Eid holiday destination,; ദുബൈ: ഈദുല്‍ ഫിത്തര്‍ അവധിക്കാല യാത്രയ്ക്ക് ഒരു ഡെസ്റ്റ്‌നേഷന്‍ തീരുമാനിക്കാന്‍ പാടുപെടുകയാണോ നിങ്ങള്‍? ആഴ്ചകള്‍ക്ക് മുമ്പ് വിസയ്ക്കായി അപേക്ഷ സമര്‍പ്പിക്കേണ്ടതില്ലാത്തതും യുഎഇയില്‍ നിന്ന് നേരിട്ട് വിമാന സര്‍വീസുള്ളതുമായ ഒരു സ്ഥലമാണ് നിങ്ങള്‍ അന്വേഷിക്കുകയാണെങ്കില്‍ നിങ്ങള്‍ക്ക് മുന്നില്‍ നിരവധി ഓപ്ഷനുകളുണ്ട്. ചില രാജ്യങ്ങള്‍ വിസ രഹിത പ്രവേശനം വാഗ്ദാനം ചെയ്യുമ്പോള്‍ മറ്റുള്ളവ യുഎഇ പ്രവാസികള്‍ക്ക് പ്രത്യേകമായി വിസ ഓണ്‍ അറൈവല്‍ സൗകര്യം ഒരുക്കുന്നു. നിങ്ങളുടെ ദേശീയത പരിഗണിക്കാതെ തന്നെ നിങ്ങളുടെ ഈദ് യാത്ര മനോഹരമാക്കാന്‍ പറ്റിയ ചില യാത്രാ സ്ഥലങ്ങള്‍ ഇതാ.
അസര്‍ബൈജാന്‍
യുഎഇ നിവാസികള്‍ക്ക് ഇഷ്ടപ്പെട്ട വിനോദസഞ്ചാര കേന്ദ്രങ്ങള്‍ എന്ന നിലയില്‍ അസര്‍ബൈജാനും ജോര്‍ജിയയും കൂടുതല്‍ പ്രചാരം നേടിയിട്ടുണ്ട്. യുഎഇ ആസ്ഥാനമായുള്ള വിവിധ എയര്‍ലൈനുകള്‍ ഈ രാജ്യങ്ങളിലേക്ക് നിരവധി പാക്കേജുകള്‍ വാഗ്ദാനം ചെയ്യുന്നുവെന്നതാണ് ഇതിന് കാരണമായ പ്രധാന ഘടകം.
കഴിഞ്ഞ രണ്ട് വര്‍ഷത്തിനിടയില്‍ ജോര്‍ജിയയ്ക്കും അസര്‍ബൈജാനും വേണ്ടിയുള്ള പാക്കേജുകള്‍ യുഎഇയിലെ താമസക്കാര്‍ക്കിടയില്‍ വളരെയധികം പ്രചാരം നേടിയിട്ടുണ്ട്. അവയില്‍ വിമാന ടിക്കറ്റുകളും ഹോട്ടല്‍ താമസവും ഉള്‍പ്പെടുന്നു എന്നതാണ് ഈ പാക്കേജുകളുടെ പ്രധാന സവിശേഷത.
അസര്‍ബൈജാനിലേക്ക് പോകാന്‍ നിങ്ങള്‍ക്ക് രണ്ട് ഓപ്ഷനുകളാണുള്ളത്. ഒന്നാമത്തേത്, നിങ്ങള്‍ യാത്ര ചെയ്യുന്നതിന് മുമ്പ് ഓണ്‍ലൈനായി ഒരു ഇ വിസയ്ക്ക് അപേക്ഷിക്കുക. അല്ലെങ്കില്‍ രണ്ടാമതായി, നിങ്ങള്‍ അവിടെ ഇറങ്ങുമ്പോള്‍ നിങ്ങളുടെ പാസ്‌പോര്‍ട്ടില്‍ വിസ സ്റ്റാമ്പ് ചെയ്യുക.
ഈ രണ്ട് വിസ ഓപ്ഷനുകള്‍ക്കും ഏകദേശം 140 ദിര്‍ഹം ചിലവാകുമെങ്കിലും, ഇവിസയ്ക്ക് അപേക്ഷിക്കുന്നതിന്റെ പ്രയോജനം വിമാനത്താവളത്തില്‍ ഇറങ്ങിക്കഴിഞ്ഞാല്‍ നിങ്ങള്‍ക്കവിടെ കുറഞ്ഞ സമയം ചെലവഴിച്ചാല്‍ മതി. നിങ്ങള്‍ വിസ ഓണ്‍ അറൈവല്‍ തിരഞ്ഞെടുക്കുകയാണെങ്കില്‍, വിമാനത്താവളത്തില്‍ സ്ഥാപിച്ചിട്ടുള്ള സ്മാര്‍ട്ട് മെഷീനുകളില്‍ നിങ്ങളുടെ പാസ്‌പോര്‍ട്ട് സ്‌കാന്‍ ചെയ്ത് യാത്രാ വിശദാംശങ്ങള്‍ നല്‍കേണ്ടതുണ്ട്. തുടര്‍ന്ന് നിങ്ങള്‍ക്ക് വിസ ഓണ്‍ അറൈവല്‍ ലഭിക്കും. നിങ്ങള്‍ക്ക് ഒരു ഇവിസ ഉണ്ടെങ്കില്‍ നിങ്ങള്‍ക്ക് നേരിട്ട് ഇമിഗ്രേഷന്‍ കൗണ്ടറിലേക്ക് പോകാവുന്നതാണ്.
