Egyptian Expat Arrested Over Alleged Rape : കുവൈത്ത് സിറ്റി: താമസസ്ഥലത്ത് വെച്ച് ഫിലിപ്പീനി യുവതിയെ ബലാത്സംഗം ചെയ്യുകയും ശാരീരികമായി ഉപദ്രവിക്കുകയും ചെയ്തെന്ന പരാതിയിൽ ഈജിപ്ഷ്യൻ പ്രവാസിയെ അറസ്റ്റ് ചെയ്തു.ഗുരുതരമായ മാനസികാവസ്ഥയിൽ ഒരു സ്ത്രീ സൗത്ത് നുഗ്ര ക്ലിനിക്കിൽ എത്തിയതിനെത്തുടർന്ന് ക്ലിനിക് അധികൃതർ ഓപ്പറേഷൻസ് വിഭാഗത്തെ വിവരമറിയിക്കുകയായിരുന്നു. യുവതി ബലാത്സംഗത്തിനും ശാരീരിക പീഡനത്തിനും ഇരയായതായാണ് പരാതി ലഭിച്ചത്.
വിവരമറിഞ്ഞ ഉടൻ സുരക്ഷാ ഉദ്യോഗസ്ഥർ ക്ലിനിക്കിലെത്തി യുവതിയുടെ മൊഴി രേഖപ്പെടുത്തി. 1973-ൽ ജനിച്ച ഫിലിപ്പീനി പ്രവാസിയാണ് പരാതിക്കാരി. ഈജിപ്ഷ്യൻ പ്രവാസി താമസസ്ഥലത്ത് വെച്ച് തന്നെ ബലാത്സംഗം ചെയ്യുകയും മർദിക്കുകയും ചെയ്തതായി യുവതി ഉദ്യോഗസ്ഥരോട് പറഞ്ഞതായാണ് റിപ്പോർട്ട്.
തുടർന്ന് കൂടുതൽ പരിശോധനകൾക്കും ചികിത്സയ്ക്കുമായി ആംബുലൻസിൽ യുവതിയെ ആശുപത്രിയിലേക്ക് മാറ്റി. സംഭവത്തിൽ പ്രതിയായ ഈജിപ്ഷ്യൻ പ്രവാസിയെ അറസ്റ്റ് ചെയ്തതായാണ് റിപ്പോർട്ട്.
