Qatar’s Temperature in September: What to Expect ദോഹ: സെപ്റ്റംബർ മാസത്തിൽ ഖത്തറിലെ കാലാവസ്ഥ ക്രമേണ മിതമായ നിലയിലേക്ക് മാറുമെന്ന് ഖത്തർ കാലാവസ്ഥാ വകുപ്പ് (QMD) അറിയിച്ചു. അന്തരീക്ഷത്തിലെ ഈർപ്പം വർധിക്കുന്നതിനൊപ്പം ചില സമയങ്ങളിൽ ഇടിമിന്നലോടുകൂടിയ മഴയ്ക്കും സാധ്യതയുണ്ട്.

ദോഹയിലെ കാലാവസ്ഥാ വിവരങ്ങൾ പ്രകാരം, വേനൽക്കാലത്തിനും ശീതകാലത്തിനുമിടയിലെ പരിവർത്തന കാലഘട്ടമായാണ് സെപ്റ്റംബറിനെ കണക്കാക്കുന്നത്. ശരത്കാലത്തിന്റെ ആദ്യ മാസവുമാണിത്.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

മാസത്തിൽ മേഘാവരണം വർധിക്കാൻ സാധ്യതയുണ്ടെന്നും പ്രത്യേകിച്ച് ഉച്ചയ്ക്ക് ശേഷം മഴയ്ക്ക് സാധ്യത കൂടുതലാണെന്നും QMD വ്യക്തമാക്കി. കാറ്റ് പ്രധാനമായും കിഴക്കൻ ദിശയിൽ നിന്ന് വീശും. കാറ്റിന്റെ വേഗത നേരിയതുമുതൽ മിതമായതുവരെയായിരിക്കും.

സെപ്റ്റംബറിൽ ദോഹയിലെ ശരാശരി പ്രതിദിന താപനില 33.1 ഡിഗ്രി സെൽഷ്യസ് ആണ്. കാലാവസ്ഥാ രേഖകൾ പ്രകാരം സെപ്റ്റംബറിൽ രേഖപ്പെടുത്തിയ ഏറ്റവും ഉയർന്ന താപനില 46.2 ഡിഗ്രി സെൽഷ്യസ് ആയിരുന്നു. 2001ലാണ് ഈ താപനില രേഖപ്പെടുത്തിയത്. ഏറ്റവും കുറഞ്ഞ താപനില 20.3 ഡിഗ്രി സെൽഷ്യസ് ആയിരുന്നു; 1964ലാണ് ഇത് രേഖപ്പെടുത്തിയത്.

Local Date Purchasing Season Begins in Qatarകർഷകർക്ക് കരുത്തായി ഖത്തർ; പ്രാദേശിക ഈന്തപ്പഴ സംഭരണം ആരംഭിച്ചു

Qatar Drisya Staff Editor — August 31, 2026 · 0 Comment

Local Date Purchasing Season Begins in Qatar ദോഹ: ഖത്തർ മുനിസിപ്പാലിറ്റി മന്ത്രാലയത്തിന് കീഴിലെ കാർഷികകാര്യ വകുപ്പ് 2026ലെ പ്രാദേശിക ഈന്തപ്പഴ സംഭരണ സീസൺ ആരംഭിച്ചു. സെപ്റ്റംബർ 17, 2026 വരെ സംഭരണ സീസൺ തുടരും.