വിസ റിക്വര്‍മെന്റ്‌സ്
നിങ്ങളുടെ പാസ്‌പോര്‍ട്ടിന് കുറഞ്ഞത് ആറ് മാസമെങ്കിലും സാധുതയുണ്ടായിരിക്കണം.
നിങ്ങളുടെ യുഎഇ റസിഡന്‍സ് വിസയ്ക്ക് കുറഞ്ഞത് മൂന്ന് മാസമെങ്കിലും കാലാവധി ഉണ്ടായിരിക്കണം.
വിസ സാധുത
ഇവിസ അല്ലെങ്കില്‍ ഓണ്‍ അറൈവല്‍ വിസ ഉപയോഗിച്ച് നിങ്ങള്‍ക്ക് 30 ദിവസം വരെ രാജ്യത്ത് തങ്ങാം.
ജോര്‍ജിയ
ജോര്‍ജിയയില്‍ 30 ദിവസത്തേക്ക് സാധുതയുള്ള വിസ ഓണ്‍ അറൈവല്‍ മാത്രമേ വാഗ്ദാനം ചെയ്യുന്നുള്ളൂ. എന്നാല്‍ നിങ്ങള്‍ ഇനിപ്പറയുന്ന റിക്വര്‍മെന്റ്‌സ് പാലിക്കുന്നുണ്ടെന്ന് ഉറപ്പാക്കേണ്ടതുണ്ട്:
നിങ്ങളുടെ പാസ്‌പോര്‍ട്ടിന് കുറഞ്ഞത് ആറ് മാസമെങ്കിലും സാധുതയുണ്ടായിരിക്കണം
നിങ്ങളുടെ യുഎഇ റസിഡന്‍സ് വിസയ്ക്ക് കുറഞ്ഞത് മൂന്ന് മാസമെങ്കിലും കാലാവധി ഉണ്ടായിരിക്കണം.
ജോര്‍ജിയന്‍ വിസക്കായി യുഎഇ നിവാസികള്‍ തങ്ങളുടെ താമസം, യാത്ര, ആരോഗ്യ ഇന്‍ഷുറന്‍സ് വിശദാംശങ്ങള്‍ നല്‍കേണ്ടിവന്നേക്കും. കൂടാതെ താമസ കാലയളവിന് ആവശ്യമായ ഫണ്ട് ഉണ്ടെന്ന് തെളിയിക്കാന്‍ ആവശ്യപ്പെടുകയും ചെയ്‌തേക്കാം. യുഎഇ ആസ്ഥാനമായുള്ള ഒരു എയര്‍ലൈനില്‍ നിങ്ങള്‍ ഒരു ഫ്‌ലൈറ്റ് ബുക്ക് ചെയ്യുകയാണെങ്കില്‍ യാത്രാ ഇന്‍ഷുറന്‍സ് ചെലവ് മൊത്തത്തിലുള്ള ചെലവില്‍ ഉള്‍പ്പെടുത്തും.
കുറഞ്ഞത് ഒരു മാസത്തെ സാധുതയുള്ള പാസ്‌പോര്‍ട്ട് അല്ലെങ്കില്‍ യാത്രാ രേഖ.
മടക്ക ടിക്കറ്റുകള്‍, വേരിഫൈഡ് ഹോട്ടല്‍ ബുക്കിംഗ് വിശദാംശങ്ങള്‍, നിങ്ങളുടെ പക്കല്‍ മതിയായ ഫണ്ടുണ്ടെന്നതിന്റെ തെളിവ്.
മാലിദ്വീപിലെ ഇമിഗ്രേഷന്‍ ഉദ്യോഗസ്ഥര്‍ ഈ വിശദാംശങ്ങള്‍ പരിശോധിച്ച ശേഷം വിസ അനുവദിക്കും.
മാലിദ്വീപിലേക്ക് വരുമ്പോഴും തിരിച്ചും പോകുമ്പോഴും ഫ്‌ലൈറ്റ് ടൈമിന് 96 മണിക്കൂറിനുള്ളില്‍ നിങ്ങള്‍ ഒരു ‘ട്രാവലര്‍ ഡിക്ലറേഷന്‍’ ഫോം സമര്‍പ്പിക്കണം. മാലിദ്വീപ് ഇമിഗ്രേഷന്‍ ഓണ്‍ലൈന്‍ പോര്‍ട്ടല്‍ വഴി നിങ്ങള്‍ക്ക് ഫോം പൂരിപ്പിക്കാം.
https://imuga.immigration.gov.mv/
വിസ സാധുത
വിസ ഓണ്‍ അറൈവല്‍ വഴി 30 ദിവസം വരെ രാജ്യത്ത് തങ്ങാന്‍ സാധിക്കും.
