Super Block initiative;എമിറേറ്റിലെ ഏതാനം മേഖലകളിൽ കാറുകൾക്ക് നിയന്ത്രണം ഏർപ്പെടുത്താനും, ഇത്തരം മേഖലകൾ കാൽനടയാത്രികർക്ക് മാത്രമായി പരിമിതപ്പെടുത്താനും വ്യവസ്ഥ ചെയ്യുന്ന ഒരു പദ്ധതി സംബന്ധിച്ച് പ്രഖ്യാപനം നടത്തി ദുബൈ അധികൃതർ. ‘സൂപ്പർ ബ്ലോക്ക്’ എന്ന പദ്ധതിയുടെ കീഴിലാണ് ഈ നടപടികൾ. പദ്ധതിയുടെ ഭാഗമായി ദുബൈയിലെ ഏതാനും പാർപ്പിടമേഖലകളും, വാണിജ്യമേഖലകളും കാൽനടയാത്രികർക്ക് മാത്രമായി പരിമിതപ്പെടുത്തിയിട്ടുള്ള കാർ-ഫ്രീ സോണുകളാക്കി മാറ്റും.
Further, we introduced the Super Block initiative to create car-free pedestrian-friendly neighbourhoods. The Unified Digital Platform initiative was also adopted to streamline government services offered through specialized platforms such as the Dubai Now app, Invest in Dubai for… pic.twitter.com/GZesV9hXqZ— Hamdan bin Mohammed (@HamdanMohammed) February 6, 2025
ദുബൈ കിരീടാവകാശിയും, ഡെപ്യൂട്ടി പ്രധാനമന്ത്രിയും, പ്രതിരോധമന്ത്രിയുമായ H.H. ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നേതൃത്വത്തിൽ ചേർന്ന ദുബൈ എക്സിക്യൂട്ടീവ് കൗൺസിൽ യോഗം ‘സൂപ്പർ ബ്ലോക്ക്’ പദ്ധതിയ്ക്ക് അംഗീകാരം നൽകി.
കാൽനടയാത്രക്കാർക്ക് പ്രാധാന്യം നൽകുന്നതിനും, ആഗോള തലത്തിൽ ദുബൈയെ കാൽനടസൗഹൃദ ഗ്ലോബൽ നഗരം എന്ന രീതിയിൽ ഒന്ന് കൂടി ഉറപ്പാക്കുന്നതിനുമായാണ് ഈ നടപടി. ദുബൈ 2040 അർബൻ മാസ്റ്റർ പ്ലാനിന്റെ ഭാഗമായുള്ള ഈ നടപടി കാറുകളുടെ ഉപയോഗം കുറക്കാനും ഇതിലൂടെ കാർബൺ ബഹിർഗമനം കുറക്കുന്നതിനും, ഹരിതയിടങ്ങൾ വർധിപ്പിക്കാനും ലക്ഷ്യമിടുന്നു. അൽ ഫഹിദി, അബു ഹൈൽ, അൽ കരാമ, അൽ ഖൂസ് ക്രിയേറ്റീവ് സോൺ എന്നി മേഖലകളിലാണ് പദ്ധതി ആദ്യം നടപ്പിലാക്കുക.