Emirates Introduces Electric Premium Economy Seats ദുബൈ: പ്രീമിയം ഇക്കണോമി യാത്രാനുഭവത്തിൽ പുതിയ മാറ്റവുമായി എമിറേറ്റ്‌സ്. ലോകത്താദ്യമായി പൂർണ ഉയരത്തിലുള്ള ഇലക്ട്രിക് പ്രൈവസി സ്‌ക്രീനുകളുള്ള പ്രീമിയം ഇക്കണോമി സീറ്റുകളാണ് എമിറേറ്റ്‌സ് അവതരിപ്പിച്ചത്. പുതുതായി സർവീസിലെത്തിയ എയർബസ് A350 വിമാനങ്ങളിലാണ് ഈ സീറ്റുകൾ ആദ്യമായി ഉൾപ്പെടുത്തിയിരിക്കുന്നത്.

APPLY NOW FOR THE LATEST VACANCIES

പ്രീമിയം ഇക്കണോമി ക്യാബിനിൽ 2-3-2 ക്രമീകരണത്തിൽ ആകെ 28 സീറ്റുകളാണുള്ളത്. 20 ഇഞ്ച് വീതിയും 39 ഇഞ്ച് വരെ സീറ്റ് പിച്ചുമുള്ള സീറ്റുകൾ പിന്നിലെ യാത്രക്കാരെ ബുദ്ധിമുട്ടിക്കാതെ കൂടുതൽ സൗകര്യത്തോടെ ചാരിയിരിക്കാവുന്ന രീതിയിലാണ് രൂപകൽപ്പന ചെയ്തിരിക്കുന്നത്.

സീറ്റ് കൺട്രോളിലൂടെ ഉയർത്താനും താഴ്ത്താനും കഴിയുന്ന ഇലക്ട്രിക് പ്രൈവസി ഡിവൈഡറുകളാണ് പ്രധാന പ്രത്യേകത. ജോലി ചെയ്യാനും ഭക്ഷണം കഴിക്കാനും വിശ്രമിക്കാനും കൂടുതൽ സ്വകാര്യ ഇടം ഇതിലൂടെ ലഭിക്കും. ‘ലോഞ്ച് മോഡ്’, ‘മീൽ മോഡ്’ തുടങ്ങിയ ക്രമീകരണങ്ങളും ഒറ്റ ബട്ടൺ അമർത്തി മാറ്റാനാകും.

സഫ്രാൻ സീറ്റ്സിന്റെ ‘യു-ഡ്രീം’ ലെതർ ഹെഡ്‌റെസ്റ്റുകളും ക്രമീകരിക്കാവുന്ന ഫുട്‌റെസ്റ്റുകളും യാത്രാസൗകര്യം വർധിപ്പിക്കുന്നു. പ്രീമിയം ഇക്കണോമി വിഭാഗത്തിൽ ആദ്യമായി വയർലെസ് ചാർജിങ് സൗകര്യവും എമിറേറ്റ്‌സ് അവതരിപ്പിച്ചിട്ടുണ്ട്.

യുഎസ്ബി-സി ചാർജിങ് പോർട്ട്, ഫോൺ ഹോൾഡറോടുകൂടിയ ട്രേ ടേബിൾ, 13.3 ഇഞ്ച് 4K HDR ടച്ച്‌സ്‌ക്രീൻ എന്നിവയും സീറ്റുകളിൽ ലഭ്യമാണ്. വിമാനത്തിന് പുറത്തുള്ള വിവിധ ദൃശ്യങ്ങൾ കാണാൻ സഹായിക്കുന്ന എക്സ്റ്റേണൽ ക്യാമറകളും യാത്രക്കാർക്ക് ഉപയോഗിക്കാം.

