Expat arrest; നവവധു ആത്മഹത്യ ചെയ്ത കേസില്‍ ഭര്‍ത്താവ് അബ്ദുല്‍ വാഹിദ് പിടിയില്‍. വിദേശത്തുനിന്ന് കണ്ണൂര്‍ വിമാനത്താവളത്തില്‍ ഇറങ്ങിയപ്പോഴാണ് പിടിയിലായത്. മലപ്പുറം കൊണ്ടോട്ടിയിൽ ഷഹാന മുംതാസ് കഴിഞ്ഞ ചൊവ്വാഴ്ച്ചയാണ് ആത്മഹത്യ ചെയ്തത്. നിറത്തിന്‍റെ പേരിലും ഇംഗ്ലീഷ് ഭാഷ അറിയില്ലെന്നും പറഞ്ഞ് ഭര്‍ത്താവ് നിരന്തരം കളിയാക്കിയിരുന്നു.
ഷഹാനയുടെ ഭർത്താവ് അബ്ദുൽ വാഹിദിനെതിരെ പോലീസ് കഴിഞ്ഞദിവസം കൂടുതൽ വകുപ്പുകൾ ചുമത്തിയിരുന്നു. ആത്മഹത്യ പ്രേരണ, ഭാര്യയെ മാനസികമായി പീഡിപ്പിക്കൽ എന്നീ വകുപ്പുകളാണ് ഇയാൾക്കെതിരെ ചുമത്തിയത്.
ഭര്‍ത്താവിനെയും കുടുംബത്തിനെതിരെയും കടുത്ത ആരോപണങ്ങളാണ് ബന്ധുക്കള്‍ ഉന്നയിച്ചത്. 20 ദിവസമല്ലേ കൂടെ താമസിച്ചു, എന്തിനാണ് ഇതിൽ തന്നെ പിടിച്ചുതൂങ്ങുന്നത് വേറെ ഭർത്താവിനെ കിട്ടില്ലേയെന്ന് പെൺകുട്ടിയുടെ മുന്നിൽ വെച്ച് ഭർത‍ൃ മാതാവും ചോദിച്ചിരുന്നെന്നും റിപ്പോർട്ടുകള്‍ സൂചിപ്പിക്കുന്നു.