electricity bill in uae;വേനൽകാലത്ത് നമ്മുടെ കുടുംബ ബഡ്ജറ്റിനെ താളം തെറ്റിക്കുന്ന ഒന്നാണ് ഇലക്ട്രിസിറ്റി ബിൽ. ഇതിന് പിന്നിൽ ഒരുപാട് കാരണങ്ങളുണ്ട്. വേനൽക്കാലത്തെ അമിതമായ ഫാൻ, എസി എന്നിവയുടെ ഉപയോഗമാണ് വൈദ്യുതി ബിൽ ഉയരുന്നതിലെ പ്രധാന കാരണമായി കണക്കാക്കുന്നത്. എന്നാൽ വേനൽക്കാലത്ത് ഇതൊക്കെ ഉപയോഗിച്ച് വൈദ്യുതി ബിൽ കുറയ്ക്കുന്നതിന് ചില ടിപ്പുകളുണ്ട്. കേന്ദ്ര-സംസ്ഥാന സർക്കാരുകൾ ഇതുമായി ബന്ധപ്പെട്ട ചില പൊടിക്കൈകൾ പലപ്പോഴും പങ്കുവയ്ക്കുന്നുണ്ട്. അവ എന്തൊക്കെയാണെന്ന് നോക്കാം.
ഊർജ മന്ത്രാലയം പങ്കുവച്ച പൊടിക്കൈകൾ
നിങ്ങളുടെ വീട്ടിലെ വൈദ്യുതി ലാഭിക്കുന്നതിന് ഏറ്റവും പ്രധാനപ്പെട്ട പങ്കുവഹിക്കുന്നത് വാട്ടർ പമ്പുകൾ, എസി, കൂളറുകൾ, ഫാനുകൾ എന്നവയാണെന്ന് കേന്ദ്ര ഊർജ മന്ത്രാലയം പറയുന്നു. നിങ്ങൾ മുറിയിൽ ഇല്ലെങ്കിൽ ഒരിക്കലും ഫാൻ ഓൺ ചെയ്ത് വയ്ക്കാൻ പാടില്ല. ഇത് വൈദ്യുതി ബിൽ കൂടാൻ കാരണമാകും. അതുകൊണ്ട് തന്നെ ആവശ്യമുള്ളപ്പോൾ മാത്രം വൈദ്യുതി ഉപയോഗിച്ച് പ്രവർത്തിക്കുന്നവ ഉപയോഗിക്കുക. ഇത് ദൈനംദിന ജീവിതത്തിൽ ശീലമാക്കിയാൽ വൈദ്യുതി ബിൽ വലിയ രീതിയിൽ കുറഞ്ഞേക്കും.
വീട്ടിലെ വാട്ടർ പമ്പ്
വൈദ്യുതി ബിൽ കൂടുന്നതിലെ പ്രധാനപ്പെട്ട കാരണങ്ങളിൽ ഒന്നാണ് വാട്ടർ പമ്പിന്റെ ഉപയോഗം. വാട്ടർ പമ്പുകൾ സാധാരണയായി ധാരാളം വൈദ്യുതി ഉപയോഗിക്കുന്നു, എന്നാൽ വേനൽക്കാലത്ത് ആളുകൾ ഇതേക്കുറിച്ച് ശ്രദ്ധിക്കുന്നില്ല. ഇതും പൂർണമായി ശ്രദ്ധിക്കണം. ഒരു തെറ്റ് നിങ്ങൾക്ക് വലിയ നഷ്ടമുണ്ടാക്കും. ഇത് കൂടാതെ വേനൽക്കാലത്ത് കൂടുതൽ ഉപയോഗിക്കുന്ന ഉപകരണങ്ങൾ വേറെയുമുണ്ട്.
എസി ഉപയോഗിക്കുന്നവർ
വേനൽക്കാലത്തെ എസി ഉപയോഗവും കൂടുതലായും ശ്രദ്ധിക്കേണ്ട ഒന്നാണ്. കുറഞ്ഞ ചൂട് അനുഭവപ്പെടുമ്പോൾ എസിയുടെ ഉപയോഗം പരാമാവദി കുറയ്ക്കുക. സീലിംഗ് ഫാൻ, ടേബിൾ ഫാൻ എന്നിവ ഈ സമയത്ത് ഉപയോഗിക്കുക. എസിയുള്ള മുറിയിലെ ജനലുകളും വാതിലുകളും മറ്റും ദ്വാരങ്ങൾ എന്നിവയിൽ കൂടി ദ്വാരങ്ങൾ അകത്തേക്ക് കടക്കുന്നില്ലെന്ന് ഉറപ്പവരുത്തുക. എസിയുടെ ടെംപറേച്ചർ 22 ഡിഗ്രീ സെൽഷ്യസിൽ നിന്ന് ഓരോ ഡിഗ്രി കൂടുമ്പോൾ അഞ്ച് ശതമാനം വരെ വൈദ്യുതി കുറയും. അതുകൊണ്ട് 25 ഡിഗ്രി സെൽഷ്യസിൽ തെർമ്മോസ്റ്റാറ്റ് സെറ്റ് ചെയ്യുന്നതാണ് ഉത്തമം.