പ്രാദേശിക കർഷകർക്ക് പിന്തുണ നൽകുക, രാജ്യത്തെ ഈന്തപ്പഴ ഉൽപാദനം പ്രോത്സാഹിപ്പിക്കുക, ഭക്ഷ്യസുരക്ഷ കൂടുതൽ ശക്തിപ്പെടുത്തുക എന്നിവ ലക്ഷ്യമിട്ടാണ് പദ്ധതി നടപ്പാക്കുന്നതെന്ന് മന്ത്രാലയം സോഷ്യൽ മീഡിയയിലൂടെ അറിയിച്ചു.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

പ്രാദേശിക കാർഷിക ഉൽപന്നങ്ങളുടെ വിപണി ശക്തിപ്പെടുത്തുന്നതിനും കർഷകരുടെ ഉൽപാദനത്തിന് കൂടുതൽ പിന്തുണ നൽകുന്നതിനുമുള്ള മന്ത്രാലയത്തിന്റെ തുടർച്ചയായ പ്രവർത്തനങ്ങളുടെ ഭാഗമായാണ് ഈന്തപ്പഴ സംഭരണ സീസൺ സംഘടിപ്പിക്കുന്നത്.

Three European Nationals Arrested in Qatar ഖത്തറിൽ ലൈസൻസില്ലാതെ സൗന്ദര്യ വർധക സേവനങ്ങൾ; മൂന്ന് യൂറോപ്യൻ പൗരന്മാർ അറസ്റ്റിൽ

Qatar Drisya Staff Editor — August 31, 2026 · 0 Comment

Three European Nationals Arrested in Qatar ദോഹ: ആവശ്യമായ ലൈസൻസുകളില്ലാതെ മെഡിക്കൽ, സൗന്ദര്യവർധക സേവനങ്ങൾ നടത്തിയ മൂന്ന് യൂറോപ്യൻ പൗരന്മാരെ ഖത്തറിൽ അറസ്റ്റ് ചെയ്തു. ആഭ്യന്തര മന്ത്രാലയത്തിലെ ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷനു കീഴിലുള്ള ക്രിമിനൽ ഇൻവെസ്റ്റിഗേഷൻ വിഭാഗം, പൊതുജനാരോഗ്യ മന്ത്രാലയത്തിലെ ബന്ധപ്പെട്ട വിഭാഗങ്ങളുമായി സഹകരിച്ചാണ് നടപടി സ്വീകരിച്ചത്.

ലൈസൻസില്ലാത്ത സ്ഥാപനത്തിൽ മെഡിക്കൽ, സൗന്ദര്യവർധക സേവനങ്ങൾ നടത്തുന്നതായി ലഭിച്ച വിവരത്തിന്റെ അടിസ്ഥാനത്തിലാണ് അന്വേഷണം ആരംഭിച്ചത്. വിവരങ്ങൾ പരിശോധിച്ച് സ്ഥിരീകരിക്കുകയും പബ്ലിക് പ്രോസിക്യൂഷന്റെ ആവശ്യമായ അനുമതി നേടുകയും ചെയ്ത ശേഷമാണ് പ്രതികളെ സേവനങ്ങൾ നടത്തുന്നതിനിടെ പിടികൂടിയതെന്ന് ആഭ്യന്തര മന്ത്രാലയം അറിയിച്ചു.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

ചോദ്യം ചെയ്യലിനിടെ പ്രതികൾ തങ്ങൾക്കെതിരായ കുറ്റങ്ങൾ സമ്മതിച്ചതായും മന്ത്രാലയം വ്യക്തമാക്കി. തുടർന്ന് നടത്തിയ പരിശോധനയിലും പിടിച്ചെടുക്കൽ നടപടിയിലും ഇത്തരം സേവനങ്ങൾ നടത്താൻ ഉപയോഗിച്ച നിരവധി ഉപകരണങ്ങൾ, സാമഗ്രികൾ, മെഡിക്കൽ ഉൽപ്പന്നങ്ങൾ എന്നിവ കണ്ടെത്തി. അറസ്റ്റിലായവരെയും പിടിച്ചെടുത്ത വസ്തുക്കളെയും തുടർ നിയമനടപടികൾക്കായി ബന്ധപ്പെട്ട പബ്ലിക് പ്രോസിക്യൂഷന് കൈമാറിയിട്ടുണ്ട്.

അനുമതിയില്ലാത്ത സ്ഥാപനങ്ങളുമായോ വ്യക്തികളുമായോ ഇടപഴകുന്നത് ഒഴിവാക്കുന്നതിനും പൊതുജനങ്ങളുടെ സുരക്ഷ ഉറപ്പാക്കുന്നതിനുമായി മെഡിക്കൽ, സൗന്ദര്യവർധക സേവനങ്ങൾ സംബന്ധിച്ച പരസ്യങ്ങൾ കാണുമ്പോൾ ജാഗ്രത പാലിക്കണമെന്ന് ആഭ്യന്തര മന്ത്രാലയവും പൊതുജനാരോഗ്യ മന്ത്രാലയവും പൊതുജനങ്ങളോട് അഭ്യർഥിച്ചു.

സ്വകാര്യ മെഡിക്കൽ സ്ഥാപനങ്ങൾക്കും ക്ലിനിക്കുകൾക്കും ആവശ്യമായ ലൈസൻസ് ഉണ്ടോയെന്നും അവിടെ ജോലി ചെയ്യുന്ന ആരോഗ്യപ്രവർത്തകർക്ക് ബന്ധപ്പെട്ട അധികൃതരിൽനിന്ന് ആവശ്യമായ അനുമതികൾ ലഭിച്ചിട്ടുണ്ടോയെന്നും ഉറപ്പാക്കിയ ശേഷം മാത്രമേ ഇത്തരം സേവനങ്ങൾ സ്വീകരിക്കാവൂ എന്നും മന്ത്രാലയങ്ങൾ മുന്നറിയിപ്പ് നൽകി.

Qatar Education Ministry Welcomes Students with Gift Packages കുട്ടികളുടെ ഭയവും ആശങ്കയും അകറ്റാൻ പദ്ധതിയുമായി ഖത്തർ വിദ്യാഭ്യാസ മന്ത്രാലയം

Qatar Drisya Staff Editor — August 31, 2026 · 0 Comment

Qatar Education Ministry Welcomes Students with Gift Packages ദോഹ: പുതിയ അധ്യയന വർഷത്തിൽ ഒന്നാം ക്ലാസിൽ പ്രവേശനം നേടിയ വിദ്യാർഥികൾക്ക് സമ്മാനപ്പൊതികളുമായി ഖത്തർ വിദ്യാഭ്യാസ മന്ത്രാലയം. ആദ്യമായി സ്കൂളിലെത്തുന്ന കുട്ടികളുടെ ഭയവും ആശങ്കയും മാറ്റി സന്തോഷകരമായ പഠനാന്തരീക്ഷം ഒരുക്കുക, ആത്മവിശ്വാസവും പഠനത്തോടുള്ള താൽപര്യവും വളർത്തുക എന്നിവ ലക്ഷ്യമിട്ടാണ് സമ്മാനങ്ങളും പഠനോപകരണങ്ങളും അടങ്ങിയ കിറ്റുകൾ വിതരണം ചെയ്തത്.

മന്ത്രാലയത്തിന്റെ ‘ഫസ്റ്റ് സ്റ്റെപ്പ്’ പദ്ധതിയുടെ ഭാഗമായി രാജ്യത്തെ 103 സർക്കാർ പ്രൈമറി സ്കൂളുകളിലെ ഏകദേശം 10,700 ഒന്നാം ക്ലാസ് വിദ്യാർഥികൾക്കാണ് സമ്മാനപ്പൊതികൾ നൽകിയത്. ‘റഫീഖ്’ കമ്പനിയുമായി സഹകരിച്ച് സംഘടിപ്പിച്ച ‘ബാക്ക് ടു സ്കൂൾ’ ക്യാംപയിന്റെ ഭാഗമായാണ് പദ്ധതി നടപ്പാക്കിയത്.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

പദ്ധതിയുടെ ഉദ്ഘാടനത്തോടനുബന്ധിച്ച് വിദ്യാഭ്യാസ, ഉന്നത വിദ്യാഭ്യാസ മന്ത്രാലയം അണ്ടർസെക്രട്ടറി ഡോ. ഇബ്രാഹിം ബിൻ സാലിഹ് അൽ നുഐമി അൽ റഷാദ് മോഡൽ സ്കൂൾ ഫോർ ബോയ്സും അൽ ബയാൻ ഫസ്റ്റ് പ്രൈമറി സ്കൂൾ ഫോർ ഗേൾസും സന്ദർശിച്ചു.

