Indian Bank to Open Representative Office in Dubai ദുബൈ: പശ്ചിമേഷ്യയിലെ വലിയ ഇന്ത്യൻ പ്രവാസി സമൂഹത്തെ ലക്ഷ്യമിട്ട് ദുബൈയിൽ പ്രതിനിധി ഓഫീസ് തുറക്കാൻ ഇന്ത്യൻ ബാങ്ക്. ഓഫീസ് ആരംഭിക്കുന്നതിന് ബാങ്കിന്റെ ഡയറക്ടർ ബോർഡ് അനുമതി നൽകിയതായി മാനേജിങ് ഡയറക്ടറും സി.ഇ.ഒയുമായ ബിനോദ് കുമാർ അറിയിച്ചു. ആവശ്യമായ മറ്റ് റെഗുലേറ്ററി അനുമതികൾ നേടുന്നതിനുള്ള നടപടികൾ പുരോഗമിക്കുകയാണെന്നും അദ്ദേഹം വ്യക്തമാക്കി.

APPLY NOW FOR THE LATEST VACANCIES

വിദേശ രാജ്യങ്ങളിലെ സാന്നിധ്യം വിപുലീകരിക്കുന്നതിന്റെ ഭാഗമായാണ് ദുബൈയിൽ ഓഫീസ് ആരംഭിക്കുന്നത്. നിലവിൽ സിംഗപ്പൂരിൽ ഫുൾ സർവീസ് ഇന്റർനാഷണൽ ബ്രാഞ്ചും ശ്രീലങ്കയിലെ കൊളംബോയിലും ജാഫ്‌നയിലും ശാഖകളും ഇന്ത്യൻ ബാങ്കിനുണ്ട്. ഗുജറാത്തിലെ ഗാന്ധിനഗർ ഗിഫ്റ്റ് സിറ്റിയിൽ ഐ.എഫ്.എസ്.സി ബാങ്കിങ് യൂണിറ്റും പ്രവർത്തിക്കുന്നുണ്ട്.

ഗിഫ്റ്റ് സിറ്റിയിലെ ഐ.എഫ്.എസ്.സി യൂണിറ്റിന് സിൻഡിക്കേറ്റഡ് വായ്പകൾ ഉൾപ്പെടെ മികച്ച ബിസിനസ് ലഭിക്കുന്നുണ്ടെന്ന് ബിനോദ് കുമാർ പറഞ്ഞു. ദുബൈയിൽ വലിയ ഇന്ത്യൻ പ്രവാസി സമൂഹം ഉള്ളതും പ്രതിനിധി ഓഫീസ് ആരംഭിക്കാനുള്ള പ്രധാന കാരണങ്ങളിലൊന്നാണെന്ന് അദ്ദേഹം ചൂണ്ടിക്കാട്ടി. ദുബൈയിലെ തൊഴിൽശക്തിയിൽ ഏകദേശം 33 ശതമാനം ഇന്ത്യക്കാരാണെന്നും അദ്ദേഹം വ്യക്തമാക്കി.

ദുബൈയ്ക്ക് പുറമെ മലേഷ്യയിലും ഇന്തോനേഷ്യയിലും ബാങ്കിന്റെ സാന്നിധ്യം ശക്തമാക്കുന്നതിനുള്ള സാധ്യതകളും ഇന്ത്യൻ ബാങ്ക് പരിശോധിക്കുന്നുണ്ട്. വിദേശ വിപണികളിലെ ബിസിനസ് സാധ്യതകൾ വിലയിരുത്തി കൂടുതൽ രാജ്യങ്ങളിലേക്ക് പ്രവർത്തനം വ്യാപിപ്പിക്കുകയാണ് ബാങ്കിന്റെ ലക്ഷ്യം.

രാജ്യത്തിനകത്തും ശൃംഖല വിപുലീകരിക്കുന്നതിനുള്ള നടപടികൾ ബാങ്ക് ശക്തമാക്കിയിട്ടുണ്ട്. 2026ൽ ഇന്ത്യയിൽ 100 പുതിയ ശാഖകൾ കൂടി തുറക്കാനാണ് പദ്ധതി. മധ്യ, പടിഞ്ഞാറൻ മേഖലകളിൽ സാന്നിധ്യം ശക്തമാക്കുന്നതിനാണ് പ്രധാനമായും ശ്രദ്ധ നൽകുന്നത്.

കഴിഞ്ഞ വർഷവും ബാങ്ക് രാജ്യത്ത് 100 പുതിയ ശാഖകൾ ആരംഭിച്ചിരുന്നു. ഓഗസ്റ്റ് 15ന് സ്ഥാപകദിനത്തോടനുബന്ധിച്ച് രാജ്യത്തിന്റെ വിവിധ ഭാഗങ്ങളിലായി 15 പുതിയ ശാഖകളും ഉദ്ഘാടനം ചെയ്തു. 2026 ജൂൺ 30 വരെയുള്ള കണക്കുകൾ പ്രകാരം ഇന്ത്യയിൽ ഇന്ത്യൻ ബാങ്കിന് 6,003 ശാഖകളുണ്ട്.

ബിസിനസ് വളർച്ചയ്ക്ക് ആവശ്യമായ ജീവനക്കാരെ ലഭ്യമാക്കുന്നതിനും വിരമിക്കുന്ന ജീവനക്കാരുടെ ഒഴിവുകൾ നികത്തുന്നതിനുമായി ഈ വർഷം ഏകദേശം 2,500 പേരെ പുതുതായി നിയമിക്കാനും ബാങ്ക് പദ്ധതിയിടുന്നു. നിയമനങ്ങളിൽ സ്‌പെഷ്യലിസ്റ്റ് ഓഫീസർമാരും ഉൾപ്പെടും.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

2020ൽ അലഹാബാദ് ബാങ്ക് ഇന്ത്യൻ ബാങ്കിൽ ലയിച്ചതിന് പിന്നാലെ കിഴക്കൻ ഇന്ത്യയിലും ഉത്തർപ്രദേശിലും ബാങ്കിന്റെ സാന്നിധ്യം കൂടുതൽ ശക്തമായിരുന്നു. ഇനി മധ്യ, പടിഞ്ഞാറൻ മേഖലകളിൽ ശാഖാ ശൃംഖല വിപുലീകരിക്കുന്നതിനാണ് ബാങ്ക് കൂടുതൽ പ്രാധാന്യം നൽകുന്നത്.

ദുബൈയിലെ പ്രതിനിധി ഓഫീസ് ആരംഭിക്കുന്നതിലൂടെ ഗൾഫ് മേഖലയിലെ ഇന്ത്യൻ പ്രവാസികൾക്കും ബിസിനസ് സമൂഹത്തിനും ബാങ്കിന്റെ അന്താരാഷ്ട്ര സാന്നിധ്യം കൂടുതൽ ശക്തമാക്കാൻ കഴിയുമെന്നാണ് പ്രതീക്ഷിക്കുന്നത്.

ഓർമകൾ മാഞ്ഞു, പ്രതീക്ഷകൾ ബാക്കി… ബത്ഹയിലെ വരാന്തയിൽ അവസാനിച്ച പ്രവാസം; ടിൻസൻ മടങ്ങുമ്പോൾ കണ്ണീരോടെ നാട്

UAE Nazia Staff Editor — September 8, 2026 · 1 Comment

റിയാദ്∙ ബഹുനിലകെട്ടിട വാരാന്തയിൽ കിടന്ന് മരിച്ച നിലയിൽ കണ്ടെത്തിയ പ്രവാസി മലയാളി യുവാവിന്റെ മൃതദേഹം തിങ്കളാഴ്ച ഇന്ന് രാവിലെ നാട്ടിലെത്തിച്ചു. തൃശൂർ ഒല്ലൂർ പുത്തൂർ ആവണിശ്ശേരിൽ ടിൻസൻ തോമസി(38) നെ ഈ മാസം 22 നായിരുന്നു മരിച്ച നിലയിൽ കണ്ടെത്തിയത്.

https://47ae00a1d5f8668a391973c4e2a07e70.safeframe.googlesyndication.com/safeframe/1-0-45/html/container.html

കഴിഞ്ഞ മേയ് 18 ന് തലയ്ക്ക് പരുക്കേറ്റ് അബോധവസ്ഥയിൽ ടിൻസനെ റിയാദിലെ സ്വകാര്യ ആശുപത്രിയിൽ നിന്നും വിദഗ്ധ ചികിത്സയ്ക്കായി ഷുമൈസി കിങ്സൌദ് മെഡിക്കൽ സിറ്റി ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചിരുന്നു. ആരോഗ്യനില മെച്ചപ്പെട്ടതോടെ വാർഡിലേക്ക് മാറ്റിയിരുന്നു. എന്നാൽ ഓർമശക്തി പൂർണമായും വീണ്ടെടുക്കുന്നതിന് മുൻപ് ആശുപത്രിയിൽ നിന്നും ഇറങ്ങിപ്പോവുകയായിരുന്നു.

APPLY NOW FOR THE LATEST VACANCIES

ആശുപത്രിയിൽ നിന്നും കാണാതായ യുവാവിനെ തിരക്കി ഷുമൈസി കെഎംസിസി നേതാവ് ഷംസു പൊന്നാനി, സാമൂഹിക പ്രവർത്തകൻ സാലി എം. ആലുവ എന്നിവർ നടത്തിയ ദിവസങ്ങളോളം നടത്തിയ തിരച്ചിലിൽ റിയാദിലെ ഒരു പാർക്കിൽ നിന്നും കണ്ടെത്തുകയായിരുന്നു. അഞ്ചുവർഷം മുൻപ് സൗദിയിലെത്തിയ ടിൻസൻ രണ്ട് വർഷം മുൻപ് വരെയും റിയാദ് എക്സിറ്റ്17 ലുള്ള ഒരു ടയർ കടയിൽ ജോലിചെയ്യുന്നുണ്ടായിരുന്നു. ഇഖാമ കാലവധി കഴിയുകയും നിലവിൽ ജോലിയില്ലാത്തതും കൈവശം പണമില്ലാത്തിനാലും നാട്ടിലേക്ക് മടങ്ങാൻ കഴിയാത്തതിന്റെ മാനസിക വിഷമത്തിലായിരുന്നതായും ടിൻസൻ സാമൂഹികപ്രവർത്തകരോട് സൂചിപ്പിച്ചിരുന്നു.

തുടർന്ന് റിയാദിലെ സാമൂഹികപ്രവർത്തകർ താമസവും മറ്റു സൗകര്യങ്ങളും ഒരുക്കി നൽകി. കൈവശം രേഖകളൊന്നുമില്ലാത്തതിനാലുള്ള നിയമപ്രശ്നങ്ങൾ പരിഹരിച്ച് നാട്ടിലേക്ക് മടക്കി അയക്കാനുള്ള ശ്രമങ്ങളും ആരംഭിച്ചിരുന്നു. അതിനിടെ യുവാവിനെ താമസസ്ഥലത്തു നിന്നും വീണ്ടും കാണാതാവുകയും കഴിഞ്ഞ മൂന്നുമാസത്തോളമായി ആരോടും സഹകരണമില്ലാതെ ബത്ഹയിലും പരിസരങ്ങളിലും അലഞ്ഞു തിരിയുകയായിരുന്നു. വീട്ടുകാരും ഇയാളുടെ തിരികെ വരവ് പ്രതീക്ഷിച്ചിരിക്കുകയായിരുന്നു.

പാസ്പോർട്ടോ മറ്റ് ഔദ്യോഗിക രേഖകളോ ഇല്ലാത്തതിനാൽ മൃതദേഹം നാട്ടിലേക്ക് എത്തിക്കുന്നതിനുള്ള നിയമനടപടികളും ഏറെ സങ്കീർണമായിരുന്നു. ടിൻസന്റെ കുടുംബം ചുമതലപ്പെടുത്തിയതിനെ തുടർന്ന് റിയാദ് ഇന്ത്യൻ എംബസി കമ്യൂണിറ്റി വെൽഫെയർ വളന്റിയറും റിയാദ് കെഎംസിസി സെൻട്രൽ കമ്മിറ്റി വെൽഫെയർവിങ് ചെയർമാനുമായ റഫീഖ് പുല്ലൂര് എംബസിയിലും ജവാസത്തിലും നടത്തിയ പരിശ്രമങ്ങൾക്കൊടുവിൽ യാത്രാ രേഖകൾ ശരിയാക്കി.

റിയാദ് ഇന്ത്യൻ എംബസി വെൽഫെയർഫണ്ടിലൂടെയാണ് മൃതദേഹം നാട്ടിലെത്തിക്കുന്നതിനുള്ള വിമാനടിക്കറ്റടക്കമുള്ള ചെലവുകൾ വഹിക്കുന്നത്. റിയാസ് ചിങ്ങത്ത്, സാലി ആലുവ, നസീർ കണ്ണീരി, ജുനൈദ് ഓമച്ചപുഴ എന്നിവരും വിവിധ സഹായങ്ങളുമായി ഒപ്പമുണ്ടായിരുന്നു. ലീന, പരേതനായ പാലയ്ക്കൽ തോമസ് എന്നിവരാണ് മാതാപിതാക്കൾ. സഹോദരി ടീന ബിജു. തിങ്കളാഴ്ച വൈകുന്നേരം 5ന് ഒല്ലൂർ സെന്റ് ആൻറണീസ് ഫെറോന പള്ളി സെമിത്തേരിയിൽ സംസ്കരിക്കും.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

കൊച്ചി-അബുദബി എയർ ഇന്ത്യ എക്സ്പ്രസ് വിമാനം അടിയന്തരമായി കൊച്ചിയിൽ തിരിച്ചിറക്കി;കാരണം

UAE September 7, 2026

ദുബൈ: കൊച്ചിയിൽ നിന്ന് അബുദബിയിലേക്ക് പറന്നുയർന്ന എയർ ഇന്ത്യ എക്സ്പ്രസ് വിമാനം എഞ്ചിനിലെ എണ്ണയുടെ അളവ് പെട്ടെന്ന് കുറഞ്ഞതിനെ തുടർന്ന് അടിയന്തരമായി കൊച്ചി അന്താരാഷ്ട്ര വിമാനത്താവളത്തിൽ തിരിച്ചിറക്കി. പറന്നുയർന്ന് 50 മിനിറ്റുകൾക്ക് ശേഷം ഏകദേശം 36,000 അടി ഉയരത്തിൽ വെച്ചാണ് ഒന്നാം നമ്പർ എഞ്ചിനിൽ ഓയിൽ ലെവൽ താഴുന്നത് പൈലറ്റുമാരുടെ ശ്രദ്ധയിൽപ്പെട്ടത്.

APPLY NOW FOR THE LATEST VACANCIES

സാഹചര്യം വിലയിരുത്തിയ ജീവനക്കാർ യാത്ര തുടരുന്നത് ഒഴിവാക്കി കൊച്ചിയിലേക്ക് തന്നെ മടങ്ങാൻ തീരുമാനിക്കുകയായിരുന്നു. കൊച്ചിയിലേക്കുള്ള മടക്കയാത്രയ്ക്കിടെ എഞ്ചിനിലെ ഓയിൽ പ്രഷർ അപകടകരമായ ‘റെഡ് സോണിലേക്ക്’ താഴ്ന്നതോടെ, നിർദ്ദിഷ്ട സുരക്ഷാ മാനദണ്ഡങ്ങൾ പാലിച്ച് പൈലറ്റുമാർ ഒന്നാം നമ്പർ എഞ്ചിൻ പൂർണ്ണമായും ഷട്ട്ഡൗൺ ചെയ്തു.

തുടർന്ന് ബോയിംഗ് 737 വിമാനം ഒറ്റ എഞ്ചിൻ ഉപയോഗിച്ച് കൊച്ചി വിമാനത്താവളത്തിൽ സുരക്ഷിതമായി ലാൻഡ് ചെയ്യുകയായിരുന്നു. സംഭവത്തിൽ യാത്രക്കാർക്കോ ജീവനക്കാർക്കോ പരുക്കുകളൊന്നുമില്ല.

രാജ്യത്ത് വാണിജ്യ വിമാനങ്ങളിലെ സാങ്കേതിക തകരാറുകളുമായി ബന്ധപ്പെട്ട് വ്യോമയാന സുരക്ഷാ പരിശോധനകൾ കർശനമാക്കിയിരിക്കുന്ന സാഹചര്യത്തിലാണ് ഈ സംഭവം. ദിവസങ്ങൾക്ക് മുൻപ് എയർ ഇന്ത്യയുടെ ഫുക്കറ്റ്-ഡൽഹി വിമാനത്തിലുണ്ടായ സാങ്കേതിക തകരാറിനെക്കുറിച്ച് എയർക്രാഫ്റ്റ് ആക്‌സിഡന്റ് ഇൻവെസ്റ്റിഗേഷൻ ബ്യൂറോ (AAIB) അന്വേഷണം നടത്തുകയും എയർബസ് സാങ്കേതിക വിദഗ്ധർ പരിശോധന നടത്തുകയും ചെയ്തിരുന്നു.

വിമാനങ്ങളുടെ അറ്റകുറ്റപ്പണികളും സുരക്ഷാ മേൽനോട്ടവും സംബന്ധിച്ച് ഈ സംഭവം വീണ്ടും ചർച്ചകൾക്ക് വഴിവെച്ചിട്ടുണ്ട്. സംഭവത്തെക്കുറിച്ച് എയർ ഇന്ത്യ എക്സ്പ്രസിന്റെയും വ്യോമയാന ഡയറക്ടറേറ്റിന്റെയും (DGCA) ഔദ്യോഗിക വിശദീകരണം ലഭ്യമാകേണ്ടതുണ്ട്.