Qatar Rail to Temporarily Close two stations ദോഹ: വതൻ എക്സർസൈസ് 2026ന്റെ ഭാഗമായി ദോഹ മെട്രോ ഗോൾഡ് ലൈനിലെ രണ്ട് സ്റ്റേഷനുകൾ താൽക്കാലികമായി അടച്ചിടുമെന്ന് ഖത്തർ റെയിൽ അറിയിച്ചു. അൽ അസീസിയ, അൽ സുഡാൻ സ്റ്റേഷനുകളാണ് തിങ്കളാഴ്ചയായ ഇന്ന് (നവംബർ 2) രാവിലെ 7 മുതൽ ഉച്ചയ്ക്ക് 2 വരെ അടച്ചിടുന്നത്.
വതൻ എക്സർസൈസ് 2026ന്റെ ഭാഗമായുള്ള പ്രവർത്തനങ്ങൾക്കായാണ് സ്റ്റേഷനുകൾ അടച്ചിടുന്നതെന്ന് ഖത്തർ റെയിൽ വ്യക്തമാക്കി. ഈ സമയത്ത് പ്രസ്തുത സ്റ്റേഷനുകൾ വഴി യാത്ര ചെയ്യാൻ കഴിയില്ല.
യാത്രക്കാർ യാത്രകൾ മുൻകൂട്ടി ആസൂത്രണം ചെയ്യണമെന്നും ആവശ്യമായ ക്രമീകരണങ്ങൾ വരുത്തണമെന്നും ഖത്തർ റെയിൽ നിർദേശിച്ചു. സ്റ്റേഷനുകൾ വീണ്ടും തുറക്കുന്ന സമയത്തിന് ശേഷം സാധാരണ സർവീസുകൾ പുനരാരംഭിക്കുമെന്നാണ് അറിയിപ്പ്.
തിങ്കളാഴ്ച രാവിലെ ഈ സ്റ്റേഷനുകളെ ആശ്രയിച്ച് യാത്ര ചെയ്യുന്നവർ യാത്ര പുറപ്പെടുന്നതിന് മുമ്പ് ഖത്തർ റെയിലിന്റെ ഔദ്യോഗിക അറിയിപ്പുകൾ പരിശോധിക്കുന്നത് ഉചിതമാണ്.