പുതിയ അധ്യയന വർഷത്തിലേക്ക് പ്രവേശിച്ച കുട്ടികളെ അദ്ദേഹം നേരിട്ട് സ്വീകരിക്കുകയും സമ്മാനപ്പൊതികൾ കൈമാറുകയും ചെയ്തു. ക്ലാസ് മുറികളിലെത്തിയ അദ്ദേഹം വിദ്യാർഥികളുമായി സമയം ചെലവഴിക്കുകയും അവരുടെ ആദ്യ സ്കൂൾ ദിനം കൂടുതൽ സന്തോഷകരമാക്കുകയും ചെയ്തു.

സ്കൂളിലെ ആദ്യ ദിനം കുട്ടികൾക്ക് അവിസ്മരണീയമായ അനുഭവമാക്കുന്നതിനും പഠനത്തിലേക്കുള്ള അവരുടെ ആദ്യ ചുവടുകൾ ആത്മവിശ്വാസത്തോടെ ആരംഭിക്കാൻ സഹായിക്കുന്നതിനുമാണ് പദ്ധതിയിലൂടെ ലക്ഷ്യമിടുന്നത്.

Now Send Money from Qatar to India via UPI ഖത്തറിൽ നിന്ന് ഇന്ത്യയിലേക്ക് യുപിഐ വഴി പണമയക്കാം; എങ്ങനെയെന്ന് അറിയാം

Qatar Drisya Staff Editor — August 31, 2026 · 1 Comment

Now Send Money from Qatar to India via UPI ദോഹ: ഖത്തറിൽ കഴിയുന്ന ഇന്ത്യൻ പ്രവാസികൾക്ക് നാട്ടിലെ ബാങ്ക് അക്കൗണ്ടുകളിലേക്ക് ഇനി യുപിഐ വഴി നേരിട്ട് പണമയക്കാം. ഇന്ത്യ പോസ്റ്റ്, ഖത്തർ പോസ്റ്റ്, യൂണിവേഴ്സൽ പോസ്റ്റൽ യൂണിയൻ (UPU), നാഷണൽ പേയ്‌മെന്റ്സ് കോർപ്പറേഷൻ ഓഫ് ഇന്ത്യ (NPCI), NPCI ഇന്റർനാഷണൽ പേയ്മെന്റ്സ് ലിമിറ്റഡ് (NIPL) എന്നിവയുടെ സഹകരണത്തോടെയാണ് ‘PosTransfer powered by UPI’ സേവനം ആരംഭിച്ചത്.

പ്രത്യേകിച്ച് ചെറുകിട വരുമാനക്കാരായ പ്രവാസികൾക്കും തൊഴിലാളികൾക്കും കുറഞ്ഞ ചെലവിൽ വേഗത്തിൽ നാട്ടിലേക്ക് പണം അയക്കാൻ പുതിയ സംവിധാനം സഹായകമാകും. ഇന്ത്യയിലെ ഗുണഭോക്താവിന്റെ ബാങ്ക് അക്കൗണ്ട് നമ്പറോ IFSC കോഡോ നൽകേണ്ടതില്ലെന്നതാണ് പ്രധാന പ്രത്യേകത. ബാങ്ക് അക്കൗണ്ടുമായി ബന്ധിപ്പിച്ച UPI ID മാത്രം ഉപയോഗിച്ച് പണം അയക്കാം.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക