Dubai Eid Al Etihad Holiday 2026;ദുബായിലെ സ്കൂളുകൾക്കും സർവകലാശാലകൾക്കും അഞ്ച് ദിവസം അവധി പ്രഖ്യാപിച്ചു!

Dubai Eid Al Etihad Holiday 2026;ദുബായ്: യുഎഇയുടെ 55-ാമത് ഈദ് അൽ ഇത്തിഹാദ് ആഘോഷങ്ങളുടെ ഭാഗമായി ദുബായിലെ സ്വകാര്യ സ്കൂളുകൾക്കും സർവകലാശാലകൾക്കും മൂന്ന് ദിവസത്തെ അവധി പ്രഖ്യാപിച്ചു. ഡിസംബർ 2 ബുധനാഴ്ച മുതൽ ഡിസംബർ 4 വെള്ളിയാഴ്ച വരെയാണ് അവധി. വാരാന്ത്യ അവധികൾ കൂടി ചേരുന്നതോടെ വിദ്യാർഥികൾക്ക് തുടർച്ചയായി അഞ്ച് ദിവസം വിശ്രമം ലഭിക്കും.

അവധിക്ക് ശേഷം ഡിസംബർ 7 തിങ്കളാഴ്ച മുതൽ സ്കൂളുകളിലും സർവകലാശാലകളിലും സാധാരണ ക്ലാസുകളും പ്രവർത്തനങ്ങളും പുനരാരംഭിക്കും.

നഴ്സറികൾക്കും അവധി

ദുബായിലെ ആദ്യകാല ശിശുപരിചരണ കേന്ദ്രങ്ങൾക്കും (Early Childhood Centres) അവധി പ്രഖ്യാപിച്ചിട്ടുണ്ട്. ഡിസംബർ 2, 3 തീയതികളിലാണ് ഇവയ്ക്ക് അവധി. എന്നാൽ കുടുംബങ്ങളുടെയും സമൂഹത്തിന്റെയും ആവശ്യങ്ങൾ പരിഗണിച്ച് ഡിസംബർ 4 വെള്ളിയാഴ്ചയും അവധി നൽകാൻ സ്ഥാപനങ്ങൾക്ക് തീരുമാനിക്കാം. ഈ സാഹചര്യത്തിൽ നഴ്സറികൾക്കും തുടർച്ചയായി അഞ്ച് ദിവസത്തെ അവധി ലഭിക്കും. ഡിസംബർ 7 തിങ്കളാഴ്ചയായിരിക്കും പ്രവർത്തനം പുനരാരംഭിക്കുക.

സ്വകാര്യ മേഖലയ്ക്ക് രണ്ട് ദിവസത്തെ അവധി

അതേസമയം, യുഎഇയിലെ സ്വകാര്യ മേഖലയിലെ ജീവനക്കാർക്ക് ഈദ് അൽ ഇത്തിഹാദ് ആഘോഷങ്ങളുടെ ഭാഗമായി ഡിസംബർ 2, 3 തീയതികളിൽ ശമ്പളത്തോടെയുള്ള പൊതു അവധി ലഭിക്കും. മാനവവിഭവശേഷി, സ്വദേശിവൽക്കരണ മന്ത്രാലയമാണ് (MoHRE) ഇക്കാര്യം സ്ഥിരീകരിച്ചത്.

1971 ഡിസംബർ 2-ന് ആറ് എമിറേറ്റുകൾ ഒന്നിച്ച് യുഎഇ ഫെഡറേഷൻ രൂപീകരിച്ചതിന്റെ ഓർമയ്ക്കായാണ് എല്ലാ വർഷവും ഈദ് അൽ ഇത്തിഹാദ് ആഘോഷിക്കുന്നത്. പിന്നീട് 1972 ഫെബ്രുവരിയിൽ റാസൽഖൈമ കൂടി ചേർന്നതോടെയാണ് ഏഴ് എമിറേറ്റുകൾ ഉൾപ്പെട്ട ഇന്നത്തെ യുഎഇ രൂപംകൊണ്ടത്.

രാജ്യത്തിന്റെ ഐക്യവും പാരമ്പര്യവും നേട്ടങ്ങളും ആഘോഷിക്കുന്ന 55-ാമത് ഈദ് അൽ ഇത്തിഹാദ് ഇത്തവണയും വിപുലമായ പരിപാടികളോടെയാണ് സംഘടിപ്പിക്കുന്നത

യുഎഇയിലെ വാർത്തകളും പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

Related Posts

Leave a Reply

Your email address will not be published. Required fields are marked *

© 2026 Pravasi News Daily - WordPress Theme by WPEnjoy