ലോകത്തിലെ ഏറ്റവും വലിയ 300 കിലോഗ്രാം സ്വർണ്ണക്കട്ടി ഈ വാരാന്ത്യത്തിൽ ദുബായ് ഗോൾഡ് സൂക്ക് എക്സ്റ്റൻഷനിൽ പ്രദർശിപ്പിക്കും. ഇതിലൂടെ സ്വർണ്ണത്തിൻ്റെയും വിലപിടിപ്പുള്ള ലോഹങ്ങളുടെയും ആഗോളകേന്ദ്രമെന്ന നഗരത്തിൻ്റെ ഖ്യാതി ഉയർത്തിക്കാട്ടും. ഡിസംബര്‍ 7, 8 തീയതികളിലാണ് രണ്ട് ദിവസത്തെ എക്സിബിഷന്‍ നടക്കുക.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുകhttps://chat.whatsapp.com/IXuNyAQ0lGeBzuRcaZal5K
സന്ദർശകർക്ക് ദുബായ് ഗോൾഡ് സൂക്ക് എക്സ്റ്റൻഷനിലെ എമിറേറ്റ്സ് മിൻ്റിങ് ഫാക്ടറി ഷോപ്പിന് പുറത്ത് ഈ കൂറ്റൻ സ്വർണക്കട്ടി കാണാനുള്ള അപൂർവ അവസരം ലഭിക്കും. ജപ്പാനിൽ പ്രദർശിപ്പിച്ച 250 കിലോഗ്രാം സ്വർണത്തിൻ്റെ മുൻ റെക്കോർഡാണ് ഈ സ്വര്‍ണ്ണക്കട്ടി തകർത്തത്.
അസാധാരണമായ കരകൗശലവിദ്യയ്‌ക്കൊപ്പം ഒരു ഫോട്ടോ സഹിതം അവർക്ക് ആ നിമിഷം സ്മരിക്കാനും ചരിത്രത്തെ അവരുടെ അനുഭവത്തിൻ്റെ ഭാഗമാക്കാനും കഴിയുമെന്ന് സംഘാടകർ പറഞ്ഞു. ഈ സ്വർണം, വിലപിടിപ്പുള്ള ലോഹ വ്യവസായത്തിൽ നവീകരണത്തിനും മികവിനുമുള്ള ദുബായിയുടെ പ്രതിബദ്ധതയെ ആഘോഷിക്കുന്നു.
ആഡംബരത്തിലും വ്യാപാരത്തിലും ദുബായിയുടെ സ്ഥാനം വർധിപ്പിക്കുന്നതിൽ പ്രാദേശിക റീട്ടെയിലർമാരുടെ നിർണായക പങ്ക് ഈ പരിപാടി എടുത്തുകാണിക്കുന്നതായി സംഘാടകര്‍ കൂട്ടിച്ചേർത്തു.