![](https://www.pravasinewsdaily.com/wp-content/uploads/2024/06/M4MZZpvp-construction-workers.jpg)
Uae midday break; യുഎഇയിൽ തൊഴിലാളികൾക്ക് ഇന്ന് മുതൽ മൂന്നു മാസം ഉച്ചവിശ്രമം; പാലിക്കേണ്ട നിബന്ധനകൾ ഇവയൊക്കെ
Uae midday break ; ദുബായ് ∙ തൊഴിലാളികൾക്ക് മൂന്ന് മാസത്തെ ഉച്ചവിശ്രമം നാളെ (15) ആരംഭിക്കും. പുറം ജോലിക്കാർക്ക് കുറഞ്ഞത് രണ്ടര മണിക്കൂർ ജോലി നിർത്തി തണലുള്ള സ്ഥലങ്ങളിൽ വിശ്രമമനുവദിക്കണമെന്ന് നിർബന്ധമാക്കുന്ന നിയമമാണിത്. എല്ലാ ദിവസവും ഉച്ചയ്ക്ക് 12.30 മുതൽ 3 വരെ തുറസ്സായ സ്ഥലങ്ങളില് ജോലി ചെയ്യുന്നത് നിരോധിക്കുന്ന മധ്യാഹ്ന ഇടവേള നടപ്പിലാക്കാൻ സ്വകാര്യ മേഖലയുടെ തയാറെടുപ്പുകൾ മാനവ വിഭവശേഷി, സ്വദേശിവത്കരണ മന്ത്രി ഡോ. അബ്ദുൽ റഹ്മാൻ അൽ അവാർ അവലോകനം ചെയ്തു.
മന്ത്രാലയത്തിലെ നിരവധി മുതിർന്ന ഉദ്യോഗസ്ഥരോടൊപ്പം ദുബായിലെ പ്രധാന നിർമാണ സൈറ്റുകളിലൊന്ന് ഡോ. അൽ അവാർ സന്ദർശിച്ചു. അവിടെ തൊഴിലാളികളുടെ ആരോഗ്യം ഉറപ്പാക്കുന്നതിനായി കൂളിങ് ഉപകരണങ്ങൾ, തണുത്ത വെള്ളം, മറ്റ് സൗകര്യങ്ങൾ എന്നിവയുമായി കമ്പനി തൊഴിലാളികൾക്കായി നൽകിയ വിശ്രമ സ്ഥലങ്ങൾ അദ്ദേഹം സന്ദർശിച്ചു. യുഎഇയിലെ സ്വകാര്യമേഖലയിൽ ഉച്ചവിശ്രമം ഒരു സംസ്കാരമായി മാറിയിരിക്കുന്നുവെന്ന് അൽ അവാർ അഭിപ്രായപ്പെട്ടു.
യുഎയിലെ വിവരങ്ങളെല്ലാം വിരല്ത്തുമ്പിലെത്താന് ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
നിയമം തൊഴിലാളുകളുടെ ആരോഗ്യ സംരക്ഷണത്തിന്
തുടർച്ചയായി 20-ാം വർഷമാണ് തൊഴിലാളികൾക്ക് മധ്യാഹ്ന വിശ്രമം അനുവദിക്കുന്നത്. വേനൽച്ചൂടുമായി ബന്ധപ്പെട്ട തൊഴിൽപരമായ അപകടങ്ങളിൽ നിന്നും പരുക്കുകളിൽ നിന്നും തൊഴിലാളികളെ സംരക്ഷിക്കാൻ ലക്ഷ്യമിട്ടുള്ളതാണ് മധ്യാഹ്ന ജോലി നിരോധനം. ഈ സമയങ്ങളിൽ തൊഴിലാളികൾക്ക് വിശ്രമിക്കാൻ തണലുള്ള സ്ഥലങ്ങളോ ഇൻഡോർ ഏരിയയോ നൽകാൻ തൊഴിലുടമകൾ ബാധ്യസ്ഥരാണ്. കൂടാതെ നിർബന്ധമായും കൂളിങ് ഉപകരണങ്ങളും നൽകണം. ഏറ്റവും ചൂടേറിയ സമയത്ത് അവരുടെ ആരോഗ്യവും സുരക്ഷയും ഇതിലൂടെ ഉറപ്പാക്കുന്നു.
അടിയന്തരാവശ്യങ്ങൾക്ക് നിയമത്തിൽ ഇളവ്
അവശ്യ സേവനങ്ങൾ, സാങ്കേതിക കാരണങ്ങളാൽ അല്ലെങ്കിൽ അടിസ്ഥാനാവശ്യങ്ങളുടെ അറ്റകുറ്റപ്പണികള് പോലുള്ള പൊതുജനക്ഷേമത്തെ ബാധിക്കുന്ന അടിയന്തര സാഹചര്യങ്ങളിലെ ജോലികൾക്കായി ഉച്ചവിശ്രമ നിയമത്തിൽ ഇളവുകളുണ്ട്. എന്നാൽ, ഇത്തരം ജോലിക്കാർക്ക് നിരോധിത സമയങ്ങളിൽ തണലുള്ള സ്ഥലങ്ങളും ശരീരം തണുപ്പിക്കാനുള്ള ഉപകരണങ്ങളും മതിയായ ജലാംശം, പ്രഥമശുശ്രൂഷാ സൗകര്യങ്ങൾ എന്നിവയും നൽകാന് കമ്പനികൾ നിർബന്ധിതരാണ്.
∙ നിയമലംഘകരെ കണ്ടുപിടിക്കാൻ കർശന പരിശോധന
പരിശോധന നടത്തി ഉച്ചവിശ്രമ നിമയം പാലിക്കുന്നുണ്ടെന്ന് ഉറപ്പാക്കും. കൂടാതെ, മന്ത്രാലയത്തിൻ്റെ കോൾ സെൻ്റർ, വെബ്സൈറ്റ്, സ്മാർട് ആപ്ലിക്കേഷൻ എന്നിവ വഴി ലംഘനങ്ങൾ റിപ്പോർട്ട് ചെയ്യുന്നത് പ്രോത്സാഹിപ്പിക്കുകയും ചെയ്യും.
∙ 50,00 മുതൽ 50,000 ദിർഹം വരെ പിഴ
ഉച്ചവിശ്രമ നിയമം ലംഘിക്കുന്ന കമ്പനികൾ 5,000 ദിർഹം വരെയും ഒന്നിലധികം ലംഘനങ്ങൾക്ക് പരമാവധി 50,000 ദിർഹം വരെയും പിഴയൊടുക്കണം. അവബോധം വളർത്തുന്നതിനും ഉച്ചവിശ്രമ നിയന്ത്രണങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനും മന്ത്രാലയം അതിൻ്റെ പങ്കാളികളുമായി സഹകരിച്ച് തൊഴിലാളികളെയും തൊഴിലുടമകളെയും ബോധവത്കരിക്കുന്നതിന് ക്യാംപെയ്നുകളും സൈറ്റ് സന്ദർശനങ്ങളും നടത്തും.
English Summary:
Workers in UAE will have lunch break for three months from tomorrow
TAGS
Comments (0)