Now Pay Later Remittance Service;ദുബായ്: യുഎഇ പ്രവാസികള്‍ക്ക് ആശ്വാസമായി ബോട്ടിം ഫിന്‍ടെക്കിന്‍റെ പുതിയ സേവനം. തല്‍ക്കാലം അക്കൗണ്ടില്‍ കാശില്ലെങ്കിലും നാട്ടിലേക്ക് പണം അയക്കാനും അയച്ച തുക പിന്നീട് ക്രെഡിറ്റ് ചെയ്യാനും സൗകര്യമൊരുക്കുന്ന പുതിയ സംവിധാനവുമായാണ് (‘സെന്‍ഡ് നൗ, പേ ലേറ്റര്‍ -ഇപ്പോള്‍ പണം അയക്കൂ, പിന്നീട് പണം അടയ്ക്കൂ’ ) ബോട്ടിം രംഗത്തെത്തിയിരിക്കുന്നത്. ബോട്ടിം അള്‍ട്രാ ആപ്പ് ഉപയോഗിച്ചാണ് യുഎഇയില്‍ നിന്ന് വിദേശ രാജ്യങ്ങളിലേക്ക് തല്‍ക്ഷണം പണം അയക്കാന്‍ സൗകര്യമൊരുക്കിയിരിക്കുന്നത്.’സെന്‍ഡ് നൗ, പേ ലേറ്റര്‍ -ഇപ്പോള്‍ പണം അയക്കൂ, പിന്നീട് പണം അടയ്ക്കൂ’ (എസ്എന്‍പിഎല്‍) എന്ന പ്രോഗ്രാം ഇതുപയോഗിച്ച് പണം അയക്കാന്‍ തങ്ങളുടെ ബാങ്ക് അക്കൗണ്ടില്‍ പണം ആവശ്യമില്ലെന്നതാണ് ഇതിന്‍റെ ഏറ്റവും വലിയ സവിശേഷത.
യുഎഇയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
https://chat.whatsapp.com/GP5QFVhrFYr80EmJZFoXFe
അക്കൗണ്ടില്‍ പണം ഇല്ലെങ്കിലും ഈ സ്മാര്‍ട്ട് ആപ്പ് വഴി തല്‍ക്കാലം പണം അടയ്ക്കാനും അടച്ച തുക പിന്നീട് തിരികെ നല്‍കാനും സാധിക്കും. യുഎഇയിലെ പ്രവാസി തൊഴിലാളികളെ പിന്തുണയ്ക്കുകയും അവര്‍ക്ക് മെച്ചപ്പെട്ട സാമ്പത്തിക വഴക്കം നല്‍കുകയും ചെയ്യുന്ന പദ്ധതിയാണിതെന്ന് അധികൃതര്‍ അറിയിച്ചു.
ഉപയോക്താക്കള്‍ക്ക് വിദേശത്തേക്ക് പണം അയയ്ക്കാനും പിന്നീട് സൗകര്യപ്രദമായ തവണകളായി തിരികെ അടയ്ക്കാനും അവസരം നല്‍കുന്നതാണ് പുതിയ സംവിധാനം. മാസാവസാനം പോലെ സാമ്പത്തിക ഞെരുക്കം നേരിടുന്ന സമയങ്ങളില്‍ അത്യാവശ്യത്തിന് പണം നാട്ടിലേക്കോ സുഹൃത്തുക്കള്‍ക്കോ അയക്കേണ്ട ആവശ്യം വന്നാല്‍ ഈ ആപ്പ് നിങ്ങളുടെ സഹായത്തിനെത്തും. പിന്നീട് തവണകളായോ അല്ലാതെയോ പണം തിരികെ അടച്ചാല്‍ മതിയാവും. ഇത്തരമൊരു സാമ്പത്തിക പരിഹാരം വാഗ്ദാനം ചെയ്യുന്ന മിഡിലീസ്റ്റിലെയും ആഫ്രിക്കന്‍ രാജ്യങ്ങളിലെയും ആദ്യത്തെ ഫിന്‍ടെക് ആയി മാറിയിരിക്കുകയാണ് ബോട്ടിം.
