
Fire Breaks Out at Warehouse in Ajman അജ്മാൻ: യുഎഇയിലെ അജ്മാനിലെ ന്യൂ ഇൻഡസ്ട്രിയൽ ഏരിയയിലുള്ള ഗോഡൗണിൽ ബുധനാഴ്ച തീപിടിത്തമുണ്ടായി. അജ്മാൻ സിവിൽ ഡിഫൻസ് സംഘങ്ങൾ ഉടൻ സ്ഥലത്തെത്തി തീയണച്ചതായി അധികൃതർ അറിയിച്ചു.
തീപിടിത്തം സമീപത്തെ കെട്ടിടങ്ങളിലേക്കും സ്ഥാപനങ്ങളിലേക്കും പടരുന്നത് തടയാൻ അഗ്നിശമന സേനയ്ക്ക് സാധിച്ചു. സംഭവത്തിൽ ആർക്കും പരിക്കേൽക്കുകയോ ആളപായമുണ്ടാകുകയോ ചെയ്തിട്ടില്ലെന്ന് അജ്മാൻ മീഡിയ ഓഫീസ് വ്യക്തമാക്കി.
തീപിടിത്തത്തിന്റെ കാരണം സംബന്ധിച്ചോ ഗോഡൗണിനുണ്ടായ നാശനഷ്ടങ്ങളെക്കുറിച്ചോ കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല.





