Dubai Police Warn Motorists ദുബായ്: വാഹന രജിസ്ട്രേഷൻ കാലാവധി കഴിഞ്ഞിട്ടും പുതുക്കാതെ നിരത്തിലിറങ്ങുന്നവർക്കെതിരെ മുന്നറിയിപ്പുമായി ദുബായ് പൊലീസ്. 2026ലെ ആദ്യ പത്ത് മാസത്തിനിടെ ഇത്തരത്തിൽ 48,950 ട്രാഫിക് നിയമലംഘനങ്ങളാണ് പൊലീസ് രേഖപ്പെടുത്തിയത്. വാഹനങ്ങളുടെ രജിസ്ട്രേഷൻ കൃത്യസമയത്ത് പുതുക്കണമെന്നും ആവശ്യമായ സാങ്കേതിക പരിശോധനകൾ പൂർത്തിയാക്കണമെന്നും അധികൃതർ നിർദേശിച്ചു.

ദുബായ് പൊലീസിലെ ജനറൽ ഡിപ്പാർട്ട്‌മെന്റ് ഓഫ് ട്രാഫിക് ഡയറക്ടർ ബ്രിഗേഡിയർ ജുമാ സാലിം ബിൻ സുവൈദാൻ ആണ് വാഹന ഉടമകൾക്ക് മുന്നറിയിപ്പ് നൽകിയത്. രജിസ്ട്രേഷൻ പുതുക്കാതെ വാഹനം ഉപയോഗിക്കുന്നത് നിയമലംഘനം മാത്രമല്ല, ഡ്രൈവറുടെയും മറ്റ് റോഡ് ഉപയോക്താക്കളുടെയും സുരക്ഷയ്ക്ക് ഭീഷണിയാണെന്നും അദ്ദേഹം വ്യക്തമാക്കി.

500 ദിർഹം പിഴയും നാല് ബ്ലാക്ക് പോയിന്റും

കാലാവധി കഴിഞ്ഞ രജിസ്ട്രേഷനുമായി വാഹനം ഓടിച്ചാൽ 500 ദിർഹം പിഴയും നാല് ബ്ലാക്ക് പോയിന്റും ലഭിക്കും. കൂടാതെ വാഹനം ഏഴ് ദിവസത്തേക്ക് പിടിച്ചെടുക്കുകയും ചെയ്യും.

രജിസ്ട്രേഷൻ പുതുക്കുന്നതിനുള്ള പരിശോധനകൾ വാഹനത്തിന്റെ സുരക്ഷ ഉറപ്പാക്കുന്നതിൽ നിർണായകമാണ്. ടയറുകൾ, ബ്രേക്കുകൾ, ലൈറ്റുകൾ, സ്റ്റിയറിങ് സംവിധാനം തുടങ്ങിയ പ്രധാന ഘടകങ്ങളിലെ തകരാറുകൾ കണ്ടെത്താൻ സാങ്കേതിക പരിശോധന സഹായിക്കും. പരിശോധനകൾ ഒഴിവാക്കി വാഹനം ഉപയോഗിക്കുന്നത് അപ്രതീക്ഷിത തകരാറുകൾക്കും അപകടങ്ങൾക്കും കാരണമാകാമെന്നും പൊലീസ് മുന്നറിയിപ്പ് നൽകി.

വാഹനത്തിന്റെ ഇൻഷുറൻസ് കാലാവധിയും കഴിഞ്ഞിട്ടുണ്ടെങ്കിൽ അപകടത്തിൽപ്പെടുന്ന സാഹചര്യത്തിൽ കൂടുതൽ സാമ്പത്തികവും നിയമപരവുമായ ബാധ്യതകൾ നേരിടേണ്ടിവരും.

ജനുവരിയിൽ ഏറ്റവും കൂടുതൽ നിയമലംഘനങ്ങൾ

2026ലെ ആദ്യ പത്ത് മാസത്തെ കണക്കുകൾ പ്രകാരം ജനുവരിയിലാണ് ഏറ്റവും കൂടുതൽ നിയമലംഘനങ്ങൾ രേഖപ്പെടുത്തിയത്. 6,977 കേസുകളാണ് ഈ മാസം റിപ്പോർട്ട് ചെയ്തത്. ഫെബ്രുവരിയിൽ 6,768ഉം മാർച്ചിൽ 6,573ഉം കേസുകൾ രേഖപ്പെടുത്തി.

മറ്റ് മാസങ്ങളിലെ കണക്കുകൾ:

രജിസ്ട്രേഷൻ പുതുക്കാൻ നിർദേശം

വാഹനങ്ങളുടെ രജിസ്ട്രേഷൻ, ഇൻഷുറൻസ് എന്നിവയുടെ കാലാവധി വാഹന ഉടമകൾ കൃത്യമായി പരിശോധിക്കണമെന്ന് പൊലീസ് നിർദേശിച്ചു. ആവശ്യമായ സാങ്കേതിക പരിശോധനകൾ സമയബന്ധിതമായി പൂർത്തിയാക്കി വാഹനങ്ങൾ റോഡിൽ ഉപയോഗിക്കാൻ സുരക്ഷിതമാണെന്ന് ഉറപ്പാക്കണം.

ട്രാഫിക് പിഴകൾ കെട്ടിക്കിടക്കാൻ അനുവദിക്കാതെ സമയബന്ധിതമായി അടയ്ക്കണമെന്നും അധികൃതർ ആവശ്യപ്പെട്ടു. ദുബായ് പൊലീസിന്റെയും മറ്റ് ബന്ധപ്പെട്ട സർക്കാർ വകുപ്പുകളുടെയും സ്മാർട്ട് സേവനങ്ങൾ വഴി പിഴകൾ പരിശോധിക്കാനും അടയ്ക്കാനും വാഹന രജിസ്ട്രേഷൻ പുതുക്കുന്നതിനുള്ള നടപടികൾ പൂർത്തിയാക്കാനും സൗകര്യമുണ്ട്.

നിയമനടപടികൾ ഒഴിവാക്കുന്നതിനൊപ്പം അപകടസാധ്യത കുറയ്ക്കാനും വാഹനങ്ങളുടെ സുരക്ഷ ഉറപ്പാക്കാനും രജിസ്ട്രേഷൻ കൃത്യസമയത്ത് പുതുക്കേണ്ടത് അനിവാര്യമാണെന്ന് പൊലീസ് വ്യക്തമാക്കി.

യുഎഇയിലെ വാർത്തകളും പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