റോയൽ ഡൗൾട്ടൺ ഫൈൻ ചൈന പാത്രങ്ങളിൽ റോബർട്ട് വെൽച്ച് കട്ട്ലറിയോടെയാണ് ഭക്ഷണം വിളമ്പുന്നത്. പ്രത്യേക പാനീയങ്ങളും പ്രീമിയം ഡൈനിങ് അനുഭവത്തിന്റെ ഭാഗമാണ്. ദീർഘദൂര യാത്രക്കാർക്കായി ‘യുണൈറ്റഡ് ഫോർ വൈൽഡ്‌ലൈഫ്’ സഹകരണത്തോടെ പരിസ്ഥിതി സൗഹൃദ അമെനിറ്റി കിറ്റുകളും നൽകുന്നുണ്ട്.

2022ൽ ആരംഭിച്ച പ്രീമിയം ഇക്കണോമി സേവനത്തിന് ലഭിച്ച മികച്ച പ്രതികരണത്തെ തുടർന്ന് പുതിയ എയർബസ് A350 വിമാനങ്ങളിലുടനീളം ഈ സേവനം വ്യാപിപ്പിക്കാനാണ് എമിറേറ്റ്‌സിന്റെ തീരുമാനം.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

യുഎഇയിൽ നിന്ന് നിരവധി വിമാന സർവീസുകൾ റദ്ദാക്കി; കൊച്ചിയിലേക്കുള്ള വിമാനങ്ങൾ വൈകുന്നു യാത്രക്കാർക്ക് പ്രത്യേക മുന്നറിയിപ്പ്

UAE Nazia Staff Editor — September 4, 2026 · 0 Comment

UAE Flight Delays; ഇറാനും അമേരിക്കയും തമ്മിലുള്ള സൈനിക നീക്കങ്ങൾ ശക്തമായതോടെ യുഎഇയിൽ നിന്നുള്ള വിമാന സർവ്വീസുകളെ വലിയതോതിൽ ബാധിക്കപ്പെട്ടു. കഴിഞ്ഞ രണ്ട് ദിവസത്തിനിടെ ഇന്ത്യയിലേക്കും വിവിധ ഗൾഫ് രാജ്യങ്ങളിലേക്കുമുള്ള ഇരുപതോളം വിമാനങ്ങളാണ് റദ്ദാക്കുകയോ മണിക്കൂറുകളോളം വൈകുകയോ ചെയ്തത്. ഇറാന്റെ ആക്രമണ ഭീഷണിയും സുരക്ഷാ മുൻകരുതലുകളും കണക്കിലെടുത്താണ് വിമാന കമ്പനികളുടെ ഈ നടപടി. മലയാളി യാത്രക്കാരെയാണ് വിമാനങ്ങളുടെ സമയക്രമത്തിലെ മാറ്റം ഏറ്റവും കൂടുതൽ ബാധിച്ചത്. ദുബായിൽ നിന്ന് കൊച്ചിയിലേക്കുള്ള സ്പൈസ് ജെറ്റ് (SG 5118) വിമാനം 16 മണിക്കൂറിലധികം വൈകിയാണ് പുറപ്പെട്ടത്. പുലർച്ചെ 3:15-ന് പുറപ്പെടേണ്ടിയിരുന്ന വിമാനം വൈകുന്നേരം 7:12-ലേക്കാണ് മാറ്റിയത്. സ്പൈസ് ജെറ്റിന്റെ തന്നെ മുംബൈ വിമാനം റദ്ദാക്കുകയും ഡൽഹി വിമാനം വൈകുകയും ചെയ്തു. പുനെയിൽ നിന്നുള്ള വിമാനവും റദ്ദാക്കിയവയിൽ ഉൾപ്പെടുന്നു.

APPLY NOW FOR THE LATEST VACANCIES

ഷാർജ ആസ്ഥാനമായുള്ള എയർ അറേബ്യ ബഹ്‌റൈനിലേക്കും (G9107) കുവൈത്തിലേക്കുമുള്ള (G9068, G9124) വിമാനങ്ങൾ റദ്ദാക്കി. എന്നാൽ മറ്റു ചില സർവീസുകൾ നിലവിൽ തുടരുന്നുണ്ടെന്ന് എയർലൈൻ അറിയിച്ചു.

