യുഎയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GHSbYqrYiiH864uYNWL5ok
Weather alert in uae; ദുബായ്: യുഎഇയിലെ കാലാവസ്ഥാ മാറ്റങ്ങള്‍ തുടരുന്നു. ഇന്ന് രാജ്യത്തിന്റെ ഭൂരിഭാഗം പ്രദേശങ്ങളിലും അസാധാരണമാംവിധം പൊടി ഉയരാന്‍ സാധ്യതയുള്ളതിനാല്‍ നാഷണല്‍ സെന്റര്‍ ഓഫ് മെറ്റീരിയോളജി യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. രാജ്യത്തിന്റെ ഭൂരിഭാഗം പ്രദേശങ്ങളിലും ഭാഗികമായി മേഘാവൃതമായ കാലാവസ്ഥ അനുഭവപ്പെടും എന്നും കാലാവസ്ഥാ വകുപ്പ് അറിയിച്ചു.
അതുപോലെ തന്നെ ഇന്ന് ഉച്ചകഴിഞ്ഞ് മഴ പെയ്യാൻ സാധ്യതയുണ്ടെങ്കിലും ഇന്നും ചൂട് തുടരുമെന്നും ആന്തരിക പ്രദേശങ്ങളിൽ താപനില 48 ഡിഗ്രി സെൽഷ്യസ് വരെ ഉയരുമെന്നും കാലാവസ്ഥാ വകുപ്പ് അറിയിച്ചു. ഹ്യുമിഡിറ്റി സൂചിക യഥാക്രമം മെസൈറയിലും ഗസ്‌യൗറയിലും 80 ശതമാനവും 70 ശതമാനവും വരെ എത്തും.
അതേസമയം, അബുദാബിയിലും ദുബായിലും താപനില യഥാക്രമം 45 ഡിഗ്രി സെൽഷ്യസും 43 ഡിഗ്രി സെൽഷ്യസും വരെ ഉയരും.
അറേബ്യൻ ഗൾഫിലും ഒമാൻ കടലിലും ഇന്നലത്തെപ്പോലെ കടൽ ഇന്ന് നേരിയ തോതിൽ അനുഭവപ്പെടും.
അപകടകരമായ കാലാവസ്ഥാ സംഭവങ്ങള്‍ പ്രവചിക്കപ്പെടുന്നതിനാല്‍ ജനങ്ങള്‍ ജാഗ്രതയോടെ തയ്യാറായിരിക്കണം എന്നാണ് ഓറഞ്ച് അലര്‍ട്ട് കൊണ്ട് അര്‍ത്ഥമാക്കുന്നത്. അധികാരികള്‍ പുറപ്പെടുവിച്ച മാര്‍ഗ്ഗനിര്‍ദ്ദേശങ്ങള്‍ പാലിക്കേണ്ടത് അത്യാവശ്യമാണ് എന്ന് എമിറേറ്റ് നിവാസികളെ കാലാവസ്ഥാ വകുപ്പ് ഓര്‍മിപ്പിച്ചു. കഴിഞ്ഞ കുറച്ച് ദിവസങ്ങളായി യുഎഇയില്‍ അസാധാരണമായ കാലാവസ്ഥാ മാറ്റങ്ങളാണ് സംഭവിക്കുന്നത്.