിന് ബന്ധപ്പെട്ട അതോറിറ്റിയുടെ അനുമതി ആവശ്യമാണെന്ന് പുതിയ നിയമം പറയുന്നു.
പോഷകാഹാര ഗ്രേഡിങ് സംവിധാനം
അബുദാബിയിലെ ക്വാളിറ്റി കൺട്രോൾ, ഹെൽത്ത് ഉദ്യോഗസ്ഥർ ആരംഭിച്ച പുതിയ ലേബലിങ് സംവിധാനത്തിൻ്റെ ഭാഗമായി ജൂൺ 1 മുതൽ അഞ്ച് ഭക്ഷ്യ ഇനങ്ങളിൽ നിർബന്ധിത പോഷകാഹാര ഗ്രേഡുകൾ സ്ഥാപിക്കണം.
ന്യൂട്രി-മാർക്ക് ഇല്ലാതെ സൂപ്പർമാർക്കറ്റ് ഷെൽഫുകളിൽ കാണപ്പെടുന്ന ഉത്പന്നങ്ങൾ, ഒരു ഭക്ഷ്യ ഇനത്തിൻ്റെ പോഷകഗുണങ്ങൾ ഗ്രേഡ് ചെയ്യുന്നവ പിൻവലിക്കുകയും ബന്ധപ്പെട്ട കക്ഷികൾക്ക് പിഴ ചുമത്തുകയും ചെയ്യും. ആവശ്യമുള്ളതിനേക്കാൾ ഉയർന്ന ഗ്രേഡിങ് പ്രദർശിപ്പിക്കുന്ന ഇനങ്ങൾക്കും ഇത് ബാധകമാകും.
ന്യൂട്രി-മാർക്ക് ഒരു പ്രത്യേക ഇനത്തിൻ്റെ പോഷകമൂല്യത്തെ എ മുതൽ ഇ വരെ ഗ്രേഡ് ചെയ്യുന്നു. ഏറ്റവും ആരോഗ്യകരമായത് എയാണ്. പുതിയ പദ്ധതിയുടെ ആദ്യ ഘട്ടം ബേക്ക് ചെയ്ത സാധനങ്ങൾ, എണ്ണകൾ, പാലുൽപ്പന്നങ്ങൾ, കുട്ടികൾക്കുള്ള ഭക്ഷണം, പാനീയങ്ങൾ എന്നിവയ്ക്ക് ബാധകമാണ്.
നിർബന്ധമായും സ്ത്രീ പ്രാതിനിധ്യം
യുഎഇ സാമ്പത്തിക മന്ത്രാലയത്തിൻ്റെ പുതിയ തീരുമാനം ജനുവരി 1 മുതൽ സ്വകാര്യ ജോയിൻ്റ്-സ്റ്റോക്ക് കമ്പനികളുടെ ഡയറക്ടർ ബോർഡിൽ സ്ത്രീകൾക്ക് പ്രാതിനിധ്യം നൽകണമെന്ന് വ്യവസ്ഥ ചെയ്യുന്നു. പുതിയ തീരുമാനമനുസരിച്ച് നിലവിലെ ഭരണസമിതിയുടെ കാലാവധി അവസാനിച്ചതിന് ശേഷം വനിതകൾക്ക് ഒരു സീറ്റെങ്കിലും അനുവദിക്കണം. സ്വകാര്യ ജോയിൻ്റ്-സ്റ്റോക്ക് കമ്പനികളുടെ ഡയറക്ടർ ബോർഡിൽ സ്ത്രീകളുടെ സാന്നിധ്യവും പ്രാതിനിധ്യവും വിപുലീകരിക്കാനാണ് തീരുമാനം.
വിവാഹത്തിനു മുമ്പുള്ള നിർബന്ധിത ജനിതക പരിശോധന
ജനുവരി 1 മുതൽ വിവാഹിതരാകാൻ ഉദ്ദേശിക്കുന്ന എല്ലാ എമിറാത്തി പൗരന്മാർക്കും വിവാഹത്തിനു മുമ്പുള്ള സ്ക്രീനിങുകളിൽ ജനിതക പരിശോധന നിർബന്ധമായിരിക്കുമെന്ന് അബുദാബി ആരോഗ്യ വകുപ്പ് അറിയിച്ചു. വിവാഹത്തിന് മുന്‍പ് ദമ്പതികൾക്കും പൗരന്മാർക്കും പ്രവാസികൾക്കും മെഡിക്കൽ പരിശോധന നിർബന്ധമായിരുന്നെങ്കിലും, ജനിതക പരിശോധന ഓപ്ഷണൽ ആയിരുന്നു.
എമിറേറ്റൈസേഷൻ ലക്ഷ്യങ്ങൾ
2025 മുതൽ, 20 മുതൽ 49 വരെ തൊഴിലാളികളുള്ള സ്വകാര്യ മേഖലാ കമ്പനികൾക്ക് കുറഞ്ഞത് രണ്ട് എമിറാത്തി പൗരന്മാരെയെങ്കിലും നിയമിക്കേണ്ടതുണ്ട്. മുന്‍പ്, ഈ ഉത്തരവ് 50 അല്ലെങ്കിൽ അതിൽ കൂടുതൽ ജീവനക്കാരുള്ള കമ്പനികൾക്ക് മാത്രമേ ബാധകമായിരുന്നുള്ളൂവെന്ന് ഹ്യൂമൻ റിസോഴ്‌സസ് ആൻഡ് എമിറേറ്റൈസേഷൻ (മൊഹ്രെ) മന്ത്രാലയം അറിയിച്ചു. ഇത് പാലിക്കാത്ത സ്ഥാപനങ്ങൾ 96,000 ദിർഹം സാമ്പത്തിക സംഭാവനകൾ നേരിടേണ്ടിവരും. 2025ലെ എമിറേറ്റൈസേഷൻ ലക്ഷ്യങ്ങൾ പാലിക്കാത്ത സ്വകാര്യ മേഖലാ കമ്പനികളിൽ നിന്നുള്ള അഡ്മിനിസ്ട്രേറ്റീവ് പിഴ 108,000 ദിർഹം ആയിരിക്കും, 2026 ജനുവരി മുതൽ ഈടാക്കും.