ദുബായിൽ നിന്ന് റീജിയണൽ ഡെസ്റ്റിനേഷനുകളിലേക്കുള്ള നിരവധി സർവീസുകൾ വൈകി.

• ഫ്ലൈ ദുബായ്/എമിറേറ്റ്സ്: നിയോം (Neom), ദമാസ്കസ്, ബാഗ്ദാദ്, കാബൂൾ, കെയ്‌റോ എന്നിവിടങ്ങളിലേക്കുള്ള വിമാനങ്ങൾ 20 മിനിറ്റ് മുതൽ 2 മണിക്കൂർ വരെ വൈകി.
• മറ്റ് എയർലൈനുകൾ: എയർ ഇന്ത്യയുടെ ഡൽഹി വിമാനവും ഇറാൻ എയർടൂർ സർവീസും വൈകിയോടുന്നവയിൽ ഉൾപ്പെടുന്നു.

അബുദാബിയിൽ നിന്നും സർവീസുകൾക്ക് തടസ്സം നേരിട്ടു.

• ഡൽഹിയിൽ നിന്നുള്ള എത്തിഹാദ് വിമാനം (EY213) ഒരു മണിക്കൂറോളം വൈകി.
• അബുദാബിയിൽ നിന്ന് തിബിലിസി, താഷ്കെന്റ് എന്നിവിടങ്ങളിലേക്കുള്ള എയർ അറേബ്യ വിമാനങ്ങളും വൈകി.
• തിരുച്ചിറപ്പള്ളിയിൽ നിന്നുള്ള ഇൻഡിഗോ വിമാനവും (6E1439) നിശ്ചിത സമയത്ത് എത്തിച്ചേർന്നില്ല.

മേഖലയിലെ യുദ്ധസമാനമായ സാഹചര്യം തുടരുന്നതിനാൽ വരും ദിവസങ്ങളിലും വിമാന സർവീസുകളിൽ മാറ്റം വരാൻ സാധ്യതയുണ്ട്. യാത്രക്കാർ വിമാനത്താവളത്തിലേക്ക് തിരിക്കും മുൻപ് അതത് വിമാന കമ്പനികളുമായി ബന്ധപ്പെട്ട് സമയക്രമം ഉറപ്പുവരുത്തണമെന്ന് അധികൃതർ നിർദ്ദേശിച്ചു.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഒരു യാത്രാ ടിക്കറ്റ്… ജീവിതം മാറ്റിയ ഭാഗ്യം!ചെന്നൈയിൽ നിന്ന് അബുദാബിയിലേക്ക്; യാത്രയ്ക്കൊപ്പം കയറിയത് ഭാഗ്യവും, ‘ഗൾഫ് ടിക്കറ്റിന്’ ബംബർ സമ്മാനം!

UAE September 3, 2026

അബുദാബി∙ ബിഗ് ടിക്കറ്റിന്റെ ഓഗസ്റ്റിലെ അവസാന വാരാന്ത്യ ഇ-നറുക്കെടുപ്പിൽ ലക്ഷം ദിർഹത്തിന്റെ (ഏകദേശം 26 ലക്ഷത്തോളം ഇന്ത്യൻ രൂപ) സമ്മാനത്തുക പങ്കിട്ട് രണ്ട് ഇന്ത്യക്കാർ ഉൾപ്പെടെ നാല് പേർ. ഒന്നാം സമ്മാനമടക്കം അടിച്ച ഭാഗ്യശാലികളിൽ ഭൂരിഭാഗവും ഇന്ത്യക്കാരാകുന്ന പാരമ്പര്യം തുടരുമ്പോഴാണ് ഇത്തവണത്തെ വാരാന്ത്യ നറുക്കെടുപ്പിലും ഇന്ത്യൻ പ്രവാസികൾക്ക് നേട്ടമുണ്ടായിരിക്കുന്നത്.

