യുഎഇയുടെ ദേശീയ വിമാന കമ്പനിയായ ഇത്തിഹാദ് എയർവേയ്സ് ഈ ആഴ്ച 1 ബില്യൺ ഡോളറിന്റെ ഐപിഒ പ്രഖ്യാപിക്കുമെന്ന് റിപ്പോർട്ട്. ഓഹരി വിൽപ്പന നടന്നാൽ, അബുദാബി സെക്യൂരിറ്റീസ് എക്‌സ്‌ചേഞ്ചിൽ (എഡിഎക്‌സ്) ലിസ്റ്റ് ചെയ്യുന്നതിനായി ഈ മാസം ആദ്യം ആൽഫ ഡാറ്റ പ്രഖ്യാപിച്ചതിനെത്തുടർന്ന്, സ്ഥാപനങ്ങൾക്കും വ്യക്തിഗത നിക്ഷേപകർക്കും ഓഹരികൾ വാഗ്ദാനം ചെയ്യുന്ന ഈ വർഷം രണ്ടാമത്തെ കമ്പനിയായി ഇത്തിഹാദ് മാറും.
2007 ജൂലൈയിൽ എയർ അറേബ്യ ദുബായ് ഫിനാൻഷ്യൽ മാർക്കറ്റിൽ ലിസ്റ്റ് ചെയ്തതിന് ഏകദേശം 20 വർഷങ്ങൾക്ക് ശേഷം, പബ്ലിക് ലിസ്റ്റിംഗിൽ പ്രവേശിക്കുന്ന രണ്ടാമത്തെ യുഎഇ എയർലൈൻ ആയി ഇത്തിഹാദ് മാറും. പക്ഷേ ഈ റിപ്പോർട്ട് സ്ഥിരീകരിക്കുന്നതോ നിഷേധിക്കുന്നതോ ആയ പ്രതികരണം ഇത്തിഹാദ് അധികൃതർ നൽകിയിട്ടില്ല. ഇത്തിഹാദ് എയർവേയ്സ് ഓഹരി വിപണിയിൽ അരങ്ങേറ്റം കുറിക്കുന്നത് ഇതാദ്യമല്ല.
നിക്ഷേപ, ഹോൾഡിംഗ് കമ്പനിയായ ADQ യുടെ ഉടമസ്ഥതയിലുള്ള അബുദാബി ആസ്ഥാനമായുള്ള കാരിയർ “2025 ന് മുമ്പ്” പൊതുവിപണിയിൽ എത്തുമെന്ന് കഴിഞ്ഞ വർഷം സെപ്റ്റംബറിൽ റിപ്പോർട്ട് ചെയ്തിരുന്നു.
2024-ൽ മികച്ച പ്രകടനം
2024-ൽ ഇത്തിഹാദ് എയർവേയ്സ് മികച്ച പ്രകടനമാണ് കാഴ്ചവ്വെച്ചത്. നികുതി കഴിഞ്ഞുള്ള ലാഭം 1.7 ബില്യൺ ദിർഹമായിരുന്നു. യാത്രക്കാരുടെ വരുമാനത്തിൽ 20.8 ബില്യൺ ദിർഹവും കാർഗോ വരുമാനത്തിൽ 4.2 ബില്യൺ ദിർഹവും പ്രവർത്തന കാര്യക്ഷമതയിൽ ഗണ്യമായ പുരോഗതിയും റെക്കോർഡ് ലാഭത്തിന് കാരണമായതായി ഇത്തിഹാദ് പറഞ്ഞു.
ദേശീയ എയർലൈൻ കഴിഞ്ഞ വർഷം 18.5 ദശലക്ഷം യാത്രക്കാരെ വഹിച്ചു. 2023 നെ അപേക്ഷിച്ച് 32 ശതമാനം വർധനവുണ്ടായി, “വികസിച്ചുകൊണ്ടിരിക്കുന്ന ശൃംഖലയിലുടനീളം ശക്തവും സുസ്ഥിരവുമായ ആവശ്യം പ്രതിഫലിപ്പിച്ചെന്നും ഇത്തിഹാദ് വക്താവ് പറഞ്ഞു.”
