Visa Flexible Payments; അജ്മാൻ: യു എ ഇ യിലെ ഏറ്റവും പുതിയ ഫ്രീ സോണായ അജ്മാൻ നുവെഞ്ചേഴ്‌സ് സെൻ്റർ ഫ്രീ സോൺ (ANCFZ) രണ്ട് മാസത്തിനുള്ളിൽ ആകർഷിച്ചത് 450 ലധികം കമ്പനികളെ. യുഎഇയിൽ ഏകദേശം 47-48 ഫ്രീ സോണുകളുണ്ടെങ്കിലും, സേവനങ്ങൾ നൽകുന്നതിലെ വേഗതയും ചെലവ് കുറവുമാണ് ചുരുങ്ങിയ നാളുകൾ കൊണ്ട് ഇത്രയേറെ കമ്പനികളെ ആകർഷിക്കാൻ സാധിച്ചതെന്ന് അജ്മാൻ ന്യൂവെഞ്ചേഴ്‌സ് സെൻ്റർ ഫ്രീ സോണിൻ്റെ സിഇഒ ഋഷി സോമയ്യ പറഞ്ഞു. അതോടൊപ്പം കുറഞ്ഞ നികുതി, ലിബറൽ നിയന്ത്രണങ്ങൾ, ഉയർന്ന സുരക്ഷ, ലൈഫ്‌സ്‌റ്റൈൽ, ദീർഘകാല റെസിഡൻസി പ്രോഗ്രാമായ ഗോൾഡൻ വിസ തുടങ്ങി യുഎഇയിലെ നിക്ഷേപക സൗഹൃദ അന്തരീക്ഷം കൂടിയായപ്പോൾ കാര്യങ്ങൾ കൂടുതൽ എളുപ്പമാന്നെന്നും അദ്ദേഹം പറഞ്ഞു.
15 മിനിറ്റിനുള്ളിൽ ലൈസൻസും 48 മണിക്കൂറിനുള്ളിൽ വിസയും നൽകാൻ തങ്ങൾക്ക് സാധിക്കുന്നു എന്നതാണ് ഏറ്റവും ആകർഷകമായ ഘടകമെന്നും സിഇഒ പറഞ്ഞു. അജ്മാൻ നുവെഞ്ചേഴ്‌സ് സെൻ്റർ ഫ്രീ സോൺ പൂർണ്ണമായും ഡിജിറ്റൽ ആയതിനാൽ, ലൈസൻസുകളും വിസകളും നൽകുന്ന കാര്യത്തിൽ തങ്ങളാണ് ഏറ്റവും വേഗതയേറിയതെന്ന് സോമയ്യ പറഞ്ഞു.
യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/IXuNyAQ0lGeBzuRcaZal5K
“ഒരു കമ്പനി തുറക്കാൻ സാധാരണയായി മൂന്നോ നാലോ ദിവസമെടുക്കും. വിസ ലഭിക്കാൻ 15-20 ദിവസമെടുക്കും. എന്നാൽ ഞങ്ങൾ ക്ലയൻ്റ് ലൈസൻസ് രണ്ട് മണിക്കൂറിനുള്ളിൽ സൂപ്പർഫാസ്റ്റ് വേഗതയിൽ നൽകുന്നു. എല്ലാ നിബന്ധനകളും പാലിക്കുന്ന അപേക്ഷകളാണെങ്കിൽ 48 മണിക്കൂറിനുള്ളിൽ വിസ നൽകാൻ ഞങ്ങൾക്ക് കഴിയും. എന്നാൽ മറ്റുള്ളവർ അതിന് 14-15 ദിവസമെടുക്കും. നിലവിൽ പ്രവർത്തനം തുടങ്ങിയ 450-ലധികം കമ്പനികൾക്കും 15 മിനിറ്റ് മുതൽ ഒരു മണിക്കൂർ വരെ സമയത്തിനിടയിൽ ലൈസൻസ് നൽകാൻ തങ്ങൾക്ക് കഴിഞ്ഞതായും അദ്ദേഹം പറഞ്ഞു.
പ്രവർത്തനങ്ങളുടെ കാര്യത്തിൽ, യുഎഇ നിയമപ്രകാരം അനുവദനീയമായ എല്ലാ സേവനങ്ങൾക്കും പുതിയ ഫ്രീ സോൺ ലൈസൻസുകൾ വാഗ്ദാനം ചെയ്യുന്നു.
“ഞങ്ങൾ ഗെയിമിംഗ്, ബ്ലോക്ക്ചെയിൻ, എ ഐ തുടങ്ങിയ പ്രവർത്തനങ്ങളും ഫ്രീ സോണിൽ ഉൾപ്പെടുത്തിയിട്ടുണ്ട്. ഗെയിമിംഗ് ഒരു വലിയ വ്യവസായമാണ്, അതിനാൽ ഈ മേഖലയിൽ വൈദഗ്ധ്യമുള്ള ഗെയിമിംഗ് സോഫ്റ്റ്‌വെയർ ഡെവലപ്പർമാർക്ക് ഞങ്ങൾ ഈ ലൈസൻസുകൾ നൽകുന്നു,” അദ്ദേഹം പറഞ്ഞു, ANCFZ ഓഫീസ്, കോ-വർക്കിംഗ്, പങ്കിട്ട ഓഫീസ് ഇടങ്ങൾ വാഗ്ദാനം ചെയ്യുന്നു. മറ്റ് ഫ്രീ സോണുകളെ അപേക്ഷിച്ച് ഇവിടെ ചെലവും കുറവാണ്.