APPLY NOW FOR THE LATEST VACANCIES

ഇന്ത്യയിൽ നിന്നും യുഎഇയിൽ നിന്നുമുള്ള പ്രവാസികളായ കാർത്തികേയൻ ദക്ഷിണാമൂർത്തി, ഭൂമേശ്വർ ചിന്തപാണ്ഡു എന്നിവരാണ് വിജയികളായ ഇന്ത്യക്കാർ. എമിറാത്തി പൗരനായ സയീദ് സലിം മുഹമ്മദ് അൽ കിന്ദി അൽ ഷംസി, യുഎഇയിൽ റിയൽ എസ്റ്റേറ്റ് മേഖലയിൽ ജോലി ചെയ്യുന്ന പാക്കിസ്ഥാൻ സ്വദേശി ഗുഫ്രാൻ ജാവേദ് എന്നിവരാണ് സമ്മാനം നേടിയ മറ്റു രണ്ടുപേർ. ഓരോരുത്തർക്കും ആറര ലക്ഷത്തോളം രൂപ( 25,000 ദിർഹം) വീതമാണ് ലഭിക്കുക.

ചെന്നൈയിൽ നിന്ന് ടിക്കറ്റെടുത്ത് ഭാഗ്യം പിടിച്ച് കാർത്തികേയൻ

ചെന്നൈ സ്വദേശിയായ കാർത്തികേയൻ ദക്ഷിണാമൂർത്തി (48) സ്വന്തമായി എടുത്ത ടിക്കറ്റിലാണ് ഭാഗ്യം കൈവരിച്ചത്. മുൻപ് ട്രാൻസിറ്റ് യാത്രകളിൽ അബുദാബി രാജ്യാന്തര വിമാനത്താവളത്തിലെ ബിഗ് ടിക്കറ്റ് കൗണ്ടറിൽ നിന്നാണ് അദ്ദേഹം ടിക്കറ്റുകൾ വാങ്ങിയിരുന്നത്. എന്നാൽ കഴിഞ്ഞ 16 മാസമായി ഇന്ത്യയിലിരുന്ന് ബിഗ് ടിക്കറ്റിന്റെ ഔദ്യോഗിക വെബ്‌സൈറ്റ് വഴിയാണ് അദ്ദേഹം ടിക്കറ്റുകൾ എടുത്തുവരികയായിരുന്നു.

വാരാന്ത്യ നറുക്കെടുപ്പുകളെക്കുറിച്ച് ധാരണയില്ലാത്തതിനാൽ ബിഗ് ടിക്കറ്റിൽ നിന്നുള്ള ഫോൺ കോൾ വന്നപ്പോൾ ആദ്യം വ്യാജ ഫോൺ കോളാണെന്ന് സംശയിച്ചതായി കാർത്തികേയൻ പറഞ്ഞു. പിന്നീട് വിജയിയാണെന്ന് ഉറപ്പായതോടെ വലിയ സന്തോഷം തോന്നി. ലഭിച്ച സമ്മാനത്തുക ഭാവിയിൽ നല്ല കാര്യങ്ങൾക്കായി ഉപയോഗിക്കാനാണ് അദ്ദേഹത്തിന്റെ തീരുമാനം. ഭൂമേശ്വർ ചിന്തപാണ്ഡുവും വെബ്‌സൈറ്റ് വഴി ഓൺലൈനായി എടുത്ത 404603 നമ്പർ ടിക്കറ്റിലാണ് സമ്മാനം സ്വന്തമാക്കിയത്.

