UAE Visa: സന്ദർശകർക്കും യുഎഇ നിവാസികൾക്കും ഉള്‍പ്പെടെ വിസയിൽ കൂടുതൽ സമയം രാജ്യത്ത് താമസിക്കുന്നവർക്ക് പ്രതിദിനം 50 ദിർഹം പിഴ ചുമത്തും. എന്നിരുന്നാലും, റസിഡൻ്റ് വിസ ഉടമകൾക്ക് അവരുടെ പെർമിറ്റ് കാലഹരണപ്പെട്ടതിന് ശേഷമുള്ള ഗ്രേസ് പിരീഡിൽനിന്ന് അവരുടെ വിസ വിഭാഗത്തെ ആശ്രയിച്ച് 30 ദിവസം മുതൽ ആറ് മാസം വരെ ആനുകൂല്യം ലഭിക്കും.
ഈ കാലയളവ് കവിഞ്ഞാൽ, പിഴകൾ പ്രതിദിനം ചാര്‍ജ് ചെയ്യും. ചില അസാധാരണമായ സാഹചര്യങ്ങളിൽ, ഇമിഗ്രേഷൻ അധികാരികൾ മാനുഷിക കാരണങ്ങളാൽ പിഴ ഒഴിവാക്കിയേക്കാം. വ്യക്തികൾക്ക് ഓവർസ്റ്റേ പിഴയിൽ നിന്ന് ഒഴിവാക്കലിന് അപേക്ഷിക്കാം. എന്നാൽ, അപേക്ഷാ പ്രക്രിയ സമഗ്രമാണ്. മാത്രമല്ല അംഗീകാരം അധികാരികളുടെ വിവേചനാധികാരത്തിൽ മാത്രമാണെന്ന് വിദഗ്ധർ പറഞ്ഞു.
ദുബായിൽ സന്ദർശന വിസയോ റസിഡൻസ് വിസയോ നൽകിയ വ്യക്തികൾക്ക്, ഉത്തരവാദിത്തപ്പെട്ട അതോറിറ്റി ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് – ദുബായ് (ജിഡിആർഎഫ്എ) ആണ്. ജിഡിആര്‍എഫ്എ അനുസരിച്ച്, വിദേശികളുടെ എൻട്രി, റെസിഡൻസ് നിയമം ലംഘിച്ചാൽ വ്യക്തികൾക്ക് അവരുടെ സാമ്പത്തിക പിഴ ഒഴിവാക്കാനോ കുറയ്ക്കാനോ അഭ്യർഥിക്കാം.
അമർ സെൻ്ററുകളില്‍ അപേക്ഷിക്കേണ്ട ദിവസവും സമയവും- അൽ അവീർ ഇമിഗ്രേഷൻ സെൻ്റർ (തിങ്കൾ മുതൽ വ്യാഴം വരെ – രാവിലെ 7.30 – 7pm, വെള്ളി: 7.30 – 12pm, 2.30pm – 7pm). ആവശ്യമായ രേഖകൾ- പിഴ കുറയ്ക്കുന്നതിനുള്ള അഭ്യർഥന കത്ത് (അറബിയിൽ), ഫൈൻ ഡീറ്റെയിൽസ് റിപ്പോർട്ട് (അറബിയിൽ) പിഴ തീയതി ഉള്‍പ്പെടെ, ഓവർസ്റ്റേ ദിവസങ്ങളുടെ എണ്ണം, പാസ്പോർട്ട് കോപ്പി, പഴയ സന്ദർശന വിസയും വിസ റദ്ദാക്കൽ രേഖയും.
പിഴകൾ കൂടുതലുള്ളവർ പബ്ലിക് റിലേഷൻസ് ഓഫീസറുമായി (പിആർഒ) കൂടിയാലോചിക്കണമെന്ന് വിദഗ്ധർ ശക്തമായി ശുപാർശ ചെയ്യുന്നു. അല്ലെങ്കിൽ അവരുടെ കേസിന് അനുയോജ്യമായ ഏറ്റവും കൃത്യവും കാലികവുമായ മാർഗ്ഗനിർദ്ദേശത്തിനായി GDRFA ഹെൽപ്പ്‌ലൈനുമായി നേരിട്ട് ബന്ധപ്പെടുക – 8005111.