രാജ്യത്തെ ലക്ഷക്കണക്കിന് ചെറുകിട വ്യാപാരികൾ ആശങ്കയിൽ. യുപിഐ പേയ്മെന്റുകൾക്ക് മുന്നിൽ പുതിയ പ്രതിസന്ധി. RBI നിർദേശിച്ച മർച്ചന്റ് re-KYC പൂർത്തിയാക്കാനുള്ള അവസാന തിയതി 2026 സെപ്റ്റംബർ 15 അടുത്തെത്തിയതോടെയാണ് ഡിജിറ്റൽ പേയ്‌മെന്റ് രംഗത്ത് ആശങ്ക ശക്തമാകുന്നത്. കൃത്യസമയത്ത് കെവൈസി പുതുക്കാത്ത പക്ഷം ചെറുകിട വ്യാപാരികളുടെ ഡിജിറ്റല്‍ ഇടപാടുകള്‍ തടസപ്പെടാന്‍ സാധ്യതയുണ്ടെന്ന് ഈ രംഗത്തെ വിദഗ്ധര്‍ മുന്നറിയിപ്പ് നല്‍കുന്നു.

യുപിഐ ഇടപാടുകള്‍ക്കായി ക്യൂആര്‍ കോഡുകള്‍ ഉപയോഗിക്കുന്ന ചെറുകിട ഓഫ്‌ലൈന്‍ വ്യാപാരികളില്‍ 30 മുതല്‍ 35 ശതമാനം വരെ ആളുകള്‍ക്ക് സമയപരിധിക്കുള്ളില്‍ കെവൈസി പൂര്‍ത്തിയാക്കാന്‍ സാധിച്ചേക്കില്ലെന്നാണ് കണക്കാക്കുന്നത്. ഇത് കൂടാതെ ഓണ്‍ലൈന്‍ രംഗത്ത് പ്രവര്‍ത്തിക്കുന്ന പത്ത് ലക്ഷത്തോളം ചെറിയ ബിസിനസ് സ്ഥാപനങ്ങളും സമയത്തിനുള്ളില്‍ രേഖകള്‍ സമര്‍പ്പിക്കാനാകാതെ പ്രതിസന്ധിയിലാകാന്‍ സാധ്യതയുണ്ട്.

APPLY NOW FOR THE LATEST VACANCIES

ഓണ്‍ലൈന്‍, ഓഫ്‌ലൈന്‍, ക്രോസ്- ബോര്‍ഡര്‍ (അതിര്‍ത്തി കടന്നുള്ള സേവനങ്ങള്‍) ഉള്‍പ്പെടെയുള്ള എല്ലാ വിഭാഗം വ്യാപാരികള്‍ക്കും ഈ നിയമം ബാധകമാണ്. എന്നാല്‍, കോടിക്കണക്കിന് വ്യാപാരികളുടെ കെവൈസി പൂര്‍ത്തിയാകാത്തതിനെക്കുറിച്ചോ സമയപരിധിക്ക് മുന്‍പ് ഇത് എങ്ങനെ തീര്‍പ്പാക്കുമെന്നതിനെക്കുറിച്ചോ പ്രമുഖ ഡിജിറ്റല്‍ പേയ്‌മെന്റ് ആപ്പുകളായ പേടിഎം , ഫോണ്‍പേ , ഗൂഗിള്‍ പേ എന്നിവ പ്രതികരിച്ചിട്ടില്ല.

