UAE Road closure; ടൂർ സൈക്ലിംഗ് റേസ് ഇന്ന് ഫെബ്രുവരി 17 തിങ്കളാഴ്ച ആരംഭിക്കുന്നതിനാൽ അൽ ദഫ്ര മേഖലയിലെ മദീനത്ത് സായിദിൽ റോളിംഗ് റോഡ് അബുദാബിയിലെ എഡി മൊബിലിറ്റി അടച്ചതായി പ്രഖ്യാപിച്ചു.
സൈക്ലിംഗ് ഇവൻ്റിൻ്റെ ആദ്യ ഘട്ടത്തിൻ്റെ ഭാഗമായി ഈ റോഡ് ഉച്ചയ്ക്ക് 12:50 മുതൽ 4:30 വരെ ഘട്ടം ഘട്ടമായി അടച്ചിടും. ഷാംസ് സോളാർ പവർ പ്ലാൻ്റിൽ നിന്നാണ് മത്സരം ആരംഭിക്കുന്നത്, ആദ്യ അടച്ചിടൽ ഉച്ചയ്ക്ക് 12:50 മുതൽ 1:45 വരെ ഷെയ്ഖ സലാമ ബിൻ്റ് ബുട്ടി (Sheikha Salama Bint Butti Road from 12:50 pm to 1:45 pm) റോഡിനെ ബാധിക്കും.
തുടർന്നുള്ള ഘട്ടങ്ങളിൽ ലിവ പാലസ്, ലിവ ഹോസ്പിറ്റൽ എന്നിവയ്ക്ക് സമീപം ഉച്ചയ്ക്ക് 2:00 മുതൽ 3:55 വരെ (Liwa Palace and Liwa Hospital from 2:00 pm to 3:55 pm) അധികനേരം അടച്ചിടും. മോറിബ് ഡ്യൂണിലേക്കുള്ള ഓട്ടം പുരോഗമിക്കുമ്പോൾ താൽ മോറിബ് റോഡ് ഘട്ടംഘട്ടമായി അടയ്ക്കും, ഉച്ചകഴിഞ്ഞ് 3:15 മുതൽ 4:20 വരെയും, അവസാന ഭാഗം 3:45 മുതൽ 4:30 വരെയും അടച്ചിടും.