യുഎഇയിൽ താമസിക്കുന്ന എമിറാത്തി പൗരനായ സയീദ് സാലിം മുഹമ്മദ് അൽ കിന്ദി അൽ ഷംസി താൻ എടുത്ത ബിഗ് ടിക്കറ്റിന് സമ്മാനം അടിച്ചെന്ന വിവരമറിഞ്ഞ് അദ്ഭുതപ്പെട്ടു. ഓഗസ്റ്റ് 27നാണ് 366239 എന്ന ടിക്കറ്റ് നമ്പർ അദ്ദേഹം ഓൺലൈനായി വാങ്ങിയത്. ലൈവ് നറുക്കെടുപ്പ് കോളിൽ അദ്ദേഹത്തിന് വേണ്ടി മകനാണ് റിചഡിനോട് സംസാരിച്ചത്.

രണ്ടാമത്തെ ശ്രമത്തിൽ ജേതാവായി ഗുഫ്രാൻ ജാവേദ്

കഴിഞ്ഞ 10 വർഷമായി കുടുംബത്തോടൊപ്പം ദുബായിൽ താമസിക്കുന്ന 33 വയസ്സുകാരനായ പാക്കിസ്ഥാനി റിയൽ എസ്റ്റേറ്റ് ബ്രോക്കറാണ് ഗുഫ്രാൻ. ബിഗ് ടിക്കറ്റിനെക്കുറിച്ച് വർഷങ്ങളായി അറിയാമെങ്കിലും യുട്യൂബിൽ ഇതിന്റെ തത്സമയ നറുക്കെടുപ്പുകൾ പതിവായി കാണാറുണ്ടായിരുന്നെങ്കിലും ഇതിനുമുമ്പ് ഒരേയൊരു തവണ മാത്രമാണ് അദ്ദേഹം ടിക്കറ്റെടുത്തിരുന്നത്. ആറ് സുഹൃത്തുക്കളടങ്ങുന്ന സംഘത്തോടൊപ്പം ചേർന്ന് ക്രമരഹിതമായി തിരഞ്ഞെടുത്ത തന്റെ രണ്ടാമത്തെ ടിക്കറ്റ് വാങ്ങലിലൂടെത്തന്നെ അദ്ദേഹത്തെ ഭാഗ്യം തുണച്ചു.

തുടക്കത്തിൽ സമ്മാനം ലഭിച്ച വിവരം അറിയിച്ചുകൊണ്ടുള്ള കോൾ ഗുഫ്രാന് അറ്റൻഡ് ചെയ്യാൻ സാധിച്ചിരുന്നില്ല. എന്നാൽ തൊട്ടുപിന്നാലെ ഇത് സ്ഥിരീകരിച്ച ഇമെയിൽ അദ്ദേഹത്തിന് ലഭിച്ചു. ഇമെയിൽ കണ്ട ഉടൻതന്നെ ഫലം വീണ്ടും ഉറപ്പുവരുത്താൻ താൻ യുട്യൂബ് പരിശോധിച്ചു. തങ്ങളുടെ ടീം തന്നെയാണ് ജയിച്ചതെന്ന് മനസ്സിലായപ്പോൾ അതിയായ സന്തോഷം തോന്നിയെന്നും ഗുഫ്രാൻ പറഞ്ഞു. ഇത് എന്റെ രണ്ടാമത്തെ ശ്രമം മാത്രമായിരുന്നതിനാൽ ഇങ്ങനെയൊരു വിജയം ഞാൻ ഒട്ടും പ്രതീക്ഷിച്ചിരുന്നില്ല. സമ്മാനത്തുക ഗുഫ്രാനും കൂട്ടുകാരും തമ്മിൽ വീതിച്ചെടുക്കും.

ബിഗ് ടിക്കറ്റിന്റെ ഔദ്യോഗിക വെബ്‌സൈറ്റ് വഴിയോ അബുദാബി, അൽ ഐൻ വിമാനത്താവളങ്ങളിലെയും ടൗൺ ചെക്ക്-ഇൻ കേന്ദ്രങ്ങളിലെയും കൗണ്ടറുകൾ വഴിയോ ടിക്കറ്റുകൾ സ്വന്തമാക്കാവുന്നതാണ്.