റാക് മുനിസിപ്പാലിറ്റി ജീവനക്കാരനും മലപ്പുറം കൂട്ടായി സ്വദേശിയും എടക്കനാട് മില്ലുംപടിയിൽ താമസക്കാരനുമായ പുളിക്കൽ മുഹമ്മദ് കുട്ടി (58) റാസൽഖൈമയിൽ നിര്യാതനായി.വ്യാഴാഴ്ച്ച രാത്രി ഹൃദയാഘാതത്തെ തുടർന്നായിരുന്നു അന്ത്യം.
നോമ്പ് തുറ കഴിഞ്ഞ് മാർക്കറ്റിൽ പോയ മുഹമ്മദ് കുട്ടി പെരുന്നാൾ വസ്ത്രം വാങ്ങി റൂമിൽ തിരികെയെത്തി കസേരയിൽ വിശ്രമിക്കവെ ശാരീരികാസ്വാസ്ഥ്യം അനുഭവപ്പെടുകയായിരുന്നു. മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലെത്തിക്കുമെന്ന് സുഹൃത്തുക്കൾ പറഞ്ഞു. പിതാവ്: സെയ്ദു മുഹമ്മദ്. മാതാവ്: ആയിഷ ബീവി. ഭാര്യ: സൗദ. മക്കൾ: അസ്മാബി, അബ്ദുൽ അസ്ലം, അസ്ലിം, അജ്മൽ.