2025 സെപ്റ്റംബറിലാണ് ആര്‍ബിഐ മാസ്റ്റര്‍ ഡയറക്ഷനുകള്‍ പുതുക്കി പരിഷ്‌കരിച്ച് പുറത്തിറക്കിയത്. പേയ്‌മെന്റ് അഗ്രിഗേറ്ററുകളെ പിഎ-ഓണ്‍ലൈന്‍, പിഎ-ഫിസിക്കല്‍, പിഎ-ക്രോസ് ബോര്‍ഡര്‍ എന്നിങ്ങനെ മൂന്ന് വിഭാഗങ്ങളായി തരംതിരിച്ചതും ഇതിലൂടെയാണ്. നിലവിലുള്ള എല്ലാ വ്യാപാരികളുടെയും പൂർണ്ണമായ റീ-കെവൈസി 2026 സെപ്റ്റംബര്‍ 15-നകം പൂര്‍ത്തിയാക്കണമെന്നും, അല്ലാത്തപക്ഷം അവരുടെ പണമിടപാടുകള്‍ നിര്‍ത്തിവെയ്ക്കണമെന്നുമാണ് കേന്ദ്രബാങ്കിന്റെ നിര്‍ദേശം. 2026 ജനുവരി 1 മുതല്‍ പുതുതായി ചേരുന്ന വ്യാപാരികള്‍ക്ക് പണം സ്വീകരിക്കുന്നതിന് മുന്‍പ് തന്നെ കെവൈസി നിര്‍ബന്ധമാക്കിയിരുന്നു.

എന്നാൽ സെപ്റ്റംബർ 15 മുതൽ രാജ്യത്തെ UPI തന്നെ നിർത്തലാക്കും എന്നല്ല. പ്രശ്നം പ്രധാനമായും KYC പൂർത്തിയാക്കാത്ത വ്യാപരികളുടെ പണം സ്വീകരിക്കുന്നത് സംബന്ധിച്ചാണ്. പേയ്മെന്റ് അഗ്രിഗേറ്റർമാർ സമയപരിധിക്ക് മുമ്പായി പരമാവധി വ്യാപാരികളുടെ പരിശോധന പൂർത്തിയാക്കാനുള്ള ശ്രമത്തിലാണ്.

വ്യവസായ മേഖലയിലെ വൃത്തങ്ങൾ നൽകുന്ന വിവരങ്ങൾ പ്രകാരം, സൗണ്ട്ബോക്സ് ഉപയോഗിക്കുന്ന വ്യാപാരികളിൽ 85–90 ശതമാനം വരെ കെവൈസി നടപടികൾ പൂർത്തിയാക്കാൻ സാധ്യതയുണ്ട്. എന്നാൽ സാധാരണ ക്യുആർ കോഡ് മാത്രം ഉപയോഗിക്കുന്ന ഏറ്റവും ചെറിയ വ്യാപാരികളിലാണ് കൂടുതൽ ആശങ്ക.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഒരു യാത്രാ ടിക്കറ്റ്… ജീവിതം മാറ്റിയ ഭാഗ്യം!ചെന്നൈയിൽ നിന്ന് അബുദാബിയിലേക്ക്; യാത്രയ്ക്കൊപ്പം കയറിയത് ഭാഗ്യവും, ‘ഗൾഫ് ടിക്കറ്റിന്’ ബംബർ സമ്മാനം!

UAE September 3, 2026

അബുദാബി∙ ബിഗ് ടിക്കറ്റിന്റെ ഓഗസ്റ്റിലെ അവസാന വാരാന്ത്യ ഇ-നറുക്കെടുപ്പിൽ ലക്ഷം ദിർഹത്തിന്റെ (ഏകദേശം 26 ലക്ഷത്തോളം ഇന്ത്യൻ രൂപ) സമ്മാനത്തുക പങ്കിട്ട് രണ്ട് ഇന്ത്യക്കാർ ഉൾപ്പെടെ നാല് പേർ. ഒന്നാം സമ്മാനമടക്കം അടിച്ച ഭാഗ്യശാലികളിൽ ഭൂരിഭാഗവും ഇന്ത്യക്കാരാകുന്ന പാരമ്പര്യം തുടരുമ്പോഴാണ് ഇത്തവണത്തെ വാരാന്ത്യ നറുക്കെടുപ്പിലും ഇന്ത്യൻ പ്രവാസികൾക്ക് നേട്ടമുണ്ടായിരിക്കുന്നത്.

APPLY NOW FOR THE LATEST VACANCIES

ഇന്ത്യയിൽ നിന്നും യുഎഇയിൽ നിന്നുമുള്ള പ്രവാസികളായ കാർത്തികേയൻ ദക്ഷിണാമൂർത്തി, ഭൂമേശ്വർ ചിന്തപാണ്ഡു എന്നിവരാണ് വിജയികളായ ഇന്ത്യക്കാർ. എമിറാത്തി പൗരനായ സയീദ് സലിം മുഹമ്മദ് അൽ കിന്ദി അൽ ഷംസി, യുഎഇയിൽ റിയൽ എസ്റ്റേറ്റ് മേഖലയിൽ ജോലി ചെയ്യുന്ന പാക്കിസ്ഥാൻ സ്വദേശി ഗുഫ്രാൻ ജാവേദ് എന്നിവരാണ് സമ്മാനം നേടിയ മറ്റു രണ്ടുപേർ. ഓരോരുത്തർക്കും ആറര ലക്ഷത്തോളം രൂപ( 25,000 ദിർഹം) വീതമാണ് ലഭിക്കുക.

ചെന്നൈയിൽ നിന്ന് ടിക്കറ്റെടുത്ത് ഭാഗ്യം പിടിച്ച് കാർത്തികേയൻ

ചെന്നൈ സ്വദേശിയായ കാർത്തികേയൻ ദക്ഷിണാമൂർത്തി (48) സ്വന്തമായി എടുത്ത ടിക്കറ്റിലാണ് ഭാഗ്യം കൈവരിച്ചത്. മുൻപ് ട്രാൻസിറ്റ് യാത്രകളിൽ അബുദാബി രാജ്യാന്തര വിമാനത്താവളത്തിലെ ബിഗ് ടിക്കറ്റ് കൗണ്ടറിൽ നിന്നാണ് അദ്ദേഹം ടിക്കറ്റുകൾ വാങ്ങിയിരുന്നത്. എന്നാൽ കഴിഞ്ഞ 16 മാസമായി ഇന്ത്യയിലിരുന്ന് ബിഗ് ടിക്കറ്റിന്റെ ഔദ്യോഗിക വെബ്‌സൈറ്റ് വഴിയാണ് അദ്ദേഹം ടിക്കറ്റുകൾ എടുത്തുവരികയായിരുന്നു.

വാരാന്ത്യ നറുക്കെടുപ്പുകളെക്കുറിച്ച് ധാരണയില്ലാത്തതിനാൽ ബിഗ് ടിക്കറ്റിൽ നിന്നുള്ള ഫോൺ കോൾ വന്നപ്പോൾ ആദ്യം വ്യാജ ഫോൺ കോളാണെന്ന് സംശയിച്ചതായി കാർത്തികേയൻ പറഞ്ഞു. പിന്നീട് വിജയിയാണെന്ന് ഉറപ്പായതോടെ വലിയ സന്തോഷം തോന്നി. ലഭിച്ച സമ്മാനത്തുക ഭാവിയിൽ നല്ല കാര്യങ്ങൾക്കായി ഉപയോഗിക്കാനാണ് അദ്ദേഹത്തിന്റെ തീരുമാനം. ഭൂമേശ്വർ ചിന്തപാണ്ഡുവും വെബ്‌സൈറ്റ് വഴി ഓൺലൈനായി എടുത്ത 404603 നമ്പർ ടിക്കറ്റിലാണ് സമ്മാനം സ്വന്തമാക്കിയത്.

യുഎഇയിൽ താമസിക്കുന്ന എമിറാത്തി പൗരനായ സയീദ് സാലിം മുഹമ്മദ് അൽ കിന്ദി അൽ ഷംസി താൻ എടുത്ത ബിഗ് ടിക്കറ്റിന് സമ്മാനം അടിച്ചെന്ന വിവരമറിഞ്ഞ് അദ്ഭുതപ്പെട്ടു. ഓഗസ്റ്റ് 27നാണ് 366239 എന്ന ടിക്കറ്റ് നമ്പർ അദ്ദേഹം ഓൺലൈനായി വാങ്ങിയത്. ലൈവ് നറുക്കെടുപ്പ് കോളിൽ അദ്ദേഹത്തിന് വേണ്ടി മകനാണ് റിചഡിനോട് സംസാരിച്ചത്.

രണ്ടാമത്തെ ശ്രമത്തിൽ ജേതാവായി ഗുഫ്രാൻ ജാവേദ്

കഴിഞ്ഞ 10 വർഷമായി കുടുംബത്തോടൊപ്പം ദുബായിൽ താമസിക്കുന്ന 33 വയസ്സുകാരനായ പാക്കിസ്ഥാനി റിയൽ എസ്റ്റേറ്റ് ബ്രോക്കറാണ് ഗുഫ്രാൻ. ബിഗ് ടിക്കറ്റിനെക്കുറിച്ച് വർഷങ്ങളായി അറിയാമെങ്കിലും യുട്യൂബിൽ ഇതിന്റെ തത്സമയ നറുക്കെടുപ്പുകൾ പതിവായി കാണാറുണ്ടായിരുന്നെങ്കിലും ഇതിനുമുമ്പ് ഒരേയൊരു തവണ മാത്രമാണ് അദ്ദേഹം ടിക്കറ്റെടുത്തിരുന്നത്. ആറ് സുഹൃത്തുക്കളടങ്ങുന്ന സംഘത്തോടൊപ്പം ചേർന്ന് ക്രമരഹിതമായി തിരഞ്ഞെടുത്ത തന്റെ രണ്ടാമത്തെ ടിക്കറ്റ് വാങ്ങലിലൂടെത്തന്നെ അദ്ദേഹത്തെ ഭാഗ്യം തുണച്ചു.

തുടക്കത്തിൽ സമ്മാനം ലഭിച്ച വിവരം അറിയിച്ചുകൊണ്ടുള്ള കോൾ ഗുഫ്രാന് അറ്റൻഡ് ചെയ്യാൻ സാധിച്ചിരുന്നില്ല. എന്നാൽ തൊട്ടുപിന്നാലെ ഇത് സ്ഥിരീകരിച്ച ഇമെയിൽ അദ്ദേഹത്തിന് ലഭിച്ചു. ഇമെയിൽ കണ്ട ഉടൻതന്നെ ഫലം വീണ്ടും ഉറപ്പുവരുത്താൻ താൻ യുട്യൂബ് പരിശോധിച്ചു. തങ്ങളുടെ ടീം തന്നെയാണ് ജയിച്ചതെന്ന് മനസ്സിലായപ്പോൾ അതിയായ സന്തോഷം തോന്നിയെന്നും ഗുഫ്രാൻ പറഞ്ഞു. ഇത് എന്റെ രണ്ടാമത്തെ ശ്രമം മാത്രമായിരുന്നതിനാൽ ഇങ്ങനെയൊരു വിജയം ഞാൻ ഒട്ടും പ്രതീക്ഷിച്ചിരുന്നില്ല. സമ്മാനത്തുക ഗുഫ്രാനും കൂട്ടുകാരും തമ്മിൽ വീതിച്ചെടുക്കും.

ബിഗ് ടിക്കറ്റിന്റെ ഔദ്യോഗിക വെബ്‌സൈറ്റ് വഴിയോ അബുദാബി, അൽ ഐൻ വിമാനത്താവളങ്ങളിലെയും ടൗൺ ചെക്ക്-ഇൻ കേന്ദ്രങ്ങളിലെയും കൗണ്ടറുകൾ വഴിയോ ടിക്കറ്റുകൾ സ്വന്തമാക്കാവുന്നതാണ്