‘വിപുലമായ ക്രെഡിറ്റ് ഇന്‍ഫ്രാസ്ട്രക്ചര്‍ പ്രയോജനപ്പെടുത്തുന്നതിലൂടെ, പണമയയ്ക്കാന്‍ ഞങ്ങള്‍ ഉപയോക്താക്കള്‍ക്ക് വേഗമേറിയതും ആക്‌സസ് ചെയ്യാവുന്നതുമായ മാര്‍ഗം വാഗ്ദാനം ചെയ്യുന്നു,’- ആസ്ട്ര ടെക്കിന്‍റെ സ്ഥാപകനും ബോട്ടിം സിഇഒയുമായ അബ്ദുല്ല അബു ഷെയ്ഖ് പറഞ്ഞു. ഈ സേവനം ദശലക്ഷക്കണക്കിന് ഉപയോക്താക്കള്‍ക്ക് അവരുടെ സാമ്പത്തിക ബാധ്യതകള്‍ കൂടുതല്‍ ഫലപ്രദമായി കൈകാര്യം ചെയ്യുന്നതിനുള്ള വഴക്കം നല്‍കുന്നതായും അതുവഴി നാട്ടിലുള്ള അവരുടെ കുടുംബങ്ങളെ പിന്തുണയ്ക്കാന്‍ വഴിയൊരുക്കുന്നതായും അദ്ദേഹം പറഞ്ഞു.
2022 ല്‍ അവതരിപ്പിച്ച ബോട്ടിമിന്‍റെ അന്തര്‍ദ്ദേശീയ കൈമാറ്റങ്ങളും ബില്‍ പേയ്മെന്‍റുകളും ഉള്‍പ്പെടെയുള്ള സാമ്പത്തിക സേവനങ്ങള്‍ മുന്‍കൂര്‍ പേയ്മെന്‍റ് എന്ന നിബന്ധന ഇല്ലാതാക്കുന്നവയാണ്. മേഖലയിലെ സാമ്പത്തിക പ്രവര്‍ത്തനങ്ങള്‍ വിപുലീകരിക്കുക എന്ന ലക്ഷ്യത്തോടെയാണ് ആസ്ട്ര ടെക്കിന്‍റെ പുതിയ ദൗത്യം. എസ്എന്‍പിഎല്‍ കൂടാതെ ബൈ നൗ പേ ലേറ്റര്‍ (ഇപ്പോള്‍ വാങ്ങൂ, പിന്നീട് പണം അടയ്ക്കൂ- ബിപിഎന്‍ല്‍) എന്നിവയുള്‍പ്പെടെ നിരവധി ക്രെഡിറ്റ് സൊല്യൂഷനുകള്‍ കമ്പനി വാഗ്ദാനം ചെയ്യുന്നുണ്ട്.
പുതിയ എസ്എന്‍പിഎല്‍ സംവിധാനം ഔദ്യോഗികമായി ആരംഭിക്കുന്നതിന് മുന്നോടിയായി, ബോട്ടിം അതിന്‍റെ 90 ലക്ഷം വരുന്ന ഉപയോക്താക്കള്‍ക്കായി ഒരു പ്രീ-രജിസ്ട്രേഷന്‍ ഫോം അവതരിപ്പിക്കും. ഇത് പദ്ധതിയുടെ ആദ്യ പ്രായോജകരമായി മാറാന്‍ അവര്‍ക്ക് അവസരം നല്‍കും. 2023ലാണ്, ലോകത്തിലെ ആദ്യത്തെ അള്‍ട്രാ ആപ്പായി ആസ്ട്ര ടെക് ബോട്ടിം അവതരിപ്പിച്ചത്. ഫിന്‍ടെക്, ഇ-കൊമേഴ്സ്, ജിപിടി, ആശയവിനിമയങ്ങള്‍ എന്നിവ ഒരൊറ്റ പ്ലാറ്റ്‌ഫോമിലേക്ക് സമന്വയിപ്പിക്കുകയ എന്ന ലക്ഷ്യത്തോടെയായിരുന്നു ഇത്.