PRAVASI NEWS DAILY

Dubai Top Five Tourist Destination;ദുബായ്: യുഎഇയിലെ പ്രധാന ആകർഷണങ്ങളിലൊന്നായ ദുബായ് ഫൗണ്ടൻ ഉൾപ്പെടെ അഞ്ച് വിനോദസഞ്ചാര കേന്ദ്രങ്ങൾ താൽക്കാലികമായി അടച്ചിടാനൊരുങ്ങുകയാണ് അധികൃതർ. വരും മാസങ്ങളിൽ താപനില കുതിച്ചുയരാൻ സാധ്യത ഉള്ളതിനാലാണ് ഈ താത്കാലിക അടച്ചിടൽ എന്ന് അധികൃതർ അറിയിച്ചിട്ടുണ്ട്. എന്നാൽ ദുബായ് മാളിലെ പ്രശസ്തമായ ദുബായ് ഫൗണ്ടൻ അടക്കുന്നത് വേനൽക്കാലമായതിനാലല്ലെന്നും, മറിച്ച് ഈ മാസം ആരംഭിക്കുന്ന നവീകരണ പ്രവർത്തനങ്ങൾക്കയാണെന്നും അധികൃതർ അറിയിച്ചിട്ടുണ്ട്.ഏപ്രിൽ 19 ന് ദുബായ് ഫൗണ്ടൻ അടക്കുന്നതിനു മുൻപുള്ള അവസാന ഷോ നടത്തും, തുടർന്ന് വിപുലമായ പുനരുദ്ധാരണത്തിനായി താൽക്കാലികമായി അഞ്ച് മാസത്തേയ്ക്ക് അടച്ചിടുകയാണ് ചെയ്യുക. മെയ് മാസത്തിലാരംഭിക്കുന്ന നവീകരണ പ്രവർത്തനങ്ങൾ ഒക്ടോബറിൽ അവസാനിക്കുമെന്നാണ് കരുതുന്നത്. ബുർജ് ഖലീഫയ്ക്കും ദുബായ് മാളിനും സമീപത്തായി ഡൗൺ ടൗണിലാണ് ദുബായ് ഫൗണ്ടൻ സ്ഥിതി ചെയ്യുന്നത്. ജലവും പ്രകാശവും സംഗീതവും സമന്വയിപ്പിച്ചുള്ള ജല നൃത്തം കാണാനായി ഓരോ വർഷവും ലക്ഷക്കണക്കിന് സന്ദർശകരാണ് ഇവിടെ എത്തുന്നത്.

അതേസമയം 2024 ഒക്ടോബർ 16ന് ആരംഭിച്ച ഗ്ലോബൽ വില്ലേജിന്റെ 29ാം സീസൺ 2025 മെയ് 11നാണ് ഔദ്യോഗികമായി അവസാനിക്കുന്നത്. ശേഷം ഗ്ലോബൽ വില്ലേജും താത്കാലികമായി അടച്ചിടും. മെയ് 11ന് നടക്കുന്ന 29ാം സീസണിൽ സന്ദർശകർക്ക് 175-ലധികം റൈഡുകൾ, ഗെയിമുകൾ എന്നിവ ആസ്വദിക്കാൻ അവരസരമുണ്ട്. കൂടാതെ പുതുതായി ആരംഭിച്ച റെസ്റ്റോറന്റ് പ്ലാസ ഉൾപ്പെടെ 250-ലധികം ഡൈനിംഗ് ഓപ്ഷനുകളുമുണ്ട്, ഇതിൽ വൈവിധ്യമാർന്ന ആഗോള ഭക്ഷണവിഭവങ്ങൾ വാഗ്ദാനം ചെയ്യുന്ന 11 ഇരുനില റെസ്റ്റോറന്റുകളും ഉൾപ്പെടുന്നുണ്ട്.

ദുബായ് മിറക്കിൾ ഗാർഡനും താത്കാലികമായി അടച്ചിട്ടേക്കും. 2024 ഒക്ടോബറിലാണ് ദുബായ് മിറക്കിൾ ഗാർഡൻ 13ാം സീസൺ ആരംഭിച്ചത്. എന്നാൽ ദുബായ് മിറക്കിൾ ഗാർഡൻ ഔദ്യോഗികമായി അടക്കുന്ന തീയതി ഇതുവരെ പ്രഖ്യാപിച്ചിട്ടില്ല, എന്നാൽ മുൻ സീസണുകളെ അടിസ്ഥാനമാക്കി, ജൂണിൽ മിറക്കിൾ ഗാർഡൻ അടച്ചുപൂട്ടുമെന്നാണ് കരുതുന്നത്.

72,000 ചതുരശ്ര മീറ്റർ വിസ്തൃതിയുള്ള ലോകത്തിലെ ഏറ്റവും വലിയ പ്രകൃതിദത്ത പൂന്തോട്ടമായ ഇവിടെ 150 ദശലക്ഷത്തിലധികം പൂക്കൾ വിവിധ ഡിസൈനുകളിൽ ക്രമീകരിച്ചിട്ടുണ്ട്. 2013 ഫെബ്രുവരി 14ന് ആരംഭിച്ച ഈ പൂന്തോട്ടം ഇതിനകം തന്നെ മൂന്ന് ഗിന്നസ് ലോക റെക്കോർഡുകൾ നേടിയിട്ടുണ്ട്. ദുബായ് ഗാർഡൻ ഗ്ലോയും ഔദ്യോഗികമായി ഒരു അടച്ചുപൂട്ടൽ തീയതി പ്രഖ്യാപിച്ചിട്ടില്ല, പക്ഷേ സാധാരണയായി ഇത് വേനൽക്കാലത്ത് അടച്ചിടാറാണ് പതിവ്.

ലോകത്തിലെ ഏറ്റവും വലിയ ഗ്ലോ-ഇൻ-ദി-ഡാർക്ക് പാർക്കുകളിൽ ഒന്നായ ഇതിൽ അഞ്ച് പ്രത്യേക സോണുകൾ, 500-ലധികം പ്രകൃതി-പ്രചോദിത ഇൻസ്റ്റാളേഷനുകൾ, വിശ്വൽ ആർട്ട് ഇല്ല്യൂഷനുകൾ, സീസണൽ ആകർഷണങ്ങൾ എന്നിവ ഉൾക്കൊള്ളുന്നുണ്ട്. അടച്ചിടാൻ സാധ്യതയുള്ള മറ്റൊരു വിനോദ കേന്ദ്രം ദുബായ് സഫാരി പാർക്ക് ആണ്. എന്നാൽ ദുബായ് സഫാരി പാർക്ക് ഔദ്യോഗികമായി അടച്ചിടുന്ന തീയതി ഇതുവരെ പ്രഖ്യാപിച്ചിട്ടില്ല.

അതേസമയം, പാർക്കിന്റെ ഔദ്യോഗിക വെബ്സൈറ്റായ dubaisafari.ae യിൽ 2025 ജൂൺ 1 വരെ മാത്രമേ ബുക്കിംഗുകൾ ലഭ്യമാകുന്നുള്ളു. 2024 ഒക്ടോബർ 1നാണ് പാർക്ക് വിനോദ സഞ്ചാരികൾക്കായി തുറന്ന് നൽകിയത്. 119 ഹെക്ടറിൽ വ്യാപിച്ചുകിടക്കുന്ന ഈ പാർക്കിൽ ലോകമെമ്പാടുമുള്ള ഏകദേശം 3,000 മൃഗങ്ങളുണ്ട്. ഇവയെ കാണാനും ആസ്വദിക്കാനുമൊക്കെ നിരവധി സഞ്ചാരികളാണ് ഇവിടേയ്ക്ക് ഒഴുകിയെത്താറുള്ളത്

recovery app; വർഷങ്ങൾക്ക് മുമ്പ് ഡിലീറ്റ് ചെയ്തതടക്കം ഫോട്ടോകളും വീഡിയോകളും വെറും രണ്ടു മിനിറ്റിൽ! എങ്ങനെയെന്നല്ലേ? വരൂ നോക്കം

Safeer mall; ഡിസ്കൗണ്ടുകളുടെ രാജാവ്!! പ്രശസ്തിയുടെ അങ്ങേയറ്റം!! ജനപ്രിയ സ്ഥലം!! എന്നിട്ടുംഷാർജയിലെ സഫീർ മാൾ അടച്ചു