India-Kuwait Celebrate 65 Years : കുവൈത്ത് സിറ്റി: ഇന്ത്യയും കുവൈത്തും തമ്മിലുള്ള നയതന്ത്ര ബന്ധത്തിന്റെ 65-ാം വാർഷികാഘോഷങ്ങളുടെ ഭാഗമായി കുവൈത്തിലെ ഇന്ത്യൻ എംബസി വൃക്ഷത്തൈ നടീൽ പരിപാടി സംഘടിപ്പിച്ചു. ശനിയാഴ്ച റാവ്ഡ പാർക്കിൽ നടന്ന പരിപാടി ‘ഏക് പെഡ് മാ കേ നാം’ എന്ന കാമ്പെയ്‌നിന്റെ ഭാഗമായിരുന്നു. ARMS4U-യുമായി സഹകരിച്ചാണ് പരിപാടി സംഘടിപ്പിച്ചത്.
പരിസ്ഥിതി സംരക്ഷണത്തിന് പ്രാധാന്യം നൽകുന്നതിനും കൂടുതൽ ഹരിതാഭവും സുസ്ഥിരവുമായ കുവൈത്ത് കെട്ടിപ്പടുക്കുന്നതിനുള്ള കൂട്ടായ പ്രവർത്തനങ്ങൾ പ്രോത്സാഹിപ്പിക്കുന്നതിനുമായിരുന്നു പരിപാടി.
കുവൈത്തിലെ വിശിഷ്ടാതിഥികൾ, വിവിധ രാജ്യങ്ങളിലെ റസിഡന്റ് അംബാസഡർമാർ, നയതന്ത്രജ്ഞർ, ഇന്ത്യൻ സമൂഹത്തിലെ അംഗങ്ങൾ, കുടുംബങ്ങൾ, കാർമൽ സ്കൂളിലെ വിദ്യാർഥികൾ ഉൾപ്പെടെയുള്ള കുട്ടികൾ എന്നിവർ പരിപാടിയിൽ പങ്കെടുത്തു.
പരിസ്ഥിതി സംരക്ഷണത്തിന്റെ സന്ദേശം ഉയർത്തിപ്പിടിച്ച പരിപാടി ഇന്ത്യയും കുവൈത്തും തമ്മിലുള്ള സൗഹൃദബന്ധം കൂടുതൽ ശക്തിപ്പെടുത്തുന്നതിനുള്ള അവസരമായും മാറി.
