
Kuwait-Based Kozhikode Expatriate Passes Away ഹിമാചൽ പ്രദേശ് സന്ദർശനത്തിനിടെ കുവൈത്തിൽ ജോലി ചെയ്തിരുന്ന കോഴിക്കോട് സ്വദേശി നിര്യാതനായി. കുറ്റിച്ചിറ സ്വദേശിയായ പയനിങ്ങൽ ഒമർ ഫായിസ് (38) ആണ് മരിച്ചത്. ബിസിനസ് ഡെവലപ്മെന്റ് മാനേജറായി കുവൈത്തിൽ ജോലി ചെയ്തുവരികയായിരുന്നു. ദിവസങ്ങൾക്കു മുമ്പാണ് അദ്ദേഹം ഹിമാചൽ പ്രദേശിലേക്ക് യാത്ര തിരിച്ചത്
വർഷങ്ങളായി കുവൈത്തിൽ താമസിച്ചുവരികയായിരുന്ന ഒമർ ഫായിസും കുടുംബവും ഖൈത്താനിലായിരുന്നു താമസം. പ്രവാസി മലയാളിയുടെ അപ്രതീക്ഷിത വിയോഗം കുടുംബാംഗങ്ങളെയും സുഹൃത്തുക്കളെയും ദുഃഖത്തിലാഴ്ത്തി.
ഭാര്യ നഫ്ല. മക്കൾ: ഐദീൻ ഒമർ ഫായിസ്, എസിൽ ഒമർ ഫായിസ്. മരണകാരണം സംബന്ധിച്ച കൂടുതൽ വിവരങ്ങൾ റിപ്പോർട്ടിൽ വ്യക്തമാക്കിയിട്ടില